လံာ်လူၤကၣ် 15:13 - Sgaw Karen Common Bible

¹³ စှၤသီအလီၢ်ခံန့ၣ်, ဖိခွါလၢအသးစၢ်တဂၤဆါကွံာ်အတၢ်စုလီၢ်ခီၣ်ခိၣ် လၢအန့ၢ်ဘၣ်သါဝဲတဖၣ်, ဒီးစိာ်ထီၣ်စ့လၢအဒိးန့ၢ်ဝဲဒီးဟးထီၣ်ကွံာ်လၢအဟံၣ်လီၤ. အဝဲဒၣ်လဲၤဆူထံကီၢ်လၢအစီၤစုၤယံၤတဘ့ၣ်, ဒီးဖဲန့ၣ်အဝဲဒၣ်မၤလၢာ်ဂီၤကွံာ်အကျိၣ်အစ့လၢတၢ်လုၣ်ကိလုၣ် ကပာ်အပူၤလီၤ.

လံာ်လူၤကၣ် 15:13 Iomraidhean Croise

စံးထီၣ်ပတြၢၤ 73:27

အဂ့ၢ်ဒ်အံၤ, ကွၢ်ကွၢ်, ပှၤလၢအအိၣ်ယံၤဒီးနၤန့ၣ် ကတုၤလၢတၢ်ဟးဂီၤလီၤ. နကမၤဟးဂီၤကွံာ်ပှၤလၢအသးတတီဒီးနၤန့ၣ်လီၤ.

တၢ်ကတိၤဒိ. 18:9

ပှၤအကၢၣ်တဂၤန့ၣ်အၢထဲသိးသိးပှၤတဂၤလၢအမၤဟးဂီၤတၢ်န့ၣ် လီၤ.

တၢ်ကတိၤဒိ. 21:17

တၢ်လူၤဘၣ်ပသးလၢဟီၣ်ခိၣ်အတၢ်မုာ်တၢ်လၤတဖၣ်, သံးဧိၤဂာ်ဧိၤ, စပံးထံ, ဒီးတၢ်အီၣ်ဝံၣ်သိဝံၣ်ဘဲးတဖၣ်အပူၤန့ၣ်, တဒုးထူးတီၤထီၣ်သုနီတစုဘၣ်.

တၢ်ကတိၤဒိ. 21:20

ပှၤကူၣ်သ့တဖၣ်န့ၣ်အိၣ်မူလၢတၢ်ထူးတၢ်တီၤဒီးဟီၣ်ခိၣ်အတၢ် မုာ်တၢ်လၤအပူၤလီၤ. မ့မ့ၢ်, ပှၤလၢအမၢးတဖၣ်သူလၢာ်ကွံာ်အစ့ထဲသိးသိးအမၤန့ၢ် အီၤန့ၣ်လီၤ.

တၢ်ကတိၤဒိ. 27:8

ပှၤတဂၤလၢအအိၣ်ယံၤဒီးဟံၣ်န့ၣ်, လီၤဂာ်ဒီးထိၣ်တဘ့ၣ်လၢအယံၤဒီးအသွံလီၤ.

တၢ်ကတိၤဒိ. 28:7

ပှၤသးစၢ်တဂၤလၢအဒိကနၣ်တၢ်သိၣ်တၢ်သီန့ၣ်မ့ၢ်ပှၤအိၣ်ဒီးတၢ် သူၣ်ဆးသးဆးလီၤ. မ့မ့ၢ်ပှၤတဂၤလၢအဒီတံၤဒီသကိးဒီးပှၤတဂိာ်တသီၣ်ဘၣ်တဖၣ်န့ၣ် မ့ၢ်တၢ်မဲာ်ဆှးလၢအပၢ်အဂီၢ်လီၤ.

တၢ်ကတိၤဒိ. 29:3

နမ့ၢ်ပာ်လုၢ်ပာ်ပှ့ၤတၢ်ကူၣ်သ့ဒီး, နပၢ်ကပာ်ကဖၢလၢအသးလၢ နဃိလီၤ. တၢ်မၤလၢာ်စ့လၢပှၤဃဲသဲမုၣ်တဖၣ်အဂီၢ်န့ၣ်, မ့ၢ်တၢ်လၢာ်ကလီကလီလၢတၢ်မၢးအပူၤလီၤ.

တၢ်ကတိၤဒိ. 6:26

ပှၤတဂၤဒိးလဲဃဲသဲမုၣ်တဂၤလၢကိၣ်တလိၣ်အပှ့ၤသ့ဝဲ, ဘၣ်ဆၣ်တၢ်အဲၣ်ဘၢမါအဲၣ်ဘၢဝၤအပှ့ၤကလံၤန့ၣ်ကမ့ၢ်တၢ်လၢ အအိၣ်ဒီးအီၤခဲလၢာ်လီၤ.

လံာ်ယၡါယၤ 1:4

ပှၤတၢ်ဒဲးဘးဖိတကလုာ်, ပှၤဟးဂီၤဒီးပှၤအၢပှၤသီသ့ၣ်ဧၢ, သုဘၣ်တၢ်စံၣ်ညီၣ်ဃါမနၤလီၤ. သုတၢ်ဒဲးဘးတဖၣ်ထုး လီၤသုဒီးသုတတူၢ်လိာ်ကစၢ်, အံၣ်စရ့လးအကစၢ်ယွၤစီဆှံ ဘၣ်, ဒီးသုဒီသုချၢလၢအီၤလီၤ.

လံာ်ယၡါယၤ 22:13

အခိၣ်တလိၣ်, သုနံၤသုအ့ဒီးမၤတ့ၢ်မူးသးခုလီၤ. သုမၤသံသိဒီးဂီၤဖံးလၢသုကအီၣ်တၢ်အဂီၢ်ဒီးသုအီစပံးထံန့ၣ်လီၤ. သုစံး, “ဂ့ၤပအီၣ်သကိးအီသကိးတခီလီၤ. ခဲဂီၤကိာ်န့ၣ်, ပကသံပဝဲလီၤ.”

လံာ်ယၡါယၤ 30:11

ဟးထီၣ်ကွံာ်လၢပကျဲပူၤဒီးသုးကွံာ်တၢ်မၤတံာ်တာ်ပကျဲပက ပူၤတက့ၢ်. ပသးတအိၣ်နၢ်ဟူနအံၣ်စရ့လးကစၢ်ယွၤစီဆှံ တဂၤန့ၣ်အဂ့ၢ်ဘၣ်.”

လံာ်ယၡါယၤ 56:12

ပှၤလၢအမူၤလၢသံးတဖၣ်စံးဝဲ, မ်ပကမၤန့ၢ်စပံးထံတနီၤဒီး အီခဲလၢာ်ဖဲပအီကဲန့ၣ်တက့ၢ်. ခဲမုၢ်ဆ့ၣ်တနံၤန့ၣ်, ကဂ့ၤဒိၣ်န့ၢ်ဒံးတနံၤညါအံၤတက့ၢ်လီၤ.”

လံာ်ယံးရမံယၤ 2:13

အဂ့ၢ်ဒ်အံၤ, ယပှၤဂီၢ်မုၢ်မၤတ့ၢ်တၢ်ဒဲးဘးခံမံၤလၢအမ့ၢ်, အဝဲသ့ၣ်ဃၣ်ကွံာ်အသးလၢယၤ, လၢအမ့ၢ်ထံဆှံအထံမူထီၣ်ပၢၢ်, ဒီးအဝဲသ့ၣ်ခူၣ်ကမါတဖၣ်, ကမါလၢအတဲၤဖးအသးတဖၣ်ဒီးတၢ်ပဒၢးဃာ်ထံန့ၢ်တသ့လ့ၤတ က့ၤဘၣ်န့ၣ်လီၤ.

လံာ်ယံးရမံယၤ 2:31

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဒိကနၣ်တၢ်လၢယစံးဘၣ် တဲဘၣ်သုတက့ၢ်. မ့ၢ်ယလီၤဂာ်ဒီးမဲးမုၢ်ခိၣ်တတီၤလၢသုဂီၢ်, လီၤဂာ်ဒီးကီၢ်တဘ့ၣ်လၢအခံးဒီးလီၤပျံၤန့ၣ်ဧါ. ဘၣ်မနုၤအဃိ သုစံးလၢသုကမၤဖဲဒၣ်သုသး, ဒီးတဟဲက့ၤကဒါက့ၤလၢၤဘၣ် ဆူယအိၣ်နီတစုဘၣ်န့ၣ်လဲၣ်.

လံာ်ယံးရမံယၤ 2:5

ယွၤစံးဝဲ, “သုမိၢ်ပၢ်ဖံဖုလၢပျၢၤတဖၣ်ပာ်တၢ်ကမၣ်ထီဒါ ယၤလၢမနုၤတမံၤအဃိန့ၣ်လဲၣ်. တၢ်မနုၤဒုးဃၣ်ကွံာ်အဝဲသ့ၣ်အသးလၢယၤန့ၣ်လဲၣ်. အဝဲသ့ၣ်ဘူၣ်ထီၣ်ဘါထီၣ်တ့ၢ်တၢ်ဂီၤတၢ်ဖှီၣ်လၢအမ့ၢ်တၢ် ကလီကလီတဖၣ် ဒီးအဝဲသ့ၣ်အကစၢ်ဒၣ်ဝဲကဲထီၣ်ပှၤကလီကလီတဖၣ်န့ၣ်လီၤ.

လံာ်မံကၤ 6:3

ယွၤစံးဝဲဒၣ်, “ယပှၤဂီၢ်မုၢ်ဧၢ, ယမၤတ့ၢ်သုတၢ်မနုၤတမံၤလဲၣ်. ယကဲထီၣ်တ့ၢ်တၢ်ဝံဃၢတမံၤလၢသုဂီၢ်ဒ်လဲၣ်. စံးဆၢယၤတက့ၢ်.

လံာ်လူၤကၣ် 15:12

ဖိလၢအသးစၢ်တဂၤန့ၣ်စံးဘၣ်အပၢ်, ‘ပၢ်ဧၢ, ယတၢ်န့ၢ်သါလၢယကဘၣ်ဒိးန့ၢ်အီၤန့ၣ်ဟ့ၣ်လီၤယၤခဲကနံၣ်အံၤ တက့ၢ်.’ လၢတၢ်န့ၣ်အဃိအဝဲဒၣ်နီၤဖးလီၤတၢ်စုလီၢ်ခီၣ်ခိၣ်လၢဖိခံ ဂၤန့ၣ်အဂီၢ်လီၤ.

လံာ်လူၤကၣ် 15:14

အဝဲဒၣ်သူလၢာ်ကွံာ်တၢ်လၢအအိၣ်ဒီးအီၤခဲလၢာ်လီၤ. တၢ်န့ၣ်ဝံၤအလီၢ်ခံ တၢ်သၣ်ဝံၤလီၤဒိဖးဒိၣ်အိၣ်ထီၣ်ဝဲဒၣ်လၢကီၢ်အဝဲန့ၣ်အပူၤ, ဒီးတၢ်တအိၣ်ဒီးအီၤနီတမံၤလၢၤဘၣ်လီၤ.

လံာ်လူၤကၣ် 15:30

မ့မ့ၢ်နဖိခွါတဂၤအံၤမၤလၢာ်ဂီၤနတၢ်စုလီၢ်ခီၣ်ခိၣ်ခဲလၢာ်လၢတၢ်ဂဲၤ ဃုာ်ဒီးဃဲသဲမုၣ်, ဒီးဖဲအဝဲဒၣ်ဟဲက့ၤတုၤဟံၣ်န့ၣ်နမၤသံဂီၤဖံးဖိအဘီၣ်ကတၢၢ် တဒုလၢအဝဲဒၣ်အဂီၢ်လီၤ.’

လံာ်လူၤကၣ် 16:1

ယ့ၣ်ၡူးစံးဘၣ်အပျဲၢ်အဘီၣ်တဖၣ်, “ပှၤထူးပှၤတီၤအိၣ်ဝဲဒၣ်တဂၤလၢ အအိၣ်ဒီးပှၤအံးထွဲကွၢ်ထွဲအတၢ်ဖိတၢ်လံၤတဂၤလီၤ. အဝဲဘၣ်တၢ်တဲဘၣ်အီၤလၢအပှၤကွၢ်ထွဲတၢ်ဖိတၢ်လံၤတဂၤအံၤ မၤလၢာ်ဂီၤကလီအကျိၣ်အစ့လီၤ.

လံာ်လူၤကၣ် 16:19

“တဘျီန့ၣ်, ပှၤထူးပှၤတီၤအိၣ်ဝဲတဂၤလၢအကူအသိးတၢ်ကူတၢ်ကၤအပှ့ၤဒိၣ်ကတၢၢ် တဖၣ်ဒီးမုာ်လၤဝဲလၢတၢ်အီၣ်အမူးဖးဒိၣ်အပူၤကိးနံၤဒဲးလီၤ.

အ့းဖ့းစူး 2:13

ဘၣ်ဆၣ်ဒီးအခဲအံၤ, လၢသုမူလၢယ့ၣ်ၡူးခရံာ်အပူၤအဃိန့ၣ်, သုဝဲသ့ၣ်လၢအအိၣ်ယံၤဒီးယွၤန့ၣ်, သုဘၣ်တၢ်ဆှၢသုဘူး ထီၣ်ဒီးယွၤခီဖျိခရံာ်အတၢ်သံန့ၣ်လီၤ.

အ့းဖ့းစူး 2:17

ခရံာ်ဟဲဝဲဒီးစံၣ်တဲၤတဲလီၤတၢ်သးခုအကစီၣ်ဘၣ်ဃးဒီးတၢ်ဃူ တၢ်ဖိးဆူပှၤခဲလၢာ်အအိၣ်, သုဝဲပှၤကလုာ်ဂၤတဖၣ်လၢအအိၣ်ယံၤဒီးကစၢ်ယွၤဒီးပှၤယူဒၤဖိ တဖၣ်လၢအမ့ၢ်ပှၤအိၣ်ဘူးဒီးကစၢ်ယွၤအအိၣ်န့ၣ်လီၤ.

၂ ပ့းတရူး 2:13

ဒီးကတူၢ်ဘၣ်က့ၤတၢ်လၢအဒုးတူၢ်ပှၤဂၤန့ၣ်လီၤ. တၢ်မၤလၢပှဲၤနီၢ်ခိဖံးညၣ်အတၢ်သူၣ်ဝံၤသၣ်စ့ၤလၢမုၢ် ဆါခီန့ၣ်, အဝဲသ့ၣ်ပာ်ဝဲလၢအမ့ၢ်တၢ်မုာ်လၤသးဖှံ လီၤ. ဖဲအဝဲသ့ၣ်အီၣ်တၢ်အီတၢ်ဒီးသုန့ၣ်, ကဲထီၣ်တၢ်လီၤမဲာ်ဆှးဒီးတၢ်အသူးအသ့ၣ်တအိၣ်ဘၣ် အလီၢ်, ဒီးမုာ်လၤဒံးဒၣ်ဝဲလၢအတၢ်လီတၢ်ဝ့ၤအကျဲတဖၣ် အပူၤန့ၣ်လီၤ.