လံာ်လူၤကၣ် 14:9 - Sgaw Karen Common Bible

⁹ ဒီးဟံၣ်ကစၢ်လၢအကွဲသုဝဲခံဂၤလၢာ်န့ၣ်ကဟဲဆူနအိၣ်ဒီးစံးဝဲ, ‘ပျဲအဝဲဒၣ်ဟံးန့ၢ်တၢ်လီၢ်အဝဲအံၤတက့ၢ်’ န့ၣ်လီၤ. တုၤနုၤတစုနမဲာ်ကဆှးဒီးနကဘၣ်ဆ့ၣ်နီၤက့ၤနဲလၢ တၢ်လီၢ်အဖုၣ်ကတၢၢ်လီၤ.

လံာ်လူၤကၣ် 14:9 Iomraidhean Croise

တၢ်ကတိၤဒိ. 11:2

ပှၤလၢအပာ်ထီၣ်ထီအသးတဖၣ်န့ၣ်တယံာ်ဘၣ်ဒီးကဘၣ်တၢ်မၤမဲာ်ဆှး အီၤလီၤ. မ့မ့ၢ်တၢ်ပာ်သးဖဲအဘၣ်အဘၣ်န့ၣ်မ့ၢ်ဝဲတၢ်ကူၣ်သ့ဒိၣ် တက့ၢ်လီၤ.

တၢ်ကတိၤဒိ. 16:18

တၢ်ပာ်ထီၣ်ထီသးန့ၣ်ဆှၢပှၤဆူတၢ်ဟးဂီၤ, ဒီးတၢ်ပာ်ကဖိသးန့ၣ်ဆူတၢ်လီၤပှီၢ်လီၤ.

တၢ်ကတိၤဒိ. 3:35

ပှၤကူၣ်တၢ်သ့တဖၣ်ကန့ၢ်သါတၢ်လၤကပီၤလီၤ. မ့မ့ၢ်ပှၤဟးဂီၤဖိတဖၣ်န့ၣ်ကပာ်ဖှိၣ်အါထီၣ်ဒၣ်အတၢ်မဲာ်ဆှး န့ၣ်လီၤ.

လံာ်လူၤကၣ် 13:17

လၢယ့ၣ်ၡူးအတၢ်စံးဆၢတထံၣ်အံၤအဃိ, အဒုၣ်အဒါခဲလၢာ်အမဲာ်ဆှးလီၤက့ၤအသး, မ့မ့ၢ်, ပှၤဂီၢ်မုၢ်ခဲလၢာ်သူၣ်ဖှံသးညီလၢကယဲၢ်တၢ်မၤ လီၤလိၢ်လီၤလးလၢအမၤတ့ၢ်ဝဲတဖၣ်အဃိန့ၣ်လီၤ.

လံာ်လူၤကၣ် 3:8

မၤတၢ်သ့ၣ်တဖၣ်လၢအကဒုးနဲၣ်ဖျါထီၣ်လၢသုဃၣ်ကွံာ်လံ သုသးလၢတၢ်ဒဲးဘးတဖၣ်န့ၣ်တက့ၢ်. ဒီးတဘၣ်စံးလိာ်သုသး ကဒဲကဒဲလၢစီၤအၤဘြၤဟၣ်မ့ၢ်သုပၢ်ဖးဒိၣ်လၢသုဟဲလီၤစၢၤ လၢအီၤတဂၤန့ၣ်တဂ့ၤ. ယစံးဘၣ်သုလၢကစၢ်ယွၤဟံးန့ၢ်လၢၢ် တဖၣ်အံၤဒီးဒုးကဲထီၣ်ဝဲစၢၤသွဲၣ်တဖၣ်လၢစီၤအၤဘြၤဟၣ် အဂီၢ်န့ၣ်သ့ဝဲလီၤ.