လံာ်လူၤကၣ် 14:33 - Sgaw Karen Common Bible

³³ ယ့ၣ်ၡူးမၤကတၢၢ်အတၢ်ဂ့ၢ်တမံၤအံၤဒီးစံးဝဲ, “ဒ်န့ၣ်အသိးမ့တမ့ၢ်လၢသုဟ့ၣ်လီၤကွံာ်တၢ်လၢအအိၣ်ဒီး သုခဲလၢာ်ဘၣ်ဒီး, သုကဲထီၣ်ယပျဲၢ်ယဘီၣ်တသ့နီတဂၤဘၣ်.

လံာ်လူၤကၣ် 14:33 Iomraidhean Croise

လံာ်လူၤကၣ် 14:26

ပှၤတဂၤလၢ်လၢ်လၢအဟဲဆူယအိၣ်န့ၣ်, မ့တမ့ၢ်လၢအဝဲဒၣ်အဲၣ်ယၤအါန့ၢ်အပၢ်, ဒီးအမိၢ်, အမါဒီးအဖိအလံၤတဖၣ်, အဒီပုၢ်ဝဲၢ်ခွါတဖၣ်, ဒီးအဒီပုၢ်ဝဲၢ်မုၣ်တဖၣ်, ဒီးအနီၢ်ကစၢ်ဒၣ်ဝဲစ့ၢ်ကီးဘၣ်ဒီး, ကဲယပျဲၢ်ယဘီၣ်တသ့ဘၣ်.

လံာ်လူၤကၣ် 14:32

အဝဲအဂံၢ်အဘါမ့ၢ်တအိၣ်န့ၣ်, ကဆှၢလီၤဝဲကလူးစိာ်တၢ်ကစီၣ် တဖၣ်ဒ်သိးအကထံၣ်လိာ်အသးဒီးစီၤပၤအဂၤတဂၤန့ၣ်ဖဲ အအိၣ်ဒံးလၢကျဲဖးယံၤအဖၢမုၢ်, ဒီးကကတိၤတၢ်ဒီးအီၤဘၣ်ဃး တၢ်ဃူတၢ်ဖိးအဂ့ၢ်န့ၣ်လီၤ.”

လံာ်လူၤကၣ် 5:11

အဝဲသ့ၣ်တွံၢ်ထီၣ်အချံတဖၣ်လၢထံကၢၢ်နံၤ, ပာ်တ့ၢ်ကွံာ်တၢ်ခဲလၢာ်ခဲဆ့ဒီးပိာ်ထီၣ်ယ့ၣ်ၡူးအခံန့ၣ်လီၤ.

လံာ်လူၤကၣ် 5:28

စီၤလ့ၤဝံဂဲၤဆၢထၢၣ်ဝဲ, ပာ်လီၤတဲာ်တ့ၢ်တၢ်ခဲလၢာ်ဒီးပိာ်ထီၣ်အခံလီၤ.

ဧ့ၤဘြံၤ 11:26

အဝဲဆိကမိၣ်ဒီးပာ်လုၢ်ပာ်ပှ့ၤတၢ်တူၢ်တၢ်ဒုၣ်ဒွဲၣ်လၢခရံာ် အဂီၢ်အါန့ၢ်ဒိၣ်န့ၢ်အဲၤကူပတူးအတၢ်ထူးတၢ်တီၤတဖၣ် တက့ၢ်, အဂ့ၢ်မ့ၢ်လၢအဝဲကွၢ်ဒၣ်တၢ်ဆူခိၣ်ဖးလၢအအိၣ်လၢ အမဲာ်ညါအဃိန့ၣ်လီၤ.