လံာ်လူၤကၣ် 14:32 - Sgaw Karen Common Bible

³² အဝဲအဂံၢ်အဘါမ့ၢ်တအိၣ်န့ၣ်, ကဆှၢလီၤဝဲကလူးစိာ်တၢ်ကစီၣ် တဖၣ်ဒ်သိးအကထံၣ်လိာ်အသးဒီးစီၤပၤအဂၤတဂၤန့ၣ်ဖဲ အအိၣ်ဒံးလၢကျဲဖးယံၤအဖၢမုၢ်, ဒီးကကတိၤတၢ်ဒီးအီၤဘၣ်ဃး တၢ်ဃူတၢ်ဖိးအဂ့ၢ်န့ၣ်လီၤ.”

လံာ်လူၤကၣ် 14:32 Iomraidhean Croise

လံာ်စီၤယိၤဘး 40:9

နဂံၢ်နဘါကဆူၣ်ဒ်ယၤအသိးဧါ. နမၤသီၣ်နကလုၢ်လီၤဂာ်ဒီး ယၤဒီးလီသီၣ်ဖးဒိၣ်အသိးသ့ဧါ.

လံာ်မးသဲ 5:25

ပှၤတဂၤဂၤမ့ၢ်လိာ်ကွီၢ်နၤဒီးမၤဘၣ်လိာ်က့ၤနသးဒီးအီၤဖဲ တၢ်ဆၢကတီၢ်အိၣ်ဒံး, တချုးနလဲၤဘၣ်ဆူကွီၢ်ဘျီၣ်ပူၤန့ၣ်တက့ၢ်. နမ့ၢ်တုၤဆူကွီၢ်ဘျီၣ်ပူၤဒီးအဝဲကဟ့ၣ်လီၤနၤဆူပှၤစံၣ်ညီၣ်ကွီၢ်အစုပူၤ, ဒီးပှၤစံၣ်ညီၣ်ကွီၢ်ကဟ့ၣ်လီၤနၤဆူပှၤပၢၤကီၢ်အစုပူၤ, ဒီးနကဘၣ်တၢ်ဆှၢနၤဆူဃိာ်ပူၤန့ၣ်လီၤ.

လံာ်မးသဲ 5:42

ပှၤတဂၤဂၤမ့ၢ်ဃ့တၢ်လၢနၤဒီးဟ့ၣ်အီၤတက့ၢ်. ဖဲပှၤတဂၤဂၤသးအိၣ်ဃ့လိၢ်တၢ်လၢနၤဒီးဟ့ၣ်လိၢ်အီၤတက့ၢ်.

လံာ်လူၤကၣ် 12:58

ပှၤတဂၤမ့ၢ်လိာ်ဘၢလိာ်ကွီၢ်ထီဒါနၤဒီးဆှၢနၤဆူကွီၢ်ဘျီၣ်န့ၣ်, ဂုာ်ကျဲးစၢးနဲတသ့ဖဲအသ့ဒ်သိးနကမၤဘၣ်လိာ်က့ၤနသးဒီးအီၤ, ဖဲသုလဲၤလၢကျဲဒ်သိးအဝဲသုတတွံၢ်နၤဆူပှၤစံၣ်ညီၣ်ကွီၢ်အမဲာ်ညါ, ဒီးပှၤစံၣ်ညီၣ်ကွီၢ်သုတဟ့ၣ်လီၤနၤဆူပၢၤကီၢ်အစုပူၤ, ဒီးပၢၤကီၢ်သုတဒၢနုာ်နၤလၢဃိာ်ပူၤတဂ့ၤအဂီၢ်န့ၣ်တက့ၢ်.

လံာ်လူၤကၣ် 14:31

စီၤပၤတဂၤမ့ၢ်ဟးထီၣ်ဒီးပှၤအဂၤတကလးဒ်သိးအကဒုးစီၤပၤ အဂၤတဂၤလၢအဟဲထီဒါအီၤအိၣ်ဒီးပှၤအဂၤခံကလးန့ၣ်, အဝဲဒၣ်ကဆ့ၣ်နီၤဆိဒီးကွၢ်ဆိကမိၣ်ဘၣ်ဃးအဂံၢ် အဘါလၢအကကွၢ်ဆၢၣ်မဲာ်စီၤပၤအဂၤတဂၤအဂီၢ်အိၣ် တအိၣ်လဲၣ်အဂ့ၢ်န့ၣ်လီၤ.

လံာ်လူၤကၣ် 14:33

ယ့ၣ်ၡူးမၤကတၢၢ်အတၢ်ဂ့ၢ်တမံၤအံၤဒီးစံးဝဲ, “ဒ်န့ၣ်အသိးမ့တမ့ၢ်လၢသုဟ့ၣ်လီၤကွံာ်တၢ်လၢအအိၣ်ဒီး သုခဲလၢာ်ဘၣ်ဒီး, သုကဲထီၣ်ယပျဲၢ်ယဘီၣ်တသ့နီတဂၤဘၣ်.

လံာ်လူၤကၣ် 19:14

တၢ်မၤအသးလၢ, အဝဲဒၣ်အထံဖိကီၢ်ဖိတဖၣ်သးဟ့အီၤ, သတးဒီးအဝဲသ့ၣ်ဆှၢလီၤပှၤစိာ်တၢ်ကစီၣ်တဖၣ်ဒ်သိးအကစံးဝဲ, ‘ပတအဲၣ်ဒိးလၢပှၤတဂၤအံၤကကဲပစီၤပၤဘၣ်’ န့ၣ်လီၤ.

မၤတၢ် 12:20

စီၤဟ့ၤရိာ်အသးထီၣ်ဘၣ်ပှၤထါယၢၣ်ဖိဒီးပှၤစံဒိၣ်ဖိတဖၣ်အဒိၣ် အအါလီၤ. လၢတၢ်န့ၣ်အဃိအဝဲသ့ၣ်လဲၤတပူၤဃီဒ်သိးအကထံၣ်လိာ်အသး ဒီးစီၤဟ့ၤရိာ်အဂီၢ်လီၤ. အဆိကတၢၢ်အဝဲသ့ၣ်ထုးန့ၢ်စီၤဘျၤစတူးအသးဆူအအိၣ်လၢ အကမၤစၢၤအီၤအဂီၢ်, အဂ့ၢ်မ့ၢ်လၢအဝဲမ့ၢ်ပှၤကွၢ်ထွဲစီၤပၤအနူၢ်အစီၤ အဃိလီၤ. အန့ၣ်ဝံၤအလီၢ်ခံအဝဲသ့ၣ်လဲၤဆူစီၤပၤဟ့ၤရိာ်အအိၣ်ဒီး ဃ့တၢ်ဃူတၢ်ဖိးလၢအီၤ, အဂ့ၢ်မ့ၢ်လၢအဝဲသ့ၣ်အထံအကီၢ်ဒိးန့ၢ်ဘၣ်အတၢ်အီၣ်တၢ်အီလၢ စီၤပၤအထံအကီၢ်အအိၣ်အဃိန့ၣ်လီၤ.