လံာ်လူၤကၣ် 14:24 - Sgaw Karen Common Bible

²⁴ ယစံးဘၣ်တဲဘၣ်သု, ပှၤလၢအဘၣ်တၢ်ကွဲအီၤတဖၣ်တလ့ၣ်ကွၢ်ဘၣ်ယဟါ အတၢ်အီၣ်နီတဂၤဘၣ်.’ ”

လံာ်လူၤကၣ် 14:24 Iomraidhean Croise

လံာ်မးသဲ 21:43

ယ့ၣ်ၡူးစံးကဒီးဝဲ, “လၢတၢ်န့ၣ်အဃိ, ယစံးဘၣ်သု, ကစၢ်ယွၤအဘီအမုၢ်ကဘၣ်တၢ်ဟံးထီၣ်ကွံာ်အီၤလၢသုအိၣ်, ဒီးဟ့ၣ်လီၤအီၤဆူပှၤတကလုာ်လၢအဟ့ၣ်ထီၣ်တၤသၣ် လၢအကြၢးဝဲဘၣ်ဝဲန့ၣ်လီၤ.”

လံာ်မးသဲ 22:8

တုၤနုၤတစု, အဝဲစံးဘၣ်အခ့အပှၤတဖၣ်ဒီးစံး, ‘တၢ်ဖျီအမူးအိၣ်ကတဲာ်ကတီၤအသးလံ. ဘၣ်ဆၣ်ပှၤလၢအဘၣ်တၢ်ကွဲမုာ်အီၤတဖၣ်န့ၣ်, တကြၢးဝဲဘၣ်ဝဲဒီးတၢ်လၤကပီၤအံၤဘၣ်.

လံာ်လူၤကၣ် 14:23

လၢတၢ်န့ၣ်အဃိကစၢ်စံးဘၣ်အတၢ်ခ့တၢ်ပှၤ, ‘လဲၤဆူဒူသဝီကျဲမုၢ်ဒီးကျဲဖိတဖၣ်, ဒီးမၢပှၤဟဲဒ်သိးယဟံၣ်ကပှဲၤအဂီၢ်န့ၣ်တက့ၢ်.

လံာ်လူၤကၣ် 14:25

ပှၤဂီၢ်မုၢ်ဖးဒိၣ်လဲၤဃုာ်တၢ်ဒီးယ့ၣ်ၡူးလီၤ. အဝဲဒၣ်ဃၣ်ဃီၤအသးဆူအဝဲသ့ၣ်အအိၣ်, ဒီးစံးဘၣ်အီၤ,

လံာ်ယိၤဟၣ် 3:19

တၢ်စံၣ်ညီၣ်မ့ၢ်ဒ်အံၤလီၤ. တၢ်ကပီၤဟဲနုာ်လီၤဆူဟီၣ်ခိၣ်, ဘၣ်ဆၣ်ပှၤဟီၣ်ခိၣ်ဖိအဲၣ်တၢ်ခံးဒိၣ်န့ၢ်ဒံးအအဲၣ်တၢ်ကပီၤ တက့ၢ်, မ့ၢ်လၢအတၢ်မၤတဖၣ်န့ၣ်အၢဝဲသီဝဲအဃိလီၤ.

လံာ်ယိၤဟၣ် 3:36

ပှၤလၢအစူၢ်က့ၤနာ်က့ၤဖိခွါန့ၣ်အိၣ်ဒီးတၢ်မူအထူအယိာ် လီၤ. မ့မ့ၢ်ပှၤလၢတဒိကနၣ်ဒီးတစူၢ်တနာ်ဘၣ်ဖိခွါန့ၣ်, တအိၣ်ဒီးတၢ်မူန့ၣ်ဘၣ်. ဒီးကအိၣ်ဒၣ်လၢကစၢ်ယွၤအတၢ် စံၣ်ညီၣ်အဖီလာ်တထံၣ်ဃီန့ၣ်လီၤ.”

လံာ်ယိၤဟၣ် 8:21

ယ့ၣ်ၡူးစံးဘၣ်ကဒီးအဝဲသ့ၣ်, “ယကဟးထီၣ်လဲၤတၢ်, ဒီးသုကဃုယၤဘၣ်ဆၣ်သုကသံလၢသုတၢ်ဒဲးဘးတဖၣ် အပူၤလီၤ. တၢ်လီၢ်လၢယလဲၤန့ၣ်သုလဲၤတသ့ဘၣ်.”

လံာ်ယိၤဟၣ် 8:24

လၢတၢ်န့ၣ်အဃိ, ယစံးဘၣ်သုလၢသုကသံလၢသုတၢ်ဒဲးဘးတဖၣ် အပူၤလီၤ. ဒီးသုမ့ၢ်တနာ်လၢ ‘ယမ့ၢ်တၢ်လၢယမ့ၢ်’ ဘၣ်ဒီး သုကသံလၢသုတၢ်ဒဲးဘးတဖၣ်အပူၤလီၤ.”

မၤတၢ် 13:46

ဘၣ်ဆၣ်ဒီးစီၤပီလူးဒီးစီၤဘၢ်နါဘၤကတိၤထီၣ်တၢ်ဒူဒိၣ်န့ၢ်ဒံး အလီၢ်တက့ၢ်ဒီးစံး, “အလီၢ်အိၣ်လၢပဘၣ်စံးကတိၤဆိကစၢ်ယွၤအကလုၢ်ကထါလၢသုလီၤ. ဘၣ်ဆၣ်မ့ၢ်လၢသုတစူၢ်တနာ်အီၤဘၣ်ဒီးသုစံၣ်ညီၣ်လီၤဒၣ်သုသး ဒ်ပှၤလၢအတကြၢးတဘၣ်လၢအကဒိးန့ၢ်တၢ်မူအထူအယိာ်အဃိ, ပကပာ်တ့ၢ်သုဒီးလဲၤဆူပှၤကလုာ်အဂၤတဖၣ်အအိၣ်လီၤ.