လံာ်လူၤကၣ် 14:16 - Sgaw Karen Common Bible

¹⁶ ယ့ၣ်ၡူးစံးဘၣ်အီၤ, “တဘျီပှၤတဂၤအိၣ်ဒီးတၢ်အီၣ်အမူးဖးဒိၣ် တမူးဒီးအဝဲဒၣ်ကွဲပှၤအါဒံအါဂၤလီၤ.

လံာ်လူၤကၣ် 14:16 Iomraidhean Croise

လံာ်တၢ်သးဝံၣ်တဖၣ်အတၢ်သးဝံၣ် 5:1

ယတၢ်အဲၣ်သးဘိ, ယတလးမူးပိာ်မုၣ်ဧၢ, ယဟဲနုာ်လံလၢယတၤသၣ်ကရၢၢ်ပူၤလံန့ၣ်လီၤ. ယထၢဖှိၣ်ယသ့ၣ်နၢမူအထုးအစီတဖၣ်ဒီးမူရၣ်, ယအီၣ်ယကနဲစီဒီးကနဲခိၣ်ထံ, ယအီယစပံးထံဒီးတၢ်နုၢ်ထံန့ၣ်လီၤ. ပှၤလၢအအဲၣ်လိာ်အသးသ့ၣ်ဧၢ, အီၣ်တၢ်ဒီးအီတၢ် တုၤလီၤလၢသုမူၤလၢတၢ်အဲၣ်အဃိတက့ၢ်.

လံာ်စကၤရယၤ 10:7

ကီၢ်အံၣ်စရ့လးအပှၤဂီၢ်မုၢ်ကဂံၢ်ဆူၣ်ဘါဆူၣ်ထီၣ်ဒ် ပှၤသုးဖိတဖၣ်အသိး, ကသူၣ်ခုသးခုဒ်ပှၤတဖၣ်လၢအအီစပံးထံအသိးလီၤ. အဝဲသ့ၣ်အစၢၤအသွဲၣ်သ့ၣ်တဖၣ်ကသ့ၣ်နီၣ်ထီၣ် တၢ်မၤနၢၤအံၤ, ဒီးကသးခုဝဲလၢတၢ်လၢယွၤမၤတ့ၢ်ဝဲအဃိန့ၣ်လီၤ.

လံာ်လီၣ်ဖျါ 22:17

ယွၤအသးဒီးတလးမူးပိာ်မုၣ်န့ၣ်စံးဝဲ, “ဟဲတက့ၢ်.” ပှၤတဂၤလၢ်လၢ်လၢအနၢ်ဟူတၢ်အဝဲအံၤန့ၣ်, ကဘၣ်စံးစ့ၢ်ကီးဝဲ, “ဟဲတက့ၢ်” န့ၣ်လီၤ. ဟဲတက့ၢ်, ပှၤလၢတၢ်သူအသးလၢထံတဂၤလၢ်လၢ်ဧၢ, တူၢ်လိာ်ထံမူဒ်တၢ်ဟ့ၣ်တက့ၢ်, ပှၤလၢအဆၢဒိးန့ၢ်ဘၣ်အီၤ တဂၤလၢ်လၢ်ဧၢ.

လံာ်လီၣ်ဖျါ 3:20

ဒိကနၣ်တက့ၢ်. ယအိၣ်ဆၢထၢၣ်ယဲဖဲတြဲၤအခီၣ်ထံးဒီးဒိ တကျိာ်တၢ်လီၤ. ပှၤတဂၤဂၤမ့ၢ်နၢ်ဟူယကလုၢ်ဒီးအိးထီၣ်တြဲၤန့ၣ်, ယကဟဲနုာ်လီၤလၢအဟံၣ်ပူၤဒီးအီၣ်တၢ်အီတၢ်ဒီးအီၤဒီး အဝဲဒၣ်ကအီၣ်တၢ်အီတၢ်ဒီးယၤလီၤ.