လံာ်လူၤကၣ် 14:12 - Sgaw Karen Common Bible

¹² အန့ၣ်ဝံၤဒီးယ့ၣ်ၡူးစံးဘၣ်ဟံၣ်ကစၢ်လၢအတူၢ်လိာ်အီၤတဂၤန့ၣ်, “ဖဲနကတဲာ်ကတီၤမုၢ်ဆါခီအတၢ်အီၣ်မ့တမ့ၢ်ဟါအတၢ်အီၣ်န့ၣ်, နတံၤသကိးတဖၣ်မ့ၢ်ဂ့ၤ, နဒီပုၢ်ဝဲၢ်ခွါတဖၣ်မ့ၢ်ဂ့ၤ, နဘူးနတံၢ်တဖၣ်မ့ၢ်ဂ့ၤ, ပှၤလၢနဃၢၤအထူးအတီၤတဖၣ်မ့ၢ်ဂ့ၤ, တဘၣ်ကွဲအီၤတဂ့ၤ. အဂ့ၢ်ဒ်အံၤ, အဝဲသ့ၣ်ကကွဲကဒါက့ၤနၤ, ဒီးလၢကျဲဒ်အံၤအပူၤ, နကဘၣ်တၢ်ဟ့ၣ်ဘူးဟ့ၣ်လဲနၤလၢတၢ်လၢနမၤနဲအဃိန့ၣ်လီၤ.

လံာ်လူၤကၣ် 14:12 Iomraidhean Croise

တၢ်ကတိၤဒိ. 14:20

ပှၤဖှီၣ်ဖိယာ်ဖိန့ၣ်ဘၣ်တၢ်သးဟ့အီၤလၢပှၤလၢအဃၢၤ ဒၣ်လဲာ်လီၤ. မ့မ့ၢ်, ပှၤထူးပှၤတီၤအိၣ်ဒီးအတံၤသကိးအါဂၤလီၤ.

တၢ်ကတိၤဒိ. 22:16

နမ့ၢ်ဟ့ၣ်တၢ်ဟ့ၣ်တဖၣ်ဆူပှၤထူးပှၤတီၤတဖၣ်မ့ၢ်ဂ့ၤ, နမ့ၢ်မၤနးမၤဖှီၣ်ပှၤဖှီၣ်ဖိယာ်ဖိလၢနကထူးထီၣ်တီၤထီၣ်ဒၣ် နဲအဂီၢ်မ့ၢ်ဂ့ၤဒီး, နကစၢ်ဒၣ်နဲနကဖှီၣ်လီၤယာ်လီၤန့ၣ်လီၤ.

လံာ်မးသဲ 5:46

သုမ့ၢ်အဲၣ်ဒၣ်ထဲပှၤလၢအအဲၣ်သုဒီး ကစၢ်ယွၤဟ့ၣ်ဘူးဟ့ၣ်လဲသုကသ့ဒ်လဲၣ်. ပှၤဃ့သွဲတဖၣ်ဒၣ်လဲာ်မၤဝဲဒ်န့ၣ်လီၤ.

လံာ်လူၤကၣ် 1:53

ပှၤလၢတၢ်သၣ်ဝံၤအသးတဖၣ်န့ၣ်, ဒုးဘျဲးအီၣ်ဘျဲးအီဝဲလၢတၢ်အဝံၣ်အဘဲ ဒီးပှၤအထူးအတီၤတဖၣ်န့ၣ် ဒုးက့ၤကလီကလီဝဲလီၤ.

လံာ်လူၤကၣ် 1:58

ပှၤအိၣ်လၢအဝဲဒၣ်အဃၢၤဒီးအဝဲဒၣ်အဘူးအတံၢ်တဖၣ်နၢ်ဟူဘၣ်ဝဲလၢ ကစၢ်ယွၤဂ့ၤတ့ၢ်လၢအဝဲဒၣ်အဖီခိၣ်လီၤလိၢ်လီၤလးမးဒီး အဝဲသ့ၣ်ကိးဒံကိးဂၤဒဲးသးခုဃုာ်ဒီးအီၤလီၤ.

လံာ်လူၤကၣ် 14:11

အဂ့ၢ်ဒ်အံၤပှၤတဂၤလၢ်လၢ်လၢအပာ်ထီၣ်ထီအသးန့ၣ်ကဘၣ် တၢ်ဆီၣ်လီၤအီၤ, ဒီးပှၤတဂၤလၢ်လၢ်လၢအဆီၣ်လီၤအသးန့ၣ် ကဘၣ်တၢ်ပာ်ထီၣ်ထီအီၤလီၤ.”

လံာ်လူၤကၣ် 14:13

မ့မ့ၢ်နဲဒၣ်အံၤ, ဖဲနကတဲာ်ကတီၤတၢ်အီၣ်တၢ်အီအမူးန့ၣ်, ကွဲပှၤဖှီၣ်ဖိယာ်ဖိ, ပှၤက့ပှၤကွဲၣ်, ပှၤခီၣ်ဟးဂီၤဒီးပှၤမဲာ်ဘျီၣ်တဖၣ်န့ၣ်တက့ၢ်.

၂ ကရံၣ်သူး 6:13

ယစံးကတိၤတၢ်ခဲကနံၣ်အံၤ ဒ်သုမ့ၢ်ယဖိယလံၤတဖၣ်အသိး လီၤ. ဒုးနဲၣ်ဖျါထီၣ်ပှၤသုတၢ်ပာ်သူၣ်ပာ်သးတမံၤဃီဒ် ပပာ်ဖျါ အီၤလၢ သုဂီၢ်အသိးန့ၣ်တက့ၢ်. အိးထီၣ်သုသးလဲၢ်လဲၢ်တက့ၢ်.