လံာ်လူၤကၣ် 14:1 - Sgaw Karen Common Bible

¹ တဘျီဖဲမုၢ်အိၣ်ဘှံးအနံၤတနံၤန့ၣ်, ယ့ၣ်ၡူးလဲၤဆူပှၤဖၤရံၤၡဲအခိၣ်အနၢ်အကျါတဂၤအဟံၣ် ဒ်သိးအကအီၣ်တၢ်, ဒီးပှၤဂီၢ်မုၢ်တဖၣ်ကွၢ်ဟုၣ်ကွၢ်စုာ်အီၤလီၤ.

လံာ်လူၤကၣ် 14:1 Iomraidhean Croise

စံးထီၣ်ပတြၢၤ 37:32

ပှၤအၢပှၤသီကွၢ်ဟုၣ်ကွၢ်စုာ်ပှၤအဂ့ၤအဝါ ဒီးဃုမၤသံအီၤန့ၣ်လီၤ.

စံးထီၣ်ပတြၢၤ 41:6

ပှၤလၢအဟဲထံၣ်ယၤသ့ၣ်တဖၣ်အံၤ တအိၣ်ဒီးတၢ်သးတီဘၣ်. အဝဲသ့ၣ်ပာ်ဖှိၣ်တၢ်ကစီၣ်လၢအတဂ့ၤတဖၣ် လၢအဘၣ်ဃးဒီးယၤ, ဝံၤဟးထီၣ်ဒီးတဲတၢ်အံၤလၢ တၢ်လီၢ်ကိးတီၤဒဲးန့ၣ်လီၤ.

စံးထီၣ်ပတြၢၤ 62:4

သုသးအိၣ်ဒၣ်ထဲလၢသုကပာ်လီၤအီၤလၢ တၢ်လၤကပီၤအလီၢ်, သုမုာ်လၤလၢတၢ်လီတၢ်ဝ့ၤတဖၣ်အပူၤလီၤ. သုဆိၣ်ဂ့ၤတၢ်လၢသုတၢ်ကတိၤတဖၣ်, ဘၣ်ဆၣ်သုဆိၣ်အၢအီၤလၢသုသးပူၤလီၤ. စ့လၤ

တၢ်ကတိၤဒိ. 23:7

အဝဲစံးဝဲ, “ဟဲဒီးအီၣ်အါထီၣ်တက့ၢ်,” ဘၣ်ဆၣ်လၢအသးအကံၢ်အလဲန့ၣ်, တမ့ၢ်ဒ်န့ၣ်ဘၣ်. အနီၢ်ကစၢ်ဒၣ်ဝဲမ့ၢ်ဒ်တၢ်လၢအဆိကမိၣ်ဝဲအသိးန့ၣ်လီၤ.

လံာ်မးသဲ 12:12

ပှၤကညီတဂၤအလုၢ်အပှ့ၤန့ၣ်, ဒိၣ်န့ၢ်အါန့ၢ်ဒံးသိတဒုတက့ၢ်လီၤ. လၢတၢ်န့ၣ်အဃိပတၢ်သိၣ်တၢ်သီဟ့ၣ်ပှၤအခွဲးလၢပကမၤစၢၤမၤဂ့ၤ တၢ်လၢမုၢ်အိၣ်ဘှံးနံၤကစီဒီလီၤ.”

လံာ်မၢ်ကူး 3:2

ပှၤအိၣ်စ့ၢ်ကီးဖဲန့ၣ်တနီၤလၢအအဲၣ်ဒိးပာ်တၢ်ကမၣ်လၢယ့ၣ်ၡူး အလိၤသတးဒီးကွၢ်ဟုၣ်ကွၢ်စုာ်ဝဲမ့ၢ်အဝဲဒၣ်ကမၤဘျါက့ၤ ပှၤတဂၤန့ၣ်လၢပှၤယူဒၤဖိအမုၢ်အိၣ်ဘှံးနံၤဧါန့ၣ်လီၤ.

လံာ်လူၤကၣ် 11:37

ဖဲယ့ၣ်ၡူးကတိၤတၢ်ဝံၤန့ၣ်, ပှၤဖၤရံၤၡဲတဂၤကွဲအီၤဒ်သိးအကအီၣ် တၢ်ဒီးအီၤလီၤ. လၢတၢ်န့ၣ်အဃိအဝဲဒၣ်လဲၤနုာ်, ဒီးဆ့ၣ်နီၤဝဲဒ်သိး အကအီၣ်တၢ်လီၤ.

လံာ်လူၤကၣ် 14:2

ပှၤလၢအစုညိးခီၣ်ညိးတဂၤဟဲဆူယ့ၣ်ၡူးအအိၣ်,

လံာ်လူၤကၣ် 17:20

ပှၤဖၤရံၤၡဲတနီၤသံကွၢ်ယ့ၣ်ၡူးလၢကစၢ်ယွၤအဘီအမုၢ်ကဟဲဝဲဒၣ် ဖဲဆၢကတီၢ်မတၤလဲၣ်န့ၣ်လီၤ. အဝဲဒၣ်အတၢ်စံးဆၢမ့ၢ်ဝဲ, “ကစၢ်ယွၤအဘီအမုၢ်တဟဲဝဲလၢကျဲလၢ ပှၤထံၣ်အီၤသ့အပူၤန့ၣ်ဘၣ်.

လံာ်လူၤကၣ် 20:20

လၢတၢ်န့ၣ်အဃိ, အဝဲသ့ၣ်အိၣ်ခိးကွၢ်တၢ်ဆၢကတီၢ်လၢ အကြၢးဝဲဘၣ်ဝဲလီၤ. အဝဲသ့ၣ်ဟ့ၣ်ပှၤတနီၤစ့ဒ်သိးအကပာ်မၤအသးလၢအမ့ၢ်ပှၤ အသးဘျၢ, ဒီးဆှၢလီၤအဝဲသ့ၣ်လၢအကသံကွၢ်သံဒိးယ့ၣ်ၡူး ဒီးဖီၣ်န့ၢ်အီၤလၢအတၢ်ကတိၤဒ်သိးအဝဲသ့ၣ်ဟ့ၣ်လီၤကွံာ်အီၤ ဆူရိမ့ၤအပဒိၣ်ဖးဒိၣ်အတၢ်စိတၢ်ကမီၤအပူၤကသ့ဝဲအဂီၢ် န့ၣ်လီၤ.

လံာ်လူၤကၣ် 6:7

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတနီၤဒီးပှၤဖၤရံၤၡဲတနီၤ ဃုထံၣ်န့ၢ်တၢ်ဂ့ၢ်တမံၤမံၤလၢအကပာ်တၢ်ကမၣ်လၢယ့ၣ်ၡူးအလိၤ အဂီၢ်လီၤ. လၢတၢ်န့ၣ်အဃိ, အဝဲသ့ၣ်ကွၢ်ဟုၣ်အီၤလၢမ့ၢ်အကမၤ ဘျါတၢ်လၢပှၤယူဒၤဖိအမုၢ်အိၣ်ဘှံးအနံၤ, တမၤဘျါဝဲလဲၣ်န့ၣ်လီၤ.

လံာ်ယိၤဟၣ် 3:1

ပှၤယူဒၤဖိအခိၣ်လၢအဘၣ်ဃးဒီးပှၤဖၤရံၤၡဲတဖၣ်အိၣ်ဝဲ တဂၤဒီးအမံၤမ့ၢ်ဝဲစီၤနံၤကဒ့မူးန့ၣ်လီၤ.

မၤတၢ် 5:34

ဘၣ်ဆၣ်ဒီးလၢကီၣ်ကးတဖုန့ၣ်အကျါပှၤဖၤရံၤၡဲတဂၤလၢ အမံၤမ့ၢ်စီၤကမၤလ့လး, ပှၤသိၣ်လိလံာ်တၢ်သိၣ်တၢ်သီဒီးမ့ၢ်ပှၤတဂၤလၢပှၤခဲလၢာ် ယူးယီၣ်ပာ်ကဲအီၤဒိၣ်ဒိၣ်ကလဲာ်န့ၣ်, ဂဲၤဆၢထၢၣ်ဒီးဟ့ၣ်လီၤအကလုၢ်လၢပှၤပၢၤတၢ်ဖိတဖၣ်ကမိၤထီၣ် ကွံာ်တၢ်မၢဖိတဖၣ်န့ၣ်ဆူတၢ်ချၢတစိၢ်တလီၢ်လီၤ.