လံာ်လူၤကၣ် 13:7 - Sgaw Karen Common Bible

⁷ လၢတၢ်န့ၣ်အဃိ, အဝဲဒၣ်စံးဘၣ်အပှၤပၢၤတၤသၣ်လီၢ်န့ၣ်, ‘ကွၢ်ကွၢ်တက့ၢ်. လၢသၢနံၣ်အတီၢ်ပူၤယဟဲယဲဖဲအံၤဒီး ကွၢ်ဃုချၢၣ်ဒၢသၣ်လၢချၢၣ်ဒၢတထူၣ်အံၤအလိၤ, ဒီးယတထံၣ်န့ၢ်ယဲနီတဖျၢၣ်ဘၣ်. ကူာ်လီၤကွံာ်အီၤတက့ၢ်. ဘၣ်မနုၤအဃိအကဘၣ်အိၣ်နိးဟီၣ်ခိၣ်န့ၣ်လဲၣ်.’

လံာ်လူၤကၣ် 13:7 Iomraidhean Croise

လံာ်တၢ်ဟးထီၣ်ကွံာ် 32:10

ခဲအံၤ, ကျဲးစၢးလၢနကတြီယၤအဂီၢ်တဂ့ၤ. ယသးဒိၣ်ထီၣ်ဘၣ်အဝဲသ့ၣ်လံဒီးယကမၤဟးဂီၤအဝဲသ့ၣ်န့ၣ်လီၤ. ဒီးယကဒုးကဲထီၣ်နၤဒီးနစၢၤနသွဲၣ်တဖၣ်လၢပှၤကလုာ်ဖးဒိၣ်တကလုာ်န့ၣ်လီၤ.”

လံာ်ဒၤနံးယ့လး 4:14

အဝဲဘိးဘၣ်သ့ၣ်ညါဝဲလၢတၢ်ကကူာ်လီၤကွံာ်သ့ၣ်တထံးန့ၣ်ဒီး ပဲာ်တဲာ်ကွံာ်အဒ့အတြၢ်တဖၣ်, တြုၤလီၤကွံာ်အလၣ် ခဲလၢာ်ဒီးမၤလီၤပြံလီၤပြါကွံာ်အသၣ်တဖၣ်, နီၣ်ကွံာ်ဆၣ်ဖိကီၢ်ဖိတဖၣ်လၢအကဒုဖီလာ်ဒီးထိၣ်ဖိလံာ်ဖိ တဖၣ်လၢအဒ့အတြၢ်တဖၣ်အလိၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:23

ဒီးတုၤသုလဲၤနုာ်လီၤဆူကီၢ်ကနၤဧၣ်အပူၤ, ဒီးသူၣ်လီၤတၢ်သူတၢ်သၣ်အမုၢ်တဖၣ်န့ၣ်သုဘၣ်ပာ်သ့ၣ်သၣ်တဖၣ် အံၤလၢအခီၣ်ထံးသၢနံၣ်န့ၣ်ဒ်တၢ်တကဆှီဘၣ်ဝဲန့ၣ်လီၤ. ဒီးအကတီၢ်ဝဲန့ၣ်န့ၣ်သုတဘၣ်အီၣ်အီၤဘၣ်.

လံာ်တၢ်ဘူၣ်ထီၣ်ဘါထီၣ် 25:21

ယွၤကဆိၣ်ဂ့ၤထံကီၢ်လၢဃုနံၣ်တနံၣ်အတီၢ်ပူၤဒ်သိးအကဟ့ၣ်ထီၣ်တၢ်အီၣ်လၢကလၢဝဲသၢနံၣ်အဂီၢ်လီၤ.

လံာ်မးသဲ 7:19

သ့ၣ်တထူၣ်လၢ်လၢ်လၢအတသၣ်ထီၣ်တၤသၣ်လၢအဂ့ၤန့ၣ်, ကဘၣ်တၢ်ကူာ်လီၤကွံာ်အီၤဒီး တ့ၢ်လီၤကွံာ်အီၤဆူမ့ၣ်အူအပူၤလီၤ.

လံာ်လူၤကၣ် 13:8

ဘၣ်ဆၣ်ဒီးပှၤပၢၤတၤသၣ်လီၢ်စံးဆၢဝဲ, ‘တၢ်ဒိၣ်ဧၢ, ပျဲအိၣ်ဒၣ်ကလိာ်အီၤထဲအအံၤတနံၣ်အံၤတက့ၢ်. ယကခူၣ်တၢ်ပူၤဝးတရံးအီၤဒီးမၤပှဲၤအီၤလၢတၢ်အ့ၣ်လီၤ.

လံာ်လူၤကၣ် 3:9

ကွါအိၣ်ကတဲာ်ကတီၤပာ်လံအသးလၢတၢ်ကကူာ်လီၤကွံာ်သ့ၣ် တဖၣ်တုၤလၢအဂံၢ်ခီၣ်ထံးလီၤ. သ့ၣ်တထူၣ်လၢ်လၢ်လၢအတသၣ်ထီၣ်တၤသၣ်အဂ့ၤန့ၣ်, ကဘၣ်တၢ်ကူာ်လီၤဒီးတ့ၢ်လီၤကွံာ်အီၤဆူမ့ၣ်အူအပူၤလီၤ.”

လံာ်ယိၤဟၣ် 15:2

ကယဲၢ်ဒ့လၢယလိၤလၢအတသၣ်ထီၣ်ဘၣ်ဝဲန့ၣ်, အဝဲကျီကွံာ်ဝဲ, ဒီးကယဲၢ်ဒ့လၢအသၣ်ထီၣ်ဝဲန့ၣ်, အဝဲပဲာ်ဟိကဆှီထီၣ်ဝဲဒ်သိးအကကဆှီထီၣ်ဒီး ကသၣ်အါထီၣ်ဝဲအဂီၢ်လီၤ.

လံာ်ယိၤဟၣ် 15:6

ပှၤတဂၤလၢ်လၢ်လၢအတအိၣ်ဆိးလၢယပူၤန့ၣ်, ကဘၣ်တၢ်စူးကွံာ်အီၤဒ်သ့ၣ်ဒ့အသိးဒီးကဃ့ထီကွံာ် ဝဲလီၤ. သ့ၣ်ဒ့ဒ်န့ၣ်အသိးတဖၣ်ကဘၣ်တၢ်ထၢဖှိၣ်အီၤ ဒီးကွံာ်နုာ်အီၤဆူမ့ၣ်အူပူၤဒီးမ့ၣ်အူကအီၣ်ကွံာ်အီၤဖဲ န့ၣ်လီၤ.