လံာ်လူၤကၣ် 13:4 - Sgaw Karen Common Bible

⁴ ပှၤတဆံဃိးဂၤလၢအသံဝဲဖဲတၢးထီၡံလိၣ်လီၤပှီၢ်လၢအဖီခိၣ်, တခီလဲၣ်. မ့ၢ်သုဆိကမိၣ်လၢတၢ်မၤအသးတမံၤအံၤမ့ၢ်တၢ်အုၣ်အသးလၢ အဝဲသ့ၣ်အၢဝဲသီဝဲဒိၣ်န့ၢ်ပှၤအဂၤတဖၣ်လၢအအိၣ်ဆိးလၢဝ့ၢ် ယရူၤၡလ့ၣ်အပူၤန့ၣ်ဧါ.

လံာ်လူၤကၣ် 13:4 Iomraidhean Croise

လံာ်စီၤပၤအခီၣ်ထံးတဘ့ၣ် 20:30

ပှၤအိၣ်မူလီၤတဲာ်ဒံးတဖၣ်ဃ့ၢ်ပူၤဖျဲးဝဲဆူဝ့ၢ်အဖ့းအပူၤ ဒီးဖဲန့ၣ်ဝ့ၢ်ခိၣ်ဒူတဖၣ်လီၤပှီၢ်ဝဲလၢပှၤခံကလးနွံကထိဂၤ အလိၤန့ၣ်လီၤ. စီၤဘ့ၣ်ဟဒးစ့ၢ်ကီးဃ့ၢ်ပူၤဖျဲးဝဲဆူဝ့ၢ်ပူၤဒီးလဲၤအိၣ် သဒၢအသးဖဲဟံၣ်တဟံၣ်အဒၢးလၢတၢ်သးကံၢ်ပူၤန့ၣ်လီၤ.

လံာ်စီၤနဃ့မယၤ 3:15

ဒီးစီၤကိးလဃိစ့ၤအဖိခွါစီၤၡၤလူၣ်လၢအမ့ၢ်ပှၤပၢၤမံး စပၤကီၢ်ဆၣ်ဘှီက့ၤဝဲပဲတရီထံထီၣ်ပၢၢ်န့ၣ်လီၤ. အဝဲမၤထီၣ်တၢ်ခိၣ်ဒုးလၢပဲတြီအကျဲအဂီၢ်ဒီးပာ်ဝဲတြဲၤ တဖၣ်, အနီၣ်ဝံာ်စဲတဖၣ်ဒီးအနီၣ်ဘိတဖၣ်လၢအလီၢ်ဒၣ်ဝဲန့ၣ်လီၤ. ဒီးဖဲနိၣ်ၡံလိၤန့ၣ်ဘှီထီၣ်ဝဲတၢ်ဒူၣ်လၢစီၤပၤအတၤသၣ် လီၢ်အဃၢၤတုၤလီၤလၢဃီလၢအလဲၤလီၤဆူစီၤဒၤဝံးအဝ့ၢ်ပူၤ န့ၣ်လီၤ.

လံာ်စီၤယိၤဘး 1:19

ကွၢ်ကွၢ်ကလံၤမုၢ်ဖးဒိၣ်ဟဲဝဲလၢမဲးမုၢ်ခိၣ်ဒီးအူလီၤပှီၢ် ကွံာ်ဟံၣ်ဒီးပှၤခဲလၢာ်သံဝဲဒၣ်န့ၣ်လီၤ. ဒီးပှၤပူၤဖျဲးဒၣ်ထဲယၤတဂၤဧိၤလၢယကတဲဘၣ်နၤလီၤ.”

လံာ်မးသဲ 18:24

ဖဲအဝဲစးထီၣ်ကွၢ်က့ၤအခ့အပှၤတဖၣ်အစ့စရီ, ဒီးပှၤဟဲကိးန့ၢ်အီၤလၢအခ့အပှၤအကျါတဂၤ, လၢအကမၢ်အိၣ်လၢအအိၣ် စ့အကကွဲၢ်တဖၣ်အကကွဲၢ်လီၤ.

လံာ်မးသဲ 6:12

ပျၢ်လၢ်ကွံာ်ဘၣ်တၢ်လၢပမၤကမၣ်ဘၣ်နၤ ဒ်ပပျၢ်ကွံာ်တၢ်ကမၣ်လၢပှၤဂၤမၤဘၣ်ပှၤတဖၣ်အသိးန့ၣ်တက့ၢ်.

လံာ်လူၤကၣ် 11:4

ပျၢ်ကွံာ်ပတၢ်ဒဲးတူာ်ဒဲးဘးတဖၣ်တက့ၢ်. အဂ့ၢ်ဒ်အံၤ, ပပျၢ်ကွံာ်ပှၤကိးဂၤဒဲးလၢ အမၤကမၣ်ပှၤတဖၣ်အတၢ်ကမၣ်လီၤ. ဒီးသုတဒုးလဲၤနုာ်ပှၤဆူတၢ်လ့ပစီအပူၤတဂ့ၤ.”

လံာ်လူၤကၣ် 13:3

တမ့ၢ်ဘၣ်. ယစံးဘၣ်တဲဘၣ်သုလၢသုမ့ၢ်တဃၣ်ကွံာ်လၢသု တၢ်ဒဲးဘးတဖၣ်ဘၣ်ဒီး, သုကသံသုဝဲကိးဂၤဒဲးဒ်အဝဲသ့ၣ်သံဝဲအသိးလီၤ.

လံာ်လူၤကၣ် 13:5

တမ့ၢ်ဘၣ်. ယစံးဘၣ်တဲဘၣ်သုလၢသုမ့ၢ်တဃၣ်ကွံာ်လၢသုတၢ်ဒဲးဘး တဖၣ်န့ၣ်, သုဝဲကိးဂၤဒဲးသုကသံဒ်အဝဲသ့ၣ်အသိးလီၤ.”

လံာ်ယိၤဟၣ် 9:11

အဝဲဒၣ်စံးဆၢဝဲ, “ပှၤလၢပှၤကိးအီၤလၢယ့ၣ်ၡူးတဂၤကၢကပံာ်, ပဲလီၤဝဲလၢယမဲာ်ချံအလိၤ, ဒီးမၢယလဲၤပျၢ်ယမဲာ်လၢနိၣ်ၡံလိၤလီၤ. လၢတၢ်န့ၣ်အဃိယလဲၤယဲဒီးယပျၢ်ယမဲာ်ဝံၤတဘျီဃီ ယထံၣ်ထီၣ်က့ၤတၢ်န့ၣ်လီၤ.”

လံာ်ယိၤဟၣ် 9:7

ဒီးစံးဘၣ်အီၤ, “လဲၤဒီးပျၢ်နမဲာ်လၢနိၣ်ၡံလိၤန့ၣ်တက့ၢ်.” (မံၤဝဲအံၤအခီပညီမ့ၢ်တၢ်မၢလီၤ) အန့ၣ်ဒီးပှၤတဂၤအံၤလဲၤဝဲဒီးပျၢ် အမဲာ်, ဒီးထံၣ်ထီၣ်က့ၤတၢ်ဒီးဟဲက့ၤဝဲလီၤ.

မၤတၢ် 28:4

ပှၤကီးဖိဖဲန့ၣ်တဖၣ်ထံၣ်ဂုၢ်သ့ၣ်အိၣ်ဘျးလီၤအသးလၢ စီၤပီလူးအစုလိၤဒီးစံးလိာ်အသးတဂၤဒီးတဂၤ, “ပှၤတဂၤအံၤကမ့ၢ်ပှၤမၤသံပှၤကညီလီၤ. အဝဲပူၤဖျဲးကွံာ်လၢပီၣ်လဲၣ်အပူၤသနာ်က့, ဘူၣ်တီၢ် ကစၢ်တပျဲမူအီၤလၢၤဘၣ်.”