လံာ်လူၤကၣ် 13:33 - Sgaw Karen Common Bible

³³ မ့ၢ်နာ်သက့ဒ်န့ၣ်ဒီး, တနံၤအံၤ, ခဲမုၢ်ဆ့ၣ်ဒီးလၢခံတနံၤန့ၣ်, ယကဘၣ်လဲၤတၢ်လီၤ. အဂ့ၢ်ဒ်အံၤ, မ့တမ့ၢ်လၢဝ့ၢ်ယရူၤၡလ့ၣ်ဘၣ်ဒီး, ဝံတဂၤတကြၢးဘၣ်တၢ်မၤသံအီၤလၢတၢ်လီၢ်နီတတီၤဘၣ်.

လံာ်လူၤကၣ် 13:33 Iomraidhean Croise

လံာ်မးသဲ 20:18

“ကနၣ်တက့ၢ်. ပကလဲၤထီၣ်ဆူဝ့ၢ်ယရူၤၡလ့ၣ်, ဒီးပှၤကညီဖိခွါအံၤကဘၣ်တၢ်ဟ့ၣ်လီၤအီၤဆူပှၤလုၢ်တၢ်အခိၣ် အဒိၣ်တဖၣ်ဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်အစုပူၤ, လၢအဝဲသ့ၣ်ကစံၣ်ညီၣ်လၢအကဘၣ်တၢ်မၤသံအီၤအဂီၢ်,

လံာ်မးသဲ 21:11

ဒီးပှၤဂီၢ်မုၢ်တဖၣ်စံးဆၢဝဲ, “အအံၤမ့ၢ်ဝံယ့ၣ်ၡူးလၢဝ့ၢ်နစၤရ့းဘၣ်ဃးဒီး ကီၢ်ကၤလံၤလါန့ၣ်လီၤ.”

လံာ်လူၤကၣ် 9:53

ဘၣ်ဆၣ်ဒီးပှၤသဝီဖိဖဲန့ၣ်တဖၣ်တသးအိၣ်တူၢ်လိာ်ယ့ၣ်ၡူးဘၣ်. အဂ့ၢ်မ့ၢ်လၢအအိၣ်ဖျါလီၤတံၢ်ဝဲလၢအကလဲၤဝဲဒၣ်ဆူဝ့ၢ်ယရူၤၡလ့ၣ် အဃိန့ၣ်လီၤ.

လံာ်ယိၤဟၣ် 11:54

လၢတၢ်န့ၣ်အဃိ, ယ့ၣ်ၡူးတဟးထီၣ်က့ၤလီၤလၢကီၢ်ယူဒၤ အပူၤဖျိဖျိဖျါဖျါလၢၤဘၣ်. မ့မ့ၢ်ဟးထီၣ်ကွံာ်ဝဲဖဲန့ၣ်ဒီးလဲၤဝဲဆူဝ့ၢ်ကိးဝဲအမံၤလၢအ့ဖရဲၣ်, လၢအအိၣ်ဘူးဒီးပှၢ်မုၢ်ကနၢဒီးအိၣ်ဝဲဆိးဝဲဒီးအပျဲၢ်အဘီၣ် တဖၣ်ဖဲန့ၣ်လီၤ.

လံာ်ယိၤဟၣ် 11:9

ယ့ၣ်ၡူးစံးဆၢဝဲဒၣ်, “မုၢ်နံၤတနံၤန့ၣ်အိၣ်တဆံခံနၣ်ရံၣ် တမ့ၢ်ဘၣ်ဧါ. လၢတၢ်န့ၣ်အဃိပှၤတဂၤဂ့ၤတဂၤဂ့ၤလၢ အဟးလၢမုၢ်ဆါခီန့ၣ်, အခီၣ်တဘၣ်တိၢ်ဘၣ်. မ့ၢ်လၢအဝဲထံၣ်ဘၣ်ဟီၣ်ခိၣ်အံၤအတၢ်ကပီၤအဃိလီၤ.

လံာ်ယိၤဟၣ် 12:35

ယ့ၣ်ၡူးစံးဆၢတၢ်ဒီးစံးဝဲ, “တၢ်ကပီၤကအိၣ်ဒံးလၢသုကျါ တစိၢ်တလီၢ်လီၤ. ဖဲသုအိၣ်ဒံးဒီးတၢ်ကပီၤအဖၢမုၢ်အံၤ, တၢ်လဲၤလၢအအိၣ်ဒီးသုန့ၣ်လဲၤတက့ၢ်. မ့တမ့ၢ်ဘၣ်ဒီးတၢ်ခံး ကတုၤအိၣ်သုလီၤ. အဂ့ၢ်ဒ်အံၤ, ပှၤတဂၤလၢအဟးလၢ တၢ်ခံးကျါန့ၣ်, မ့ၢ်အလဲၤဝဲဆူလဲၣ်ဆူလဲၣ်န့ၣ်တသ့ၣ်ညါဝဲဘၣ်.

လံာ်ယိၤဟၣ် 4:34

ယ့ၣ်ၡူးစံးဘၣ်အဝဲသ့ၣ်, “ယတၢ်အီၣ်န့ၣ်မ့ၢ်ယကမၤပှၤလၢ အမၢလီၤယၤတဂၤအတၢ်ဘၣ်အသးဒီးမၤအီၤတုၤအဝံၤ တစုန့ၣ်လီၤ.

လံာ်ယိၤဟၣ် 9:4

ဖဲမုၢ်ဆါခီအကတီၢ်အံၤ, ပကဘၣ်မၤပှၤလၢအမၢလီၤယၤ တဂၤအတၢ်မၤလီၤ. မုၢ်နၤကဟဲဝဲဖဲပှၤမၤတၢ်တသ့လၢၤနီ တဂၤဘၣ်.

မၤတၢ် 10:38

သုသ့ၣ်ညါဘၣ်ဃးပှၤဝ့ၢ်နစၤရ့းဖိယ့ၣ်ၡူး, လၢကစၢ်ယွၤလူလီၤဂၢ်လီၤသးစီဆှံဒီးတၢ်စိတၢ် ကမီၤလၢအလိၤဒ်လဲၣ်အဂ့ၢ်န့ၣ်လီၤ. အဝဲဒၣ်လဲၤသကုၤဆးဒး, မၤဂ့ၤတၢ်ဒီးမၤဘျါက့ၤကယဲၢ်ပှၤအိၣ်လၢမုၣ်ကီၤလံၢ်အတၢ်စိတၢ် ကမီၤအဖီလာ်, အဂ့ၢ်မ့ၢ်လၢကစၢ်ယွၤအိၣ်ဒီးအီၤအဃိလီၤ.

မၤတၢ် 13:27

အဂ့ၢ်ဒ်အံၤ, ပှၤအိၣ်ဝဲဆိးဝဲလၢဝ့ၢ်ယရူၤၡလ့ၣ်ဒီးအပှၤခိၣ်ပှၤနၢ် တဖၣ်တသ့ၣ်ညါလၢအဝဲဒၣ်မ့ၢ်ပှၤအုၣ်က့ၤခီၣ်က့ၤတၢ်အကစၢ်, ဒီးတနၢ်ပၢၢ်စ့ၢ်ကီးဝံတဖၣ်အကလုၢ်ကထါလၢအဘၣ်တၢ် ဖးဖျါထီၣ်အီၤကိးမုၢ်အိၣ်ဘှံးနံၤဒဲးန့ၣ်ဘၣ်လီၤ. မ့ၢ်သနာ်က့ဒ်န့ၣ်ဒီး, အဝဲသ့ၣ်ဒုးလၢထီၣ်ပှဲၤထီၣ်ဝံတဖၣ်အကလုၢ်ကထါခီဖျိအစံၣ်ညီၣ် သံယ့ၣ်ၡူးန့ၣ်လီၤ.