လံာ်လူၤကၣ် 13:32 - Sgaw Karen Common Bible

³² ယ့ၣ်ၡူးစံးဆၢအဝဲသ့ၣ်, “လဲၤတဲဘၣ်ထွံၣ်ဟီၣ်ခိၣ်အဝဲန့ၣ်, ‘ယဟီထီၣ်ကွံာ်တၢ်နါတဖၣ်, ဒီးမၤဘျါတၢ်ဆူးတၢ်ဆါတဖၣ် မုၢ်မဆါတနံၤအံၤ, ဒီးခဲမုၢ်ဆ့ၣ်, ဒီးသၢနံၤတနံၤန့ၣ်, ယကမၤဝံၤယတၢ်ဖံးတၢ်မၤလီၤ.’

လံာ်လူၤကၣ် 13:32 Iomraidhean Croise

လံာ်တၢ်သးဝံၣ်တဖၣ်အတၢ်သးဝံၣ် 2:15

ဖီၣ်န့ၢ်ထွံၣ်ဟီၣ်ခိၣ်တဖၣ်, ဒီးထွံၣ်ဟီၣ်ခိၣ်ဖိတဖၣ် တချုးဒံးဘၣ်လၢအဝဲသ့ၣ်မၤဟးဂီၤကွံာ်ပစပံးအလီၢ်လၢအဘိၣ် ထီၣ်ဖးထီၣ်တက့ၢ်.

လံာ်ယဃ့းစက့လး 13:4

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, သုဝံတဖၣ်တဂိာ်တသီၣ်ဘၣ်တၢ် ဒ်သိးဒၣ်ထွံၣ်မံၤတဖၣ်လၢအအိၣ်ဆိးလၢဝ့ၢ်တဝ့ၢ်အတၢ်ဟးဂီၤတဖၣ် အကျါအသိးန့ၣ်လီၤ.

လံာ်စဖါနယၤ 3:3

အပဒိၣ်ဖးဒိၣ်တဖၣ်လီၤဂာ်ဒ်ခ့ယုၢ် တဖၣ်လၢအကညီၤတၢ်အသိး, အပှၤစံၣ်ညီၣ်ကွီၢ်တဖၣ်လီၤ ဂာ်ဒ်ထွံၣ်မံၤတဖၣ်လၢအသူၣ်ဝံၤသၣ်စ့ၤဒီးသူၣ်လီသးကွံတၢ် အါတုၤအတပာ်တ့ၢ်တၢ်ဃံတဘိဒၣ်လဲာ်တုၤလၢမုၢ်ဂီၤ အကတီၢ်ဘၣ်အသိးန့ၣ်လီၤ.

လံာ်မၢ်ကူး 6:14

စီၤပၤဟ့ၤရိာ်နၢ်ဟူဘၣ်တ့ၢ်ဝဲတၢ်မၤအသးတဖၣ်အံၤအဂ့ၢ်ခဲ လၢာ်, မ့ၢ်လၢယ့ၣ်ၡူးအမံၤဂ့ၤန့ၣ် ဟူထီၣ်သါလီၤသကုၤဆးဒးအဃိလီၤ. ပှၤတနီၤစံးဝဲ, “ပှၤဘျၢတၢ်စီၤယိၤဟၣ်ဂဲၤဆၢထၢၣ်က့ၤလၢတၢ်သံလံ. လၢတၢ်န့ၣ်အဃိအဝဲအိၣ်ဒီးတၢ်စိတၢ်ကမီၤလၢအပူၤ လၢကမၤတၢ်လီၤလးတဖၣ်အံၤအဂီၢ်လီၤ.

လံာ်ယိၤဟၣ် 10:32

ယ့ၣ်ၡူးစံးဘၣ်အဝဲသ့ၣ်, “ယဒုးနဲၣ်တ့ၢ်သုတၢ်မၤအဂ့ၤအါမံၤလၢယပၢ်အအိၣ်လံ. သုသးအိၣ်ကွံာ်ယၤလၢလၢၢ်လၢတၢ်မၤဖဲလဲၣ်တမံၤအဃိ လဲၣ်.”

လံာ်ယိၤဟၣ် 19:30

ယ့ၣ်ၡူးဒိးန့ၢ်စပံးထံအဆံၣ်န့ၣ်ဝံၤဒီးစံးဝဲဒၣ်, “တၢ်လၢ ထီၣ်ပှဲၤထီၣ်လံ.” ဒီးအဝဲဆုးလီၤအခိၣ်ဒီးဟ့ၣ်လီၤကွံာ်အသးလီၤ.

ဧ့ၤဘြံၤ 2:10

မ့ၢ်တၢ်အဂ့ၤဒီးကြၢးဝဲလၢကစၢ်ယွၤ, ပှၤလၢတၢ်ခဲလၢာ်မ့ၢ်လၢ အဂီၢ်ဒီးတၢ်ခဲလၢာ်ကဲထီၣ်လၢအီၤတဂၤန့ၣ်, ကမၤလၢပှဲၤတၢ်အခိၣ်လၢအဝဲသ့ၣ်အတၢ်အုၣ်က့ၤခီၣ်က့ၤအဂီၢ် တဂၤ, ခီဖျိတၢ်တူၢ်တၢ်ဒ်သိးဒီးကစၢ်ယွၤအဖိခွါအါဂၤကဒိး န့ၢ်ဘၣ်အလၤအကပီၤအဂီၢ်လီၤ.

ဧ့ၤဘြံၤ 5:9

တုၤအဝဲဒၣ်လၢထီၣ်ပှဲၤထီၣ်ဝဲဒီးကဲထီၣ်လၢတၢ်အုၣ်က့ၤ ခီၣ်က့ၤအထူအယိာ်အကစၢ်လၢပှၤခဲလၢာ်လၢအစူၢ်အီၤ တဖၣ်အဂီၢ်.

ဧ့ၤဘြံၤ 7:28

သပှၢ်ကတၢၢ်, တၢ်သိၣ်တၢ်သီဃုထၢပာ်ထီၣ်ပှၤတဖၣ်လၢ အဂံၢ်စၢ်ဘါစၢ်လၢပှၤလုၢ်တၢ်အခိၣ်အဒိၣ်ကတၢၢ်အလီၢ် န့ၣ်လီၤ. ဘၣ်ဆၣ်ဒီးကစၢ်ယွၤအတၢ်ဆိၣ်လီၤအသးလၢ အဟဲလၢတၢ်သိၣ်တၢ်သီအလီၢ်ခံအံၤဃုထၢပာ်ထီၣ်ယွၤ အဖိခွါလၢအဘၣ်တၢ်မၤလၢပှဲၤတ့ၢ်လံအီၤအစိၤစိၤ အဃၣ်ဃၣ်တဂၤန့ၣ်လီၤ.