လံာ်လူၤကၣ် 13:24 - Sgaw Karen Common Bible

²⁴ “ဂုာ်ကျဲးစၢးလဲၤနုာ်သုဝဲလၢကျဲစၢၤအအံၣ်န့ၣ်တက့ၢ်. အဂ့ၢ်ဒ်အံၤ, ပှၤအါဒံအါဂၤကကျဲးစၢးဝဲ, ဘၣ်ဆၣ်ဒီးလဲၤနုာ်ဝဲတန့ၢ်ဘၣ်.

လံာ်လူၤကၣ် 13:24 Iomraidhean Croise

တၢ်ကတိၤဒိ. 14:6

ပှၤလၢအပာ်ဒိၣ်ပာ်ဂ့ၤအသးတဖၣ်ကဲထီၣ်ပှၤကူၣ်သ့တန့ၢ်ဘၣ်နီ တဘျီဘၣ်. မ့မ့ၢ်, ပှၤလၢအအိၣ်ဒီးတၢ်သူၣ်ဆးသးဆးတဖၣ်မၤလိန့ၢ်တၢ်ညီကဒၣ်လီၤ.

တၢ်ကတိၤဒိ. 21:25

ပှၤလၢအကၢၣ်တဂၤလၢအဂ့ၢ်လိာ်ကဖံးတၢ်မၤတၢ်န့ၣ်, မ့ၢ်အမၤသံလီၤက့ၤအသးဒၣ်ဝဲန့ၣ်လီၤ.

လံာ်ပှၤစံၣ်တဲၤတဲလီၤတၢ် 10:15

ထဲပှၤအမၢးတဂၤဂၤဧိၤကမၤလီၤဘှံးလီၤတီၤအသးလၢတၢ်မၤတုၤ ဒၣ်လဲာ်တဃုထံၣ်ကျဲလၢကက့ၤကဒါက့ၤဆူအဟံၣ်ဘၣ်န့ၣ်လီၤ.

လံာ်ယၡါယၤ 1:15

ဒီးတုၤသုယူာ်ထီၣ်သုစုလၢတၢ် ထုကဖၣ်အပူၤဒီး, ယတကွၢ်သုဘၣ်. သုဘါထုကဖၣ်ထဲထဲအံၤနာ်က့, ယတဒိကနၣ်ဘၣ်. အဂ့ၢ်ဒ်အံၤ, သုစုတဖၣ်ပှဲၤဒီးတၢ်သွံၣ်လီၤ.

လံာ်ယဃ့းစက့လး 33:31

လၢတၢ်န့ၣ်အဃိ, ယပှၤဂီၢ်မုၢ်ပာ်ဖှိၣ်ထီၣ်အသးဒ်သိးကနၢ်ဟူ တၢ်လၢနကစံးအီၤ, ဘၣ်ဆၣ်အဝဲသ့ၣ်တမၤတၢ်လၢနတဲဘၣ် အဝဲသ့ၣ်လၢကဘၣ်မၤဝဲန့ၣ်ဘၣ်. တၢ်ကတိၤတဖၣ်လၢအလီၤ အဲၣ်လီၤကွံန့ၣ်အိၣ်ဝဲလၢအနိးဖံးတဖၣ်အလိၤ, ဘၣ်ဆၣ်အဝဲသ့ၣ် မၤထွဲဒံးဒၣ်အတၢ်သူၣ်လီသးကွံအကျဲတဖၣ်န့ၣ်လီၤ.

လံာ်မးသဲ 11:12

မူခိၣ်အဘီအမုၢ်ဘၣ်တၢ်ဂုာ်ဆူၣ်အီၤစးထီၣ်လၢစီၤယိၤဟၣ် အစိၤပၢၢ်တုၤလၢမုၢ်မဆါတနံၤအံၤလီၤ. ပှၤစုဆူၣ်ခီၣ်တကးဖိတဖၣ် ဂုာ်ကျဲးစၢးဒုးန့ၢ်ဟံးန့ၢ်ဆူၣ်အီၤလီၤ.

လံာ်လူၤကၣ် 13:23

ပှၤတဂၤသံကွၢ်အီၤ, “ကစၢ်ဧၢ, ပှၤလၢအကဘၣ်တၢ်အုၣ်က့ၤခီၣ်က့ၤအီၤအိၣ်ထဲစှၤဂၤဧိၤလီၤဧါ.” ယ့ၣ်ၡူးစံးဆၢအဝဲသ့ၣ်,

လံာ်လူၤကၣ် 21:36

ဆိးသီဒီးဘါထုကဖၣ်သုဝဲထီဘိဒ်သိးသုကအိၣ်ဒီးတၢ်ဂံၢ်တၢ်ဘါလၢသု ကလဲၤခီဖျိတၢ်လၢအကမၤအသးတဖၣ်အံၤခဲလၢာ်ဂ့ၤဂ့ၤဘၣ်ဘၣ် ဒီးလၢသုကဆၢထၢၣ်လၢပှၤကညီဖိခွါအမဲာ်ညါအဂီၢ်န့ၣ်တက့ၢ်.”

လံာ်ယိၤဟၣ် 13:33

ယဖိယလံၤသ့ၣ်ဧၢ, ယတအိၣ်ဒီးသုယံာ်ယံာ်လၢၤဘၣ်. သုကဃုယၤဘၣ်ဆၣ်ဒီးဒ်ယစံးဘၣ်တ့ၢ်ပှၤယူဒၤဖိအခိၣ် အနၢ်တဖၣ်အသိးန့ၣ်, ယစံးဘၣ်တဲဘၣ်သုခဲကနံၣ်အံၤ, ‘တၢ်လီၢ်လၢယလဲၤန့ၣ်သုလဲၤတသ့ဘၣ်.’

လံာ်ယိၤဟၣ် 5:4

(အဝဲသ့ၣ်အိၣ်ခိးဝဲထံကဟူးဝးထီၣ်မ့ၢ်လၢ တဘျီဘၣ်တဘျီဖဲကစၢ်အကလူးဟဲလီၤဒီးမၤဟူးဝးထီၣ်နိၣ်အံၤ အထံန့ၣ်, ပှၤဆူးပှၤဆါလၢအလဲၤနုာ်လီၤဆူ ထံကျါအဆိကတၢၢ်တဂၤန့ၣ်, ဘျါက့ၤလၢအတၢ်ဆါလၢအအိၣ်ဒီးအီၤအဃိန့ၣ်လီၤ.)

လံာ်ယိၤဟၣ် 6:27

တဘၣ်မၤတၢ်လၢတၢ်အီၣ်လၢအဟးဂီၤသ့အဂီၢ် တဂ့ၤ. မ့မ့ၢ်မၤတၢ်လၢတၢ်အီၣ်လၢအအိၣ်ဂၢၢ်ကျၢၤ လၢတၢ်မူအထူအယိာ်အဂီၢ်န့ၣ်တက့ၢ်. တၢ်အံၤမ့ၢ်တၢ်အီၣ်လၢပှၤကညီဖိခွါကဟ့ၣ်သု, မ့ၢ်လၢပၢ်ကစၢ်ယွၤစဲပနီၣ်ဃာ်အီၤလၢတၢ်ပနီၣ်လၢ အပာ်ဖျါအတၢ်ဘၣ်အသးလၢအီၤအဃိန့ၣ်လီၤ.”

လံာ်ယိၤဟၣ် 7:34

သုကဃုယၤ, ဘၣ်ဆၣ်သုတထံၣ်န့ၢ်ယၤဘၣ်. အဂ့ၢ်မ့ၢ်လၢတၢ်လီၢ်လၢယကအိၣ်န့ၣ်, သုလဲၤတသ့ဘၣ်အဃိလီၤ.”

လံာ်ယိၤဟၣ် 8:21

ယ့ၣ်ၡူးစံးဘၣ်ကဒီးအဝဲသ့ၣ်, “ယကဟးထီၣ်လဲၤတၢ်, ဒီးသုကဃုယၤဘၣ်ဆၣ်သုကသံလၢသုတၢ်ဒဲးဘးတဖၣ် အပူၤလီၤ. တၢ်လီၢ်လၢယလဲၤန့ၣ်သုလဲၤတသ့ဘၣ်.”

ရိမ့ၤ 10:3

အဝဲသ့ၣ်တသ့ၣ်ညါကစၢ်ယွၤအတၢ်ပာ်တီပာ်လိၤပှၤ အကျဲဘၣ်ဒီးကျဲးစၢးဒုးအိၣ်ထီၣ်အကျဲဒၣ်ဝဲ, သတးဒီးအဝဲသ့ၣ်တဟ့ၣ်လီၤအသးဆူကစၢ်ယွၤအကျဲလၢ အပာ်တီပာ်လိၤတၢ်အပူၤန့ၣ်ဘၣ်.

ကလီးစဲ 1:29

လၢတၢ်အံၤအဂီၢ်ယဂုာ်မၤယဲလၢာ်ဂံၢ်လၢာ်ဘါဒ်ခရံာ်မၤ ဆူၣ်ထီၣ်ယသးဒိၣ်ဒိၣ်ကလဲာ်အသိးန့ၣ်လီၤ.

ဧ့ၤဘြံၤ 4:11

လၢတၢ်န့ၣ်အဃိမ်ပကကျဲးစၢးအဂ့ၤကတၢၢ်ဒ်သိးပကဒိး န့ၢ်ဘၣ်တၢ်အိၣ်ဘှံးအဝဲန့ၣ်, ဒ်သိးပသုတလီၤတဲာ်ကွံာ်ဒ်အဝဲသ့ၣ်အသိးလၢအတစူၢ် တနာ်တၢ်အဃိနီတဂၤတဂ့ၤအဂီၢ်န့ၣ်တက့ၢ်.

လံာ်စီၤယိၤၡူ 7:3

အဝဲသ့ၣ်ပာ်ဖျါက့ၤတၢ်ဂ့ၢ်တၢ်ကျိၤဆူစီၤယိၤၡူအအိၣ်ဒီးစံးဝဲ, “တလိၣ်လၢပှၤကိးဂၤဒဲးကလဲၤထီၣ်ဒုးဝ့ၢ်ဂဲအဂီၢ်ဘၣ်. ပျဲလီၤထဲပှၤပိာ်ခွါခံကထိမ့တမ့ၢ်သၢကထိဃၣ်ဃၣ်ဒီးဘၣ်လီၤ. တဘၣ်ပျဲလီၤသုးမုၢ်ဒီဖုလၢကလဲၤထီၣ်ဒုးတၢ်အဂီၢ်တဂ့ၤ. တမ့ၢ်ဝ့ၢ်လၢအဒိၣ်တဝ့ၢ်ဘၣ်.”

၂ ပ့းတရူး 1:10

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, ကျဲးစၢးဆူၣ်ထီၣ်ဒ်သိးကစၢ်ယွၤအတၢ်ကိးသုဒီးအတၢ် ဃုထၢသုကကဲထီၣ်တၢ်လဲၤခီဖျိအဂၢၢ်အကျၢၤတမံၤအဂီၢ်န့ၣ် တက့ၢ်. သုမ့ၢ်မၤဒ်န့ၣ်ဒီး, သုတလီၤတဲာ်ကွံာ်လၢသုတၢ်စူၢ်တၢ်နာ်အပူၤနီတဘျီဘၣ်.