လံာ်လူၤကၣ် 13:19 - Sgaw Karen Common Bible

¹⁹ မ့ၢ်အလီၤဂာ်ဒီးသဘၣ်အချံတဖျၢၣ်လၢပှၤတဂၤဟံးန့ၢ်ဝဲဒီးသူၣ်လီၤ ဝဲလၢအစံာ်ပူၤန့ၣ်လီၤ. တၢ်ချံန့ၣ်မဲထီၣ်ဒီးဒိၣ်ထီၣ်, ဒီးကဲထီၣ်သ့ၣ်တထူၣ်ဒီးထိၣ်ဖိလံာ်ဖိတဖၣ် ဘှီထီၣ်အသွံလၢအဒ့အတြၢ်တဖၣ်အလိၤလီၤ.”

လံာ်လူၤကၣ် 13:19 Iomraidhean Croise

လံာ်တၢ်သးဝံၣ်တဖၣ်အတၢ်သးဝံၣ် 4:12

ယတၢ်အဲၣ်ဒီးယတလးမူးပိာ်မုၣ်မ့ၢ်တၤသၣ်လီၢ်ခူသူၣ်တလီၢ်, တၤသၣ်လီၢ်လၢတၢ်ကရၢၢ်တံၢ်ဃာ်အီၤ, ဒီးထံမူထီၣ်ပၢၢ်တပူၤလၢအကစၢ်အိၣ်ဝဲ,

လံာ်တၢ်သးဝံၣ်တဖၣ်အတၢ်သးဝံၣ် 4:16

ကလံၤစိးအကလံၤဧၢ, ဖုးသံနီၣ်ထီၣ်တက့ၢ်. ကလံၤထံးအကလံၤဧၢ, အူဘၣ်ယတၤသၣ်လီၢ်, ဒီးမၤပှဲၤအီၤပှဲၤဒီးတၢ်နၢမူန့ၣ်တက့ၢ်. မ်ယတၢ်အဲၣ်ဟဲဆူအတၤသၣ်လီၢ်, ဒီးအီၣ်အတၤသၣ်အဂ့ၤကတၢၢ်တဖၣ်တက့ၢ်.

လံာ်တၢ်သးဝံၣ်တဖၣ်အတၢ်သးဝံၣ် 6:2

ပှၤလၢယအဲၣ်အီၤတဂၤလဲၤဆူအတၤသၣ်လီၢ်, ဖဲကသံၣ်ဖှူအသ့ၣ်တဖၣ်မဲထီၣ်ဝဲန့ၣ်လီၤ. အဝဲဒုးအီၣ်အဆၣ်ဖိကီၢ်ဖိတဖုအဆၣ်လၢတၤသၣ်လီၢ်ပူၤ, ဒီးထၢဖှိၣ်ဖီဒ့ၣ်ညါတဖၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 8:13

ယတၢ်အဲၣ်ဧၢ, ပျဲယနၢ်ဟူနကလုၢ်လၢတၤသၣ်လီၢ်တက့ၢ်. ယတံၤသကိးတဖၣ်အိၣ်ခိးဝဲဒ်သိးကနၢ်ဟူနကတိၤတၢ်လီၤ.

လံာ်ယၡါယၤ 53:1

ပှၤဂီၢ်မုၢ်စံးဆၢကဒါက့ၤဝဲ, “တၢ်လၢပပာ်ဖျါခဲအံၤမ့ၢ်မတၤကနာ်အီၤန့ၣ်လဲၣ်. မ့ၢ်မတၤထံၣ်ယွၤအစုမၤတၢ်လၢတၢ်အံၤအပူၤ ကသ့န့ၣ်လဲၣ်.

လံာ်ယၡါယၤ 53:10

ယွၤစံးဝဲဒၣ်, “မ့ၢ်တၢ်ဘၣ်ယသးလၢအဝဲကဘၣ်တူၢ်တၢ်လီၤ. အတၢ်သံ န့ၣ်မ့ၢ်တၢ်လုၢ်တၢ်ပာ်တမံၤလၢကဟဲစိာ်တၢ်ပျၢ်တၢ်ကမၣ်အဂီၢ်လီၤ. မၤသးဒ်န့ၣ်ဒီး, အဝဲကထံၣ်ဘၣ်အစၢၤအသွဲၣ်တဖၣ်လီၤ. အဝဲကအိၣ်မူတၢ်အိၣ်မူအိၣ်ကၢအိၣ်ခိး ဒီးခီဖျိအီၤန့ၣ်, ယတၢ်တိာ်ကလၢထီၣ်ပှဲၤထီၣ်ဝဲလီၤ.

လံာ်ယၡါယၤ 58:11

ဒီးယကပၢဆှၢသုထီဘိဒီးမၤသးမံသးမုာ်သုလၢတၢ်အဂ့ၤ တဖၣ်လီၤ. ယကဟ့ၣ်သုတၢ်ဂံၢ်တၢ်ဘါဒီးတၢ်အိၣ်ဆူၣ်အိၣ် ချ့လီၤ. သုကလီၤဂာ်ဒ်တၤသၣ်လီၢ်လၢအဘၣ်စီၣ်ဘၣ်သ့တလီၢ်, ထံမူထီၣ်ပၢၢ်တပူၤလၢတလီၤသံးနီတစုဘၣ်အသိးန့ၣ်လီၤ.

လံာ်ယၡါယၤ 61:11

ဒ်တၢ်ချံတဖၣ်မဲထီၣ်ဒီးဒိၣ်ထီၣ်သပှၢ်ကတၢၢ်အသိး, ယွၤပၢဘၣ်တၢ်ခဲလၢာ်ကစၢ်ကအုၣ်က့ၤခီၣ်က့ၤ အပှၤဂီၢ်မုၢ်, ဒီးပှၤကလုာ်တဖၣ်ခဲလၢာ်ကစံးထီၣ်ပတြၢၤအီၤလီၤ.

လံာ်ယၡါယၤ 9:7

အစီၤလိၣ်စီၤပၤအစိကမီၤကဒိၣ်ထီၣ်ကွ့ၢ်ကွ့ၢ် ဒီးအဘီအမုၢ်ကမုာ်ကခုၣ်ဝဲထီဘိန့ၣ်လီၤ. အဝဲကပၢတၢ်ဒ်ပှၤလၢအကထီၣ်စီၤပၤစီၤဒၤဝံးအလီၢ် တဂၤအသိး, အတၢ်စိတၢ်ကမီၤန့ၣ်ကသူၣ်ထီၣ်ဝဲလၢတၢ်တီတၢ်လိၤ ဒီးတၢ်စံၣ်ညီၣ်တီအဖီခိၣ်, စးထီၣ်ခဲအံၤတုၤတၢ်အစိၤကတၢၢ်န့ၣ်လီၤ. ယွၤ, သ့တၢ်လၢာ်ကစၢ်န့ၣ်, ပာ်လီၤအသးသပှၢ်တၢၢ်လၢကမၤတၢ်အံၤခဲ လၢာ်လီၤ.

လံာ်ယံးရမံယၤ 31:12

အဝဲသ့ၣ်ကဟဲဒီး သးဝံၣ်တၢ်လၢ တၢ်သးခုအပူၤလၢ ကစၢၢ်စံယိၣ် အဒီခိၣ်, ဒီးကမုာ်လၤသးခုဝဲဒီး ယတၢ်ဟ့ၣ်တဖၣ်, တၢ်ဟ့ၣ်တဖၣ် လၢအမ့ၢ်ဝဲဘုဧိၤဟုဧိၤဒီးစပံးထံဒီး သ့ၣ်စၤယံးအသိ ဒီးတၢ်ဟ့ၣ်တဖၣ်လၢ အမ့ၢ်သိဒီး ဂီၤဘုၣ်ဂီၤဖံးတဖၣ်န့ၣ်လီၤ. အဝဲသ့ၣ် ကလီၤဂာ်ဒီး တၤသၣ်လီၢ်တလီၢ်လၢပှၤဖှိၣ်န့ၢ်အီၤ ထံဂ့ၤဂ့ၤဘၣ်ဘၣ်, ဒီး အဝဲသ့ၣ်ကအိၣ်ဒီး တၢ်ခဲလၢာ်လၢ အလိၣ်ဘၣ်ဝဲန့ၣ်လီၤ.

လံာ်ယဃ့းစက့လး 31:6

ကယဲၢ်ထိၣ်အကလုာ်ကလုာ်ဘှီထီၣ်အသွံတဖၣ်လၢအဝဲအဒ့တဖၣ် အလိၤန့ၣ်လီၤ. ဆၣ်ဖိကီၢ်ဖိအမံၤတဖၣ်ဖှံလီၤအဖိဆံးတဖၣ်လၢ အဝဲအကဒုဖီလာ်န့ၣ်လီၤ. ပှၤကလုာ်တဖၣ်လၢဟီၣ်ခိၣ်ချၢအိၣ်ကဒု ဝဲလၢအဝဲအကဒုဖီလာ်န့ၣ်လီၤ.

လံာ်ဒၤနံးယ့လး 4:12

အလၣ်သ့ၣ်တဖၣ်ဃံလၤဝဲဒီးအသၣ်တဖၣ်အိၣ်ပှဲၤလုၣ်ကွံာ်လၢ အလိၤတုၤအလၢဝဲလီၣ်ဝဲလၢပှၤဟီၣ်ခိၣ်ဖိခဲလၢာ်ကအီၣ်ဝဲအဂီၢ် န့ၣ်လီၤ. ဆၣ်ဖိကီၢ်ဖိအမံၤတဖၣ်အိၣ်ဘှံးလၢအကဒုအဖီလာ်, ထိၣ်ဖိလံာ်ဖိတဖၣ်မၤအသွံတဖၣ်လၢအဒ့အတြၢ်တဖၣ်အလိၤဒီး တၢ်အိၣ်ဒီးအသးသမူခဲလၢာ်အီၣ်ဘၣ်အီဘၣ်အသၣ်တဖၣ်န့ၣ်လီၤ.

လံာ်ဒၤနံးယ့လး 4:21

အလၣ်တဖၣ်ဃံလၤဝဲဒီးအသၣ်တဖၣ်အိၣ်ပှဲၤလုၣ်ကွံာ်တုၤအလၢ ဝဲလီၣ်ဝဲလၢဟီၣ်ခိၣ်ဖိခဲလၢာ်ကအီၣ်အဂီၢ်ဒီးမ့ၢ်ဝဲတၢ်အီၣ်လၢပှၤကိး ဂၤအဂီၢ်, ဒီးဆၣ်ဖိကီၢ်ဖိအမံၤတဖၣ်အိၣ်ဘှံးလၢအကဒုဖီလာ်, ဒီးထိၣ်ဖိလံၣ်ဖိတဖၣ်မၤအသွံလၢအဒ့အတြၢ်တဖၣ်အလိၤန့ၣ်

လံာ်စကၤရယၤ 2:11

ဖဲအဆၢကတီၢ်အဝဲန့ၣ်, ပှၤအါကလုာ်ကဟဲဆူယွၤအအိၣ်ဒီးကဲထီၣ်အပှၤဂီၢ်မုၢ်န့ၣ်လီၤ. အဝဲကအိၣ်ဆိးလၢသုကျါ, ဒီးသုကသ့ၣ်ညါလၢအဝဲမၢလီၤယၤဆူသုအိၣ်န့ၣ်လီၤ.

လံာ်မးသဲ 17:20

အဝဲစံးဆၢအဝဲသ့ၣ်, “မ့ၢ်လၢသုတၢ်နာ်န့ၢ်ယွၤဆံးဝဲစှၤဝဲအဃိလီၤ. နာ်ယၤတက့ၢ်. သုတၢ်နာ်မ့ၢ်အိၣ်ထဲသိးဒီးသဘၣ်အချံတဖျၢၣ်ဒီး, သုမ့ၢ်စံးဘၣ်ကစၢၢ်အံၤ, ‘သုးကွံာ်နသးဖဲအံၤဆူန့ၣ်တက့ၢ်.’ ဒီးကသုးကွံာ်အသးလီၤ. ဒီးတၢ်လၢသုမၤတသ့ဘၣ်န့ၣ်, တအိၣ်ဘၣ်နီတမံၤဘၣ်လီၤ.

လံာ်မၢ်ကူး 4:30

ယ့ၣ်ၡူးစံးစ့ၢ်ကီးဝဲ, “တၢ်လၢကစၢ်ယွၤအဘီအမုၢ်အံၤ မ့ၢ်ပကစံးလၢအလီၤဂာ်ဒီးတၢ်မနုၤတမံၤလဲၣ်. ပကသူတၢ်ကတိၤဒိမနုၤလၢပကတဲဖျါအဂ့ၢ်အဂီၢ်လဲၣ်.

လံာ်လူၤကၣ် 17:6

ကစၢ်စံးဆၢအီၤ “သုတၢ်နာ်မ့ၢ်အိၣ်ထဲသိးဒီးသဘၣ်ချံတဖျၢၣ်န့ၣ် သုမ့ၢ်စံးဘၣ်ဝံာ်တထူၣ်အံၤ, ‘ထဲးထီၣ်ကွံာ်နသးလၢနဂံၢ်နဂဲၤတဖၣ်, ဒီးသူၣ်လီၤနသးလၢပီၣ်လဲၣ်အပူၤတက့ၢ်’ န့ၣ်ဒီးအဝဲဒၣ်ကစူၢ်သုကလုၢ်လီၤ.

မၤတၢ် 2:41

အဝဲသ့ၣ်အါဒံအါဂၤနာ်တၢ်လၢစီၤပ့းတရူးစံးဝဲ, ဒီးဘၣ်တၢ်ဘျၢအီၤလၢထံ ဒီးနံၤအဝဲန့ၣ်ပှၤစူၢ်က့ၤနာ်က့ၤတၢ်အနီၣ်ဂံၢ်အါထီၣ်ပှၤသၢကထိဂၤ ဃၣ်ဃၣ်လီၤ.

မၤတၢ် 21:20

အဝဲသ့ၣ်နၢ်ဟူအဝဲအတၢ်စံးတၢ်ကတိၤဝံၤဒီး, စံးထီၣ်ပတြၢၤကစၢ်ယွၤကိးဂၤဒဲးလီၤ. အန့ၣ်ဝံၤဒီးစံးဝဲ, “ဒီပုၢ်ဝဲၢ်စီၤပီလူးဧၢ, နကထံၣ်လၢပှၤယူဒၤဖိလၢအကဲထီၣ် ပှၤစူၢ်က့ၤနာ်က့ၤတၢ်အိၣ်ဝဲလၢအကထိဒီးအကထိတဖၣ်, ဒီးအဝဲသ့ၣ်ခဲလၢာ်ပာ်ဒိၣ်ပှၤယူဒၤဖိအတၢ်သိၣ်တၢ်သီလီၤ.

မၤတၢ် 4:4

ဘၣ်ဆၣ်ဒီးပှၤအါဂၤလၢအနၢ်ဟူဘၣ်တၢ်ကစီၣ်န့ၣ်, စူၢ်က့ၤနာ်က့ၤယ့ၣ်ၡူးသတးဒီး, ပှၤစူၢ်က့ၤနာ်က့ၤတၢ်ခဲလၢာ်ကပှဲၤထီၣ်ယဲၢ်ကထိဂၤဃၣ်ဃၣ်န့ၣ်လီၤ.

ရိမ့ၤ 15:19

ခီဖျိတၢ်ပနီၣ်လီၤလးတဖၣ်ဒီးတၢ်လီၤလးတဖၣ်, ဒီးခီဖျိယွၤအသးစီဆှံအစိအကမီၤန့ၣ်လီၤ. ဒီးလၢတၢ်န့ၣ်အဃိ, လၢယတၢ်လဲၤကျဲဒီဘိညါစးထီၣ်လၢဝ့ၢ်ယရူၤၡလ့ၣ်ဒီးတုၤလၢ ဝ့ၢ်အံးလူၤရံကူးန့ၣ်, ယစံၣ်တဲၤတဲလီၤတၢ်သးခုကစီၣ်ဘၣ်ဃးဒီးခရံာ်လၢလၢပှဲၤပှဲၤန့ၣ်လီၤ.

လံာ်လီၣ်ဖျါ 11:15

အန့ၣ်ဝံၤဒီး, ကလူးနွံဂၤတဂၤအူထီၣ်အကွဲၤ, ဒီးတၢ်ကလုၢ်တဖၣ်သီၣ်ထီၣ်ဖးဒိၣ်လၢမူခိၣ်, ဒီးစံးဝဲဒၣ်, “ခဲကနံၣ်အံၤ, တၢ်စိကမီၤဘၣ်ဃးဒီးတၢ်ပၢဘၣ်ဟီၣ်ခိၣ်မ့ၢ် ပကစၢ်ဒီးအမ့းၡံအၤအတၢ်, ဒီးအဝဲဒၣ်ကပၢတၢ်လီၤထူလီၤ ယိာ်လီၤ.”