လံာ်လူၤကၣ် 13:15 - Sgaw Karen Common Bible

¹⁵ ကစၢ်စံးဆၢက့ၤအီၤဒီးစံးဝဲ, “ပှၤပာ်မၤအသးသ့ၣ်သုဧၢ, သုဝဲတဂၤဂ့ၤတဂၤဂ့ၤသုဃ့ၣ်လီၤသုကျီၢ်မ့တမ့ၢ်သုကသ့ၣ် ယီၤလၢကပိၤပူၤဒီးမိၤထီၣ်အီၤဆူခိဒ်သိးသုကဒုးအီအီၤထံဖဲ မုၢ်အိၣ်ဘှံးနံၤတမ့ၢ်ဘၣ်ဧါ.

လံာ်လူၤကၣ် 13:15 Iomraidhean Croise

လံာ်စီၤယိၤဘး 34:30

လၢပှၤတစူၢ်တနာ်ယွၤအတၢ်ပၢဒီးပျံၤသကွီၤတဖၣ်ကဘၣ် တၢ်တြီအီၤန့ၣ်ပှၤဂီၢ်မုၢ်မၤတၢ်တသ့ဘၣ်နီတမံၤဘၣ်.

တၢ်ကတိၤဒိ. 11:9

နဘၣ်တၢ်မၤဟးဂီၤနၤလၢပှၤလုၢ်အၢလၢ်သီတဖၣ်အတၢ်ကတိၤသ့ဝဲ လီၤ. ဘၣ်ဆၣ်ဒီးပှၤတီပှၤလိၤအတၢ်ကူၣ်သ့အုၣ်က့ၤခီၣ်က့ၤနၤသ့ဝဲ လီၤ.

လံာ်ယၡါယၤ 29:20

ကမ့ၢ်တၢ်အကတၢၢ်လၢပှၤတဖၣ်လၢအမၤအၢမၤနးပှၤဂၤဒီး ဒုးနဲၣ်အတၢ်သးဘၣ်အၢကစၢ်ယွၤ, အဂီၢ်န့ၣ်လီၤ. ပှၤဒဲးဘးဖိကိးဂၤဒဲးကဘၣ်တၢ်မၤဟးဂီၤအီၤလီၤ.

လံာ်မးသဲ 15:14

ပျဲအဝဲသ့ၣ်အိၣ်ဒၣ်အတၢ်တက့ၢ်. အဝဲသ့ၣ်မ့ၢ်ပှၤဆှၢတၢ်လၢအမဲာ်ဘျီၣ်တဖၣ်လီၤ. ဒီးဖဲပှၤမဲာ်ဘျီၣ်ဆှၢပှၤမဲာ်ဘျီၣ်န့ၣ်, အဝဲသ့ၣ်ကလီၤတဲာ်နုာ်ဆူတၢ်ပူၤခံဂၤလၢာ်န့ၣ်လီၤ.”

လံာ်မးသဲ 15:7

ပှၤပာ်မၤအသးဖိသ့ၣ်ဧၢ, တၢ်လၢဝံယၡါယၤစံးတ့ၢ်ဝဲလၢသုဂ့ၢ် န့ၣ်တီမးလီၤ. စံးဝဲ,

လံာ်မးသဲ 23:13

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီ, ဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုကးတံာ်ဃာ်မူခိၣ်အဘီအမုၢ်အတြဲၤဒ်သိးပှၤဂၤ အသုတလဲၤနုာ်ဘၣ်တဂ့ၤအဂီၢ်လီၤ. သုနီၢ်ကစၢ်ဒၣ်သုဝဲသုတလဲၤနုာ်ဘၣ်ဒီး, သုတပျဲနုာ်စ့ၢ်ကီးပှၤလၢအကျဲးစၢးလဲၤနုာ်ဝဲတဖၣ်ဘၣ်.

လံာ်မးသဲ 23:28

ဒ်န့ၣ်အသိးလၢအချၢန့ၣ်သုအိၣ်ဖျါဂ့ၤမးလၢပှၤကိးဂၤဒဲး အမဲာ်ညါလီၤ. ဘၣ်ဆၣ်ဒီး, သုသးပူၤတခီပှဲၤဝဲဒီးတၢ်ပာ်မၤအသးဒီး တၢ်ဒဲးဘးတဖၣ်လီၤ.

လံာ်မးသဲ 7:5

ပှၤပာ်မၤအသးနၤဧၢ, ထုးထီၣ်ဆိကွံာ်သ့ၣ်အကျီၣ်လၢအအိၣ်လၢနမဲာ်ချံဒၣ်နဲအပူၤဒ် သိးနကထံၣ်တၢ်ထံထံလၢနကထုးထီၣ်တၢ်ကမှံၤလၢအအိၣ်လၢ နဒီပုၢ်ဝဲၢ်အမဲာ်ချံအပူၤန့ၣ်တက့ၢ်.

လံာ်လူၤကၣ် 12:1

ဖဲပှၤဂီၢ်မုၢ်လၢအကထိတဖၣ်ပာ်ဖှိၣ်ထီၣ်အသးပှဲၤကတံာ်မး တုၤဒၣ်လဲာ်ယီၢ်လိာ်ဘၣ်အသးတဂၤဒီးတဂၤအဆၢကတီၢ်န့ၣ်, ယ့ၣ်ၡူးစံးဘၣ်ဆိအပျဲၢ်အဘီၣ်တဖၣ်, “ပလီၢ်သုသးလၢပှၤဖၤရံၤၡဲတဖၣ်အကိၣ်မံၣ်လၢ အမ့ၢ်အဝဲသ့ၣ်အတၢ်ပာ်မၤအသးန့ၣ်တက့ၢ်.

လံာ်လူၤကၣ် 14:5

တုၤနုၤတစုအဝဲဒၣ်စံးဘၣ်အဝဲသ့ၣ်, “သုဝဲအကျါတဂၤဂၤသုမ့ၢ်အိၣ်ဒီးဖိခွါတဂၤမ့တမ့ၢ်ကျီၢ် တဒုလၢအလီၤတဲာ်နုာ်လၢထံပူၤဖဲမုၢ်အိၣ်ဘှံးနံၤန့ၣ်, မ့ၢ်သုတထုးထီၣ်က့ၤအီၤတဘျီဃီဖဲမုၢ်အိၣ်ဘှံးနံၤန့ၣ်ဘၣ်ဧါ.”

လံာ်လူၤကၣ် 6:42

နစံးဘၣ်နဒီပုၢ်ဝဲၢ်, ‘ဒီပုၢ်ဝဲၢ်ဧၢ, ဝံသးစူၤပျဲယခွဲးထီၣ်ကွံာ်တၢ်ကမှံၤလၢနမဲာ်ချံပူၤ,’ ဘၣ်ဆၣ်နတထံၣ်ဒၣ်လဲာ်သ့ၣ်ဖူတကျီၣ်လၢနမဲာ်ချံဒၣ်နဲ အပူၤန့ၣ်ကသ့ဝဲဒ်လဲၣ်. ပှၤပာ်မၤအသးတဂၤဧၢ, ထုးထီၣ်ဆိသ့ၣ်ဖူတကျီၣ်အိၣ်လၢနမဲာ်ချံဒၣ်နဲအပူၤတက့ၢ်. တုၤနုၤတစုနကထံၣ်တၢ်ထံထံဆးဆး, ဒီးနခွဲးထီၣ်ကွံာ်တၢ်ကမှံၤလၢနဒီပုၢ်ဝဲၢ်အမဲာ်ချံပူၤကသ့ဝဲလီၤ.

လံာ်လူၤကၣ် 7:13

ဖဲကစၢ်ထံၣ်ပိာ်မုၣ်အဝဲန့ၣ်, အဝဲဒၣ်အသးပူၤပှဲၤဒီးတၢ်သးကညီၤဘၣ်အီၤ, ဒီးစံးဘၣ်ပိာ်မုၣ်န့ၣ်, “တဘၣ်ဟီၣ်တဂ့ၤ.”

လံာ်လူၤကၣ် 7:19

ဒီးဆှၢအီၤဆူကစၢ်အအိၣ်ဒ်သိးအကသံကွၢ်အီၤ, “နမ့ၢ်နဲပှၤတဂၤလၢစီၤယိၤဟၣ်စံးလၢအကဟဲန့ၣ်ဧါ. မ့တမ့ၢ်ဘၣ်ဒီး, မ့ၢ်ပကဘၣ်အိၣ်ခိးကွၢ်လၢ်ပှၤတဂၤဒၣ်ဒံးဧါ.”