လံာ်လူၤကၣ် 13:14 - Sgaw Karen Common Bible

¹⁴ ဘူၣ်ဘျီၣ်အခိၣ်အသးထီၣ်လၢယ့ၣ်ၡူးမၤဘျါတ့ၢ်တၢ်လၢမုၢ် အိၣ်ဘှံးနံၤအဃိလီၤ. လၢတၢ်န့ၣ်အဃိအဝဲဒၣ်ကတိၤထီၣ်တၢ်ဒီးစံးဘၣ်ပှၤဂီၢ်မုၢ် တဖၣ်, “မုၢ်နံၤမုၢ်သီအိၣ်ဝဲဒၣ်ဃုနံၤဃုသီလၢပကြၢးဖံးတၢ်မၤတၢ်လီၤ. လၢတၢ်န့ၣ်အဃိ, ဟဲသုဝဲဖဲမုၢ်နံၤမုၢ်သီတဖၣ်န့ၣ်လၢ သုကဘၣ်တၢ်မၤဘျါသုအဂီၢ်န့ၣ်တက့ၢ်. မ့မ့ၢ်လၢမုၢ်အိၣ်ဘှံးနံၤတနံၤန့ၣ်တဘၣ်မၤတဂ့ၤ.”

လံာ်လူၤကၣ် 13:14 Iomraidhean Croise

လံာ်တၢ်ဟးထီၣ်ကွံာ် 23:12

တနွံန့ၣ်မၤတၢ်ဃုသီတက့ၢ်. မ့မ့ၢ်လၢနွံသီတသီန့ၣ်မၤတၢ် နီတမံၤတဂ့ၤ. အန့ၣ်ဒီး, သုကုၢ်သုပှၤ, ဒီးပှၤတခီဘီမုၢ်ဖိလၢအမၤတၢ်လၢသု ဂီၢ်, ဒီးသုဆၣ်ဖိကီၢ်ဖိတဖၣ်ဒၣ်လဲာ်ကအိၣ်ဘှံးဘၣ်ဝဲလီၤ.

လံာ်ယဃ့းစက့လး 20:12

ယဒုးတိၢ်န့ၢ်ဖံးဃာ်အဝဲသ့ၣ်လၢမုၢ်အိၣ်ဘှံးနံၤဒ်အတၢ်ပနီၣ် တမံၤလၢအပာ်ဖျါတၢ်အၢၣ်လီၤအီလီၤလၢပဘၢၣ်စၢၤ, ဒ်သိးကဒုးသ့ၣ်နီၣ်အဝဲသ့ၣ်လၢယၤ, ယွၤမ့ၢ်ပှၤလၢအမၤ စီဆှံအဝဲသ့ၣ်န့ၣ်လီၤ.

လံာ်ယဃ့းစက့လး 34:21

သုဆီၣ်ကပၤကွံာ်သိလၢအဆူးအဆါတဖၣ်ဒီးဘျၢၣ်ဖျိးကွံာ် အဝဲသ့ၣ်လၢသိတဖုအအိၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:3

သုအိၣ်ဒီးမုၢ်နံၤဃုနံၤလၢသုကမၤသုတၢ်မၤအဂီၢ်လီၤ. ဘၣ်ဆၣ်ဒီးသ့ၣ်နီၣ်ထီၣ်က့ၤလၢနွံနံၤတနံၤန့ၣ်မ့ၢ်မုၢ် အိၣ်ဘှံးအနံၤတနံၤလၢသုကဘၣ်အိၣ်ဘှံးန့ၣ်လီၤ. သုတဘၣ်မၤတၢ်လၢမုၢ်နံၤအဝဲန့ၣ်ဘၣ်. မ့မ့ၢ်ပာ်ဖှိၣ်ထီၣ်သုသးလၢတၢ်ဘူၣ်တၢ်ဘါအဂီၢ်တက့ၢ်. မုၢ်အိၣ်ဘှံးနံၤန့ၣ်ဘၣ်ဃးဒီးယွၤဖဲသုအိၣ်တပူၤလၢ်လၢ်န့ၣ်လီၤ.

လံာ်မးသဲ 12:2

တုၤပှၤဖၤရံၤၡဲတဖၣ်ထံၣ်တၢ်အံၤဒီးအဝဲသ့ၣ်စံးဘၣ်ယ့ၣ်ၡူး, “ကွၢ်တက့ၢ်. နပျဲၢ်နဘီၣ်တဖၣ်မၤတၢ်အံၤလၢမုၢ်အိၣ်ဘှံးနံၤန့ၣ်မ့ၢ်တၢ်လၢ အထီဒါပတၢ်သိၣ်တၢ်သီလီၤ.”

လံာ်မၢ်ကူး 5:22

အကတီၢ်ဖဲန့ၣ်, ဘူၣ်ဘျီၣ်လၢအမ့ၢ်တၢ်ဘါလီၢ်အခိၣ်လၢ အမံၤမ့ၢ်ဝဲစီၤယၤအ့ၤရူးတဂၤဟဲတုၤဝဲဒီး တုၤအထံၣ်ယ့ၣ်ၡူးဒီးထိၣ်လီၤပှီၤအသးလၢအမဲာ်ညါဝံၤ

လံာ်လူၤကၣ် 6:11

ဘၣ်ဆၣ်ဒီးအဝဲသ့ၣ်ပှဲၤဒီးတၢ်သူၣ်ဒိၣ်သးဖျိးဒီးကူၣ်ထီၣ်ဖးလီၤ သကိးဘၣ်ဃးအဝဲသ့ၣ်ကမၤယ့ၣ်ၡူးဒ်လဲၣ်အဂ့ၢ်န့ၣ်လီၤ.

လံာ်လူၤကၣ် 6:7

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတနီၤဒီးပှၤဖၤရံၤၡဲတနီၤ ဃုထံၣ်န့ၢ်တၢ်ဂ့ၢ်တမံၤမံၤလၢအကပာ်တၢ်ကမၣ်လၢယ့ၣ်ၡူးအလိၤ အဂီၢ်လီၤ. လၢတၢ်န့ၣ်အဃိ, အဝဲသ့ၣ်ကွၢ်ဟုၣ်အီၤလၢမ့ၢ်အကမၤ ဘျါတၢ်လၢပှၤယူဒၤဖိအမုၢ်အိၣ်ဘှံးအနံၤ, တမၤဘျါဝဲလဲၣ်န့ၣ်လီၤ.

လံာ်လူၤကၣ် 8:41

ဖဲန့ၣ်, ပှၤတဂၤလၢအမံၤမ့ၢ်ဝဲစီၤယၤအ့ၤရူး, ပှၤခိၣ်ပှၤနၢ်တဂၤ, ဖဲဝ့ၢ်အဘူၣ်ဘျီၣ်လၢအမ့ၢ်တၢ်ဘါလီၢ် ဟဲတုၤဝဲဒၣ်လီၤ. အဝဲဒၣ်ချံးခီၣ်တီၤလီၤဖဲယ့ၣ်ၡူးအခီၣ်ထံးဒီးဃ့ ကညးအီၤဒ်သိးအကလဲၤဆူအဟံၣ်,

မၤတၢ် 13:15

လံာ်တၢ်သိၣ်တၢ်သီလၢအဘၣ်တၢ်ဟ့ၣ်လီၤအီၤခီဖျိစီၤမိၤ ၡ့ဒီးဝံလံာ်အတၢ်ကွဲးတဖၣ်ဘၣ်တၢ်ဖးထီၣ်အီၤဝံၤအလီၢ်ခံန့ၣ်, ဘူၣ်ဘျီၣ်အခိၣ်အနၢ်တဖၣ်ဆှၢလီၤတၢ်ကစီၣ်ဆူအဝဲသ့ၣ်အအိၣ်ဒီး စံးဝဲ, “ဒီပုၢ်ဝဲၢ်သ့ၣ်ဧၢ, သုမ့ၢ်အိၣ်ဒီးတၢ်ကစီၣ်လၢအကဟ့ၣ်ဂံၢ်ဟ့ၣ်ဘါပှၤဂီၢ်မုၢ်တဖၣ် န့ၣ်, ပသးအိၣ်လၢသုကကတိၤတၢ်န့ၣ်လီၤ.”

မၤတၢ် 18:17

ဒီးအဝဲသ့ၣ်ကိးဂၤဒဲးစှီၤဃာ်ဘူၣ်ဘျီၣ်အခိၣ်စီၤစိၤစသ့ၣ်, ဒီးတီၢ်အီၤလၢစံၣ်ညီၣ်ကွီၢ်အမဲာ်ညါလီၤ. ဘၣ်ဆၣ်ဒီးစီၤကးလံၤအိၣ်တကနၣ်ဃုာ်ဝဲနီတစဲးဘၣ်.

မၤတၢ် 18:8

စီၤကြံစပူးလၢအမ့ၢ်ဘူၣ်ဘျီၣ်အခိၣ်တဂၤန့ၣ်, စူၢ်က့ၤနာ်က့ၤကစၢ်ဃုာ်ဒီးအပှၤဟံၣ်ဖိဃီဖိခဲလၢာ်လီၤ. ပှၤအါဒံအါဂၤဖဲဝ့ၢ်ကရံၣ်သူးလၢအနၢ်ဟူဘၣ်တၢ်သးခု အကစီၣ်တဖၣ်န့ၣ်, စူၢ်က့ၤနာ်က့ၤတၢ်ဒီးဘၣ်တၢ်ဘျၢအီၤလၢ ထံလီၤ.

ရိမ့ၤ 10:2

ယအုၣ်ယသးလၢအဝဲသ့ၣ်အဂီၢ်လၢအဝဲသ့ၣ်အဲၣ်ကစၢ်ယွၤ နီၢ်နီၢ်လီၤ. ဘၣ်ဆၣ်ဒီးအတၢ်အဲၣ်ကစၢ်ယွၤန့ၣ်တသန့ၤထီၣ် အသးလၢတၢ်သ့ၣ်ညါအမ့ၢ်အတီအလိၤဘၣ်.

လံာ်သိၣ်လီၤသီလီၤတၢ် 5:13

သုအိၣ်ဒီးမုၢ်နံၤဃုနံၤဃုသီလၢသုကမၤသုတၢ်မၤအဂီၢ်,