လံာ်လူၤကၣ် 13:1 - Sgaw Karen Common Bible

¹ ဖဲဆၢကတီၢ်အဝဲန့ၣ်, ပှၤအိၣ်ဝဲဒၣ်တနီၤလၢအစံးဘၣ်တဲဘၣ် ယ့ၣ်ၡူးဘၣ်ဃးဒီးပှၤကၤလံၤလါဖိတဖၣ်လၢ စီၤပံၤလးမၤသံတ့ၢ်ဝဲဖဲအဝဲသ့ၣ်လုၢ်ထီၣ်ပာ်ထီၣ် တၢ်ဆူကစၢ်ယွၤအအိၣ်အဖၢမုၢ်အဂ့ၢ်န့ၣ်လီၤ.

လံာ်လူၤကၣ် 13:1 Iomraidhean Croise

လံာ်သးသယုၢ်တၢ် 2:20

ယွၤဧၢ, ဘၣ်မနုၤနစံၣ်ညီၣ်ပှၤဒ်သိးအံၤလဲၣ်, ကွၢ်ဆိကမိၣ်တၢ်တက့ၢ်. ပိာ်မုၣ်တဖၣ်အီၣ်က့ၤအဖိဆံးတဖၣ်လၢအအဲၣ်ဝဲအဖံးအညၣ်အနီၢ်ခိ ကသ့ဒ်လဲၣ်. ပှၤလုၢ်တၢ်အခိၣ်တဖၣ်ဒီးဝံတဖၣ်ဘၣ်တၢ်မၤသံအီၤလၢတၢ်လုၢ်ဟံၣ် ဒၣ်ဝဲအပူၤကကြၢးဝဲဒ်လဲၣ်.

လံာ်မးသဲ 27:1

တုၤမုၢ်ဆ့ၣ်ထီၣ်ဂီၤဂီၤအကတီၢ်န့ၣ်, ပှၤလုၢ်တၢ်အခိၣ်အဒိၣ်ခဲလၢာ်ဒီးပှၤယူဒၤဖိကရၢအခိၣ်အနၢ် တဖၣ်, ကူၣ်ထီၣ်တၢ်ထီဒါယ့ၣ်ၡူး ဒ်သိးအကမၤသံဘၣ်အီၤအဂီၢ်လီၤ.

လံာ်မးသဲ 27:2

အဝဲသ့ၣ်စၢဃာ်ယ့ၣ်ၡူးအစုလၢပျံၤထးတဖၣ်, မိၤထီၣ်အီၤဒီးဟ့ၣ်လီၤအီၤဆူရိမ့ၤအပဒိၣ်ဖးဒိၣ်စီၤပံၤလးအစုပူၤလီၤ.

မၤတၢ် 1:11

ဒီးစံးဝဲ, “သုဝဲပှၤကီၢ်ကၤလံၤလါဖိသ့ၣ်ဧၢ, ဘၣ်မနုၤသုအိၣ်ဆၢထၢၣ်ဖဲအံၤဒီးကွၢ်ထီၣ်တၢ်ဆူမူခိၣ်န့ၣ်လဲၣ်. ယ့ၣ်ၡူးလၢသုထံၣ်တၢ်ဟံးထီၣ်ကွံာ်အီၤလၢသုအိၣ်ဆူမူခိၣ်တဂၤအံၤ, ကဟဲက့ၤကဒါက့ၤဒ်သုထံၣ်ဘၣ်အလဲၤထီၣ်ဝဲအသိးန့ၣ်လီၤ.”

မၤတၢ် 2:7

အဝဲသ့ၣ်တဖၣ်တၢ်လီၤကမၢကမၣ်ဒီးတၢ်လီၤလးဘၣ်အီၤဒိၣ်ဒိၣ် ကလဲာ်ဒီးစံး, “ပှၤတဖၣ်အံၤလၢအကတိၤတၢ်န့ၣ်, မ့ၢ်ဒၣ်ပှၤကီၢ်ကၤလံၤလါဖိလီၤ, တမ့ၢ်ဘၣ်ဧါ.

မၤတၢ် 5:37

အဝဲန့ၣ်အလီၢ်ခံ, ပှၤကီၢ်ကၤလံၤလါဖိစီၤယူဒၤဟဲပၢၢ်ထီၣ် ကဒီးဝဲဖဲတၢ်ဟံးန့ၢ်ထံဖိကီၢ်ဖိအနီၣ်ဂံၢ်စရီအကတီၢ်န့ၣ်လီၤ. အဝဲဒၣ်ထုးန့ၣ်ပှၤဂီၢ်မုၢ်အသးသတးဒီး, ပှၤအါဂၤပိာ်ထီၣ်အခံလီၤ. ဘၣ်ဆၣ်ဒီးတၢ်မၤသံကွံာ်အီၤစ့ၢ်ကီး, ဒီးပှၤပိာ်ထီၣ်အခံတဖၣ်လီၤပြံလီၤပြါကွံာ်ခဲလၢာ်လီၤ.