လံာ်လူၤကၣ် 12:9 - Sgaw Karen Common Bible

⁹ မ့မ့ၢ်, ပှၤတဂၤလၢ်လၢ်လၢအသမၢယၤလၢပှၤအါဂၤအမဲာ်ညါန့ၣ်, ပှၤကညီဖိခွါကသမၢစ့ၢ်ကီးအီၤလၢကစၢ်ယွၤအကလူးတဖၣ်အမဲာ် ညါလီၤ.

လံာ်လူၤကၣ် 12:9 Iomraidhean Croise

လံာ်မးသဲ 10:33

ဘၣ်ဆၣ်ပှၤတဂၤလၢ်လၢ်လၢအသမၢယၤလၢပှၤကညီအမဲာ်ညါန့ၣ်, ယကသမၢစ့ၢ်ကီးအီၤလၢယပၢ်အိၣ်လၢမူခိၣ်အမဲာ်ညါလီၤ.

လံာ်မးသဲ 25:12

ဘၣ်ဆၣ်ဒီး, တလးမူးပိာ်ခွါစံးဆၢအဝဲသ့ၣ်, ‘တသ့လ့ၤတက့ၤဘၣ်. ယတသ့ၣ်ညါသုဘၣ်.’ ”

လံာ်မးသဲ 25:31

တုၤပှၤကညီဖိခွါဟဲဝဲအိၣ်ဒီးအလၤကပီၤဒ်စီၤပၤတဂၤအသိး ဃုာ်ဒီးအကလူးခဲလၢာ်န့ၣ်, ကဆ့ၣ်နီၤဝဲလၢအလီၢ်ပစိာ်ကဟုကညီၢ်တဖျၢၣ်အဖီခိၣ်,

လံာ်မးသဲ 25:41

တုၤနုၤတစု, စီၤပၤကစံးဘၣ်ပှၤအိၣ်လၢအစုစ့ၣ်တဖၣ်ဒ်အံၤ, ‘ဟးဖးဒီးယၤတက့ၢ်. ပှၤလၢအဘၣ်ကစၢ်ယွၤအတၢ်ဆိၣ်အၢသ့ၣ်ဧၢ, လဲၤနုာ်ဆူမ့ၣ်အူလၢအတလီၤပံာ်ဘၣ်နီတဘျီဘၣ်, လၢအဘၣ်တၢ်ကတဲာ်ကတီၤပာ်စၢၤလၢမုၣ်ကီၤလံၢ်ဒီးအကလူးတဖၣ် အဂီၢ်, အပူၤန့ၣ်တက့ၢ်.

လံာ်မးသဲ 7:23

ဒီးယကစံးဘၣ်အဝဲသ့ၣ်, ‘ယတသ့ၣ်ညါသုနီတစုဘၣ်. ပှၤမၤတၢ်အၢတၢ်သီသ့ၣ်ဧၢ, ဟးဖးဒီးယၤတက့ၢ်.’

လံာ်မၢ်ကူး 8:38

ပှၤတဂၤဂၤမ့ၢ်မဲာ်ဆှးယၤဒီးယတၢ်သိၣ်လိသီလိလၢစိၤလၢ အပှဲၤဒီးတၢ်တစူၢ်တနာ်ယွၤဒီးတၢ်အၢတၢ်သီအံၤန့ၣ်, ပှၤကညီဖိခွါကမဲာ်ဆှးအီၤဖဲအဝဲဟဲသကိးဒီးမူခိၣ်ကလူး စီဆှံတဖၣ်ပှဲၤဒီးပၢ်အလၤကပီၤအဆၢကတီၢ်န့ၣ်လီၤ.

လံာ်လူၤကၣ် 15:10

ဒ်န့ၣ်အသိးယစံးဘၣ်တဲဘၣ်သု, ကစၢ်ယွၤအကလူးတဖၣ်သူၣ်ခု သးခုလၢပှၤတၢ်ဒဲးဘးဖိတဂၤလၢအပီၢ်ယၢ်လီၤက့ၤအသး အဃိန့ၣ်လီၤ.”

လံာ်လူၤကၣ် 22:57

ဘၣ်ဆၣ်ဒီး, စီၤပ့းတရူးသမၢဝဲဒီးစံး, “ပိာ်မုၣ်ဧၢ, ယတသ့ၣ်ညါဒၣ်လဲာ်အီၤဘၣ်.”

လံာ်လူၤကၣ် 9:26

ပှၤတဂၤမ့ၢ်မဲာ်ဆှးယၤဒီးယတၢ်သိၣ်လီၤသီလီၤတဖၣ်န့ၣ်, ပှၤကညီဖိခွါကမဲာ်ဆှးအီၤဖဲအဝဲဒၣ်ဟဲလၢအလၤကပီၤအပူၤ, ဒီးအပၢ်အလၤကပီၤအပူၤဒီးလၢကလူးစီဆှံတဖၣ်အလၤကပီၤ အပူၤအဆၢကတီၢ်န့ၣ်လီၤ.

၂ တံၤမသ့း 2:12

ပမ့ၢ်တဆိတ့ၢ်တူၢ်တၢ်ဘၣ်ဒီး, ပကပၢဃုာ်တၢ်ဒီးအီၤစ့ၢ်ကီးလီၤ. ပမ့ၢ်သမၢအီၤဒီး, အဝဲကသမၢပှၤစ့ၢ်ကီးလီၤ.

၁ ယိၤဟၣ် 2:23

အဂ့ၢ်ဒ်လဲၣ်န့ၣ်, ပှၤလၢအညိကွံာ်ဖိခွါကစၢ်န့ၣ်ညိကွံာ်စ့ၢ်ကီး ပၢ်ကစၢ်လီၤ. ပှၤလၢအတူၢ်လိာ်ဖိခွါကစၢ်န့ၣ်, ဒိးန့ၢ်စ့ၢ်ကီးပၢ်ကစၢ်န့ၣ်လီၤ.

၁ ယိၤဟၣ် 2:28

ဒီးခဲအံၤယဖိယလံၤသ့ၣ်ဧၢ, အိၣ်ဆိးလၢခရံာ်အပူၤဒ်သိး ပကလၢပှဲၤဒီးတၢ်သူၣ်ဒူသးဒူဖဲအဝဲအိၣ်ဖျါထီၣ်ဒီးဖဲအဟဲဝဲ အမုၢ်တနံၤန့ၣ်, ပသုတအိၣ်ခူသူၣ်ဘၣ်လၢတၢ်မဲာ်ဆှးအပူၤ တဂ့ၤန့ၣ်တက့ၢ်.

လံာ်လီၣ်ဖျါ 3:8

နမၤတၢ်မနုၤလဲၣ်န့ၣ်ယသ့ၣ်ညါယဲလီၤ, ယသ့ၣ်ညါလၢနအိၣ်ဒီးတၢ်စိကမီၤတဆံးတက့ၢ်, နပိာ်ထွဲယတၢ်သိၣ်လီၤသီလီၤ, ဒီးနသးတီတ့ၢ်နဲဒီး ယၤလီၤ. ယအိးထီၣ်ပာ်ယဲတြဲၤတဘ့ၣ်လၢနမဲာ်ညါ, လၢပှၤကးတံာ်အီၤတန့ၢ်နီတဂၤဘၣ်န့ၣ်လီၤ.