လံာ်လူၤကၣ် 12:59 - Sgaw Karen Common Bible

⁵⁹ ယစံးဘၣ်တဲဘၣ်သု, တချုးနလိးတူာ်ကွံာ်တၢ်စံၣ်ညီၣ်အတိၢ်အကတၢၢ်တဘ့ၣ်ဒံးဘၣ်ဒီး, နတထူၣ်ဖျဲးထီၣ်ကွံာ်ဖဲန့ၣ်ဘၣ်.”

လံာ်လူၤကၣ် 12:59 Iomraidhean Croise

လံာ်မးသဲ 18:34

ဒီးလၢတၢ်သးဒိၣ်အပူၤအကစၢ်ဆှၢအီၤဆူဃိာ်ပူၤ, ဒ်သိးအကဘၣ်တၢ်မၤနးမၤဖှီၣ်အီၤ, တုၤလၢအလိးတူာ်က့ၤအကမၢ်ခဲလၢာ်တစုလီၤ.

လံာ်မးသဲ 25:41

တုၤနုၤတစု, စီၤပၤကစံးဘၣ်ပှၤအိၣ်လၢအစုစ့ၣ်တဖၣ်ဒ်အံၤ, ‘ဟးဖးဒီးယၤတက့ၢ်. ပှၤလၢအဘၣ်ကစၢ်ယွၤအတၢ်ဆိၣ်အၢသ့ၣ်ဧၢ, လဲၤနုာ်ဆူမ့ၣ်အူလၢအတလီၤပံာ်ဘၣ်နီတဘျီဘၣ်, လၢအဘၣ်တၢ်ကတဲာ်ကတီၤပာ်စၢၤလၢမုၣ်ကီၤလံၢ်ဒီးအကလူးတဖၣ် အဂီၢ်, အပူၤန့ၣ်တက့ၢ်.

လံာ်မးသဲ 25:46

တုၤနုၤတစု, ပှၤတဖၣ်အံၤကလဲၤနုာ်ဆူတၢ်စံၣ်ညီၣ်အထူ အယိာ်အပူၤ, မ့မ့ၢ်ပှၤအတီအလိၤတဖၣ်ကလဲၤနုာ်ဆူ တၢ်မူအထူအယိာ်အပူၤလီၤ.”

လံာ်မးသဲ 5:26

တုၤနလီၤလံလၢဃိာ်ပူၤဒီး, တချုးလၢနလိးတူာ်ကွံာ်တိၢ်တုၤလၢအကတၢၢ်တဘ့ၣ်ဒံးဘၣ်န့ၣ်, နတဟးထီၣ်ဘၣ်လၢဃိာ်ပူၤဘၣ်.

လံာ်မၢ်ကူး 12:42

အန့ၣ်ဝံၤမုၣ်ကမဲလၢအဖှီၣ်တဂၤဟဲဒီးဒၢနုာ်လီၤဝဲတိၢ်ဂီၤ မဲာ်ဖိခံဘ့ၣ်လၢအလီၤလၢတိၢ်တဘ့ၣ်န့ၣ်လီၤ.

လံာ်လူၤကၣ် 16:26

လၢန့ၣ်အမဲာ်ညါ, တၢ်ပူၤဖးယိာ်အိၣ်ဝဲဒၣ်လၢပဘၢၣ်စၢၤတပူၤ, သတးဒီးပှၤအိၣ်ဖဲအံၤတဖၣ်မ့ၢ်အဲၣ်ဒိးလဲၤခီဂာ်ဆူသုအိၣ် န့ၣ်လဲၤဝဲတသ့ဘၣ်. ဒီးပှၤအိၣ်လၢသုအိၣ်ဖဲန့ၣ်တဖၣ်ဟဲခီဃီၤဆူပအိၣ် တသ့စ့ၢ်ကီးဘၣ်န့ၣ်လီၤ.’

၂ သ့းစၤလနံ 1:3

ဒီပုၢ်ဝဲၢ်သ့ၣ်ဧၢ, ပဘၣ်စံးဘျုးကစၢ်ယွၤကိးဆၢကိးကတီၢ် ဒဲးလၢသုဃိလီၤ. မ့ၢ်တၢ်အကြၢးအဘၣ်တမံၤလၢပဂ့ၤမၤ အီၤလီၤ. အဂ့ၢ်ဒ်အံၤသုတၢ်စူၢ်တၢ်နာ်ဒိၣ်ထီၣ်ဝဲအဒိၣ်အအါ, ဒီးသုတၢ်အဲၣ်လိာ်ကွံလိာ်သုသးဒိၣ်ထီၣ်အါထီၣ်ဝဲဒၣ်လီၤ.