လံာ်လူၤကၣ် 12:57 - Sgaw Karen Common Bible

⁵⁷ တၢ်လၢပှၤကြၢးမၤ, တကြၢးမၤန့ၣ်, ဘၣ်မနုၤအဃိသုတစံၣ်ညီၣ်ပဲာ်ဖးနီၤဖးလၢ သုနီၢ်ကစၢ်ဒၣ်သုဝဲန့ၣ်လဲၣ်.

လံာ်လူၤကၣ် 12:57 Iomraidhean Croise

လံာ်မးသဲ 21:21

ယ့ၣ်ၡူးစံးဆၢအဝဲသ့ၣ်ဒီးစံး, “နာ်ယၤတက့ၢ်. ယစံးဘၣ်တဲဘၣ်သု, သုမ့ၢ်အိၣ်ဒီးတၢ်နာ်ဒီးသုသးမ့ၢ်တဒ့ဒီဘၣ်န့ၣ်, တၢ်လၢယမၤဘၣ်ချၢၣ်ဒၢအံၤသုမၤကသ့ဒီးအါန့ၢ်အန့ၣ်သုမ့ၢ်စံးဘၣ် ကစၢၢ်အံၤ, ‘သုးကွံာ်နသးဒီးတ့ၢ်လီၤကွံာ်နသးဆူပီၣ်လဲၣ်ပူၤတက့ၢ်’ န့ၣ်, ကမၤအသးလီၤ.

လံာ်မးသဲ 21:32

အဂ့ၢ်ဒ်အံၤ, ပှၤဘျၢတၢ်စီၤယိၤဟၣ်ဟဲဒုးနဲၣ်သုလၢတၢ်တီတၢ်လိၤ အကျဲလၢသုကပိာ်အီၤအဂီၢ်, ဒီးသုတနာ်အီၤဘၣ်. မ့မ့ၢ်ပှၤဃ့သွဲတဖၣ်ဒီးပိာ်မုၣ်ဟးဂီၤတဖၣ်နာ်အီၤလီၤ. သုထံၣ်တၢ်အံၤဝံၤအလီၢ်ခံဒၣ်လဲာ်, သုသးတလဲလိာ်အသးဒီးနာ်အီၤဘၣ်.”

လံာ်လူၤကၣ် 21:30

ဖဲသုထံၣ်ဘၣ်အဝဲသ့ၣ်အလၣ်ဒိးစၢ်ထီၣ်ဝဲန့ၣ်, သုသ့ၣ်ညါလၢတၢ်ကိၢ်ခါအကတီၢ်ဘူးထီၣ်ဝဲလံန့ၣ်လီၤ.

လံာ်ယိၤဟၣ် 7:24

တဘၣ်စံၣ်ညီၣ်ပှၤဒ်တၢ်အိၣ်ဖျါအသိးလၢၤတဂ့ၤ. မ့မ့ၢ်စံၣ်ညီၣ်တၢ်ဒ်တၢ်မ့ၢ်တၢ်တီအိၣ်ဝဲအသိးန့ၣ် တက့ၢ်.”

မၤတၢ် 2:40

စီၤပ့းတရူးအုၣ်အသးလၢအဝဲသ့ၣ်အမဲာ်ညါ, ဒီးလၢတၢ်စံးတၢ်ကတိၤအါထံၣ်အါဘီအပူၤမၢန့ၢ်ဆီၣ်ခံ အဝဲသ့ၣ်ဒီးစံး, “မၤပူၤဖျဲးသုသးလၢတၢ်စံၣ်ညီၣ်ဃၣ်လၢ အကဟဲဘၣ်ပှၤတစိၤအံၤလၢအအၢအသီန့ၣ်တက့ၢ်.”

1 ကရံၣ်သူး 11:13

ကွၢ်ဆိကမိၣ်ဒၣ်သုဝဲတက့ၢ်. ပှၤပိာ်မုၣ်တဂၤကဃ့ဘါထု ကဖၣ်တၢ်ဆူကစၢ်ယွၤအအိၣ်တအိၣ်ဒီးတၢ်ဖၢၣ်ဘၢဃာ် အခိၣ်န့ၣ်, မ့ၢ်တၢ်လၢအကြၢးဝဲဘၣ်ဝဲကစီဒီဧါ.

1 ကရံၣ်သူး 11:14

အဂ့ၢ်ဒ်လဲၣ်, န့ဆၢၣ်ဒၣ်လဲာ်သိၣ်လိသုလၢပှၤပိာ်ခွါတဂၤအိၣ် ဒီးအခိၣ်သူအထီန့ၣ်, မ့ၢ်တၢ်မၤဟးဂီၤအလၤကပီၤတမ့ၢ်ဘၣ်ဧါ.

လံာ်သိၣ်လီၤသီလီၤတၢ် 32:29

ဘၣ်မနုၤအဃိအဝဲသ့ၣ်ဘၣ်တၢ်မၤနၢၤအီၤလဲၣ်န့ၣ်, အဝဲသ့ၣ်ထံၣ်ဝဲတသ့ဘၣ်, တၢ်လၢအမၤတ့ၢ်အသးန့ၣ်အဝဲသ့ၣ်နၢ်ပၢၢ်ဝဲ တသ့ဘၣ်.