လံာ်လူၤကၣ် 12:56 - Sgaw Karen Common Bible

⁵⁶ ပှၤပာ်မၤအသးသ့ၣ်ဧၢ, သုကွၢ်ဟီၣ်ခိၣ်ဒီးမူကပိာ်လိၤ, ဒီးတၢ်ကမၤအသးဒ်လဲၣ်သုသ့ၣ်ညါလီၤ. မ့မ့ၢ်ဒ်န့ၣ်ဒီးဘၣ်မနုၤအဃိသုတနၢ်ပၢၢ်ဆၢကတီၢ်ခဲအံၤအခီပညီလဲၣ်.

လံာ်လူၤကၣ် 12:56 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 12:32

လၢပှၤယံးစၣ်ကၢ်ဖိအဒူၣ်ပူၤန့ၣ်, ပှၤအခိၣ်အနၢ်ခံကယၤဂၤ, ဃုာ်ဒီးပှၤတဖၣ်လၢအအိၣ်လၢအဝဲသ့ၣ်အတၢ်ပၢအဖီလာ်န့ၣ်လီၤ. (ပှၤခိၣ်ပှၤနၢ်တဖၣ်အံၤသ့ၣ်ညါတ့ၢ်တၢ်လၢပှၤအံၣ်စရ့လးဖိ ကြၢးမၤဝဲဒီးတၢ်ဆၢကတီၢ်အဂ့ၤကတၢၢ်လၢကဘၣ်မၤဝဲ န့ၣ်လီၤ.)

လံာ်ဃးကဲ 2:7

ယကမၤနၢၤကွံာ်ပှၤကလုာ်ခဲလၢာ်, ဒီးအဝဲသ့ၣ်အတၢ်ထူးတၢ်တီၤတဖၣ်ကဘၣ်တၢ်ဟဲစိာ်အီၤဖဲအံၤ, ဒီးတၢ်လုၢ်ဟံၣ်န့ၣ်ကဘၣ်တၢ်မၤပှဲၤအီၤဒီးတၢ်ထူးတၢ်တီၤလီၤ.

လံာ်မၤလကံ 3:1

ယွၤသ့တၢ်လၢာ်စံးဆၢဝဲ, “ယကဆှၢလီၤယပှၤစိာ်တၢ်ကစီၣ်ဒ်သိးကကတဲာ်ကတီၤကျဲလၢယဂီၢ် လီၤ. တုၤနုၤတစု, ယွၤလၢသုဃုအီၤန့ၣ်ကဟဲသတူၢ်ကလာ်ဆူအတၢ်လုၢ် ဟံၣ်လီၤ. ပှၤစိာ်တၢ်ကစီၣ်လၢသုဆၢထံၣ်ဘၣ်အီၤန့ၣ်ကဟဲဒီးစံးဘၣ်တဲ ဘၣ်ယတၢ်အၢၣ်လီၤအီလီၤန့ၣ်လီၤ.”

လံာ်မၤလကံ 4:2

မ့မ့ၢ်သုဝဲ, ပှၤလၢအစူၢ်ယၤန့ၣ်, ယတၢ်အုၣ်က့ၤခီၣ်က့ၤအစိကမီၤ ကအိၣ်ထီၣ်လၢသုဖီခိၣ်ဒ်မုၢ်အသိးဒီးကဟဲစိာ်တၢ်မၤဘျါ က့ၤဒ်မုၢ်အတၢ်ကပီၤအယဲၤတဖၣ်အသိးန့ၣ်လီၤ. ဒီးသုကထူၣ်ဖျဲးဒီးသးဖှံဒ်ဂီၤ ဖံးဖိတဖၣ်လၢအဘၣ်တၢ်ပျၢ်ကွံာ်အီၤလၢအကရၢၢ်အသိးန့ၣ်လီၤ.

လံာ်မးသဲ 11:25

အကတီၢ်ဖဲန့ၣ်ယ့ၣ်ၡူးစံးဝဲ, “မူခိၣ်ဒီးဟီၣ်ခိၣ်အကစၢ်, ယပၢ်ယွၤဧၢ, ယစံးဘျုးနၤလၢနပာ်ခူသူၣ်တၢ်မ့ၢ်တၢ်တီတဖၣ်အံၤလၢပှၤကူၣ်ဘၣ် ကူၣ်သ့ဒီးပှၤသ့လံာ်သ့လဲၢ်တဖၣ်, ဒီးနလီၣ်ဖျါထီၣ်အီၤလၢပှၤ အဆံးပှၤအစၢ်ပှၤလၢအတမၤလိဘၣ်တၢ်တဖၣ်အမဲာ်ညါလီၤ.

လံာ်မးသဲ 16:3

တုၤမုၢ်ဆ့ၣ်ထီၣ်ဂီၤဂီၤတခီ, မူကပိာ်လိၤမ့ၢ်ဂီၤဒီးတၢ်အၢၣ်မ့ၢ်ခံးသူဝဲန့ၣ်, သုစံးလၢတနံၤအံၤ ကလံၤမုၢ်ကလီၤဝဲလီၤ. သုကွၢ်မူကပိာ်လိၤ, ဒီးဖးမူခိၣ်ကလံၤသီၣ်ဂီၤသ့မးလီၤ. ဘၣ်ဆၣ်တၢ်အပနီၣ်ဘၣ်ဃးဒီးတၢ်လၢအကမၤအသးတဖၣ်န့ၣ်, သုဖးတသ့ဘၣ်.

လံာ်မးသဲ 6:2

လၢတၢ်န့ၣ်အဃိ, ဖဲသုဟ့ၣ်သးကညီၤတၢ်န့ၣ်, တဘၣ်မၤအီၤဒ်သိးပှၤအါဂၤကထံၣ်သ့ၣ်ညါအဂီၢ်, ဒ်ပှၤပာ်မၤအသးတဖၣ်မၤဝဲလၢဘူၣ်ဘျီၣ်လၢအမ့ၢ်တၢ်ဘါလီၢ် အပူၤဒီးလၢကျဲအပူၤလၢပှၤကညီကစံးထီၣ်ပတြၢၤအီၤအဂီၢ် အသိးန့ၣ်တဂ့ၤ. နာ်ယၤတက့ၢ်. အဝဲသ့ၣ်ဒိးန့ၢ်လံတၢ်အဘူးအလဲလၢလၢပှဲၤပှဲၤလံ.

ကလၤတံ 4:4

ဘၣ်ဆၣ်ဒီး, ဖဲတၢ်ဆၢကတီၢ်အဘၣ်တုၤဃီၤဝဲန့ၣ်, ကစၢ်ယွၤဆှၢလီၤအဖိခွါဒၣ်ဝဲလီၤ. အဝဲဒၣ်ဟဲဒ်မိၢ်လၢအမ့ၢ်ပှၤဟီၣ်ခိၣ်ဖိတဂၤအဖိအသိးဒီးအိၣ် မူလၢယူဒၤဖိအတၢ်သိၣ်တၢ်သီအဖီလာ်,