လံာ်လူၤကၣ် 12:5 - Sgaw Karen Common Bible

⁵ ယကဒုးနဲၣ်သုပှၤလၢသုကဘၣ်ပျံၤအီၤန့ၣ်လီၤ. ပျံၤကစၢ်ယွၤလၢအမၤသံပှၤဝံၤအလီၢ်ခံအိၣ်ဒီးတၢ်စိတၢ် ကမီၤလၢအကတ့ၢ်လီၤပှၤဆူလရာ်အပူၤတဂၤန့ၣ်တက့ၢ်. မ့ၢ်လီၤ. ယစံးဘၣ်တဲဘၣ်သု, ပျံၤအဝဲဒၣ်န့ၣ်တက့ၢ်.

လံာ်လူၤကၣ် 12:5 Iomraidhean Croise

စံးထီၣ်ပတြၢၤ 9:17

ကယဲၢ်ပှၤကလုာ်တဖၣ်လၢအသးပ့ၤနီၣ်ကစၢ်ယွၤခဲလၢာ်, ပှၤတတီတလိၤန့ၣ်ကဘၣ်က့ၤဆူပျုၤပူၤလီၤ.

တၢ်ကတိၤဒိ. 14:26

တၢ်ယူးယီၣ်ယွၤန့ၣ်ဟ့ၣ်တၢ်နာ်အဂၢၢ်အကျၢၤဒီးတၢ်အိၣ်ဘံၣ်အိၣ်ဘၢ လၢပှၤတဂၤဒီးအဟံၣ်ဖိဃီဖိအဂီၢ်လီၤ.

လံာ်ယံးရမံယၤ 10:7

ပှၤကလုာ်ခဲလၢာ်အစီၤပၤဧၢ, ပှၤလၢကယူးယီၣ်မၤလၤကပီၤ နၤန့ၣ်မ့ၢ်မတၤလဲၣ်. နကြၢးဒီးတၢ်မၤလၤကပီၤန့ၣ်လီၤ. လၢပှၤကူၣ်သ့ခဲလၢာ်လၢပှၤကလုာ်တဖၣ်အကျါမ့ၢ်ဂ့ၤ, လၢ အဝဲသ့ၣ်အစီၤပၤတဖၣ်အကျါမ့ၢ်ဂ့ၤ, ပှၤဒ်သိးနၤတအိၣ်ဘၣ် နီတဂၤဘၣ်.

လံာ်ယံးရမံယၤ 41:18

လၢတၢ်န့ၣ်အဃိ အဝဲသ့ၣ်လဲၤဝဲဆူ ကီၢ်အဲၤကူပတူးဒ်သိးဒီး ကယံၤထီၣ်ကွံာ်ဒီၤ ပှၤဘၤဘူၤလိၣ်ဖိတဖၣ်အဂီၢ်လီၤ. လၢကျဲန့ၣ်, အဝဲသ့ၣ်ဆိကတီၢ်ဖဲ ကံးမဟၣ်လၢ အဘူးဒီးဝ့ၢ်ဘ့ၤသလ့ဃ့ၣ်န့ၣ်လီၤ.

လံာ်ယံးရမံယၤ 5:22

ယမ့ၢ်ယွၤလီၤ. သုတပျံၤယၤဘၣ်မနုၤအဃိလဲၣ်. ဘၣ်မနုၤအဃိသုကကနိးကစုာ်လၢယမဲာ်ညါန့ၣ်လဲၣ်. ယပာ်လီၤတ့ၢ်မဲးဧိၤဟီၣ်ဧိၤဒ်ပီၣ်လဲၣ်အဆၢအသိး, တၢ်အဆၢအဂၢၢ်အကျၢၤလၢတၢ်ခီဂာ်အီၤတသ့ဘၣ်လီၤ. ပီၣ်လဲၣ်မ့ၢ်စံၣ်ပီပုဘၣ်ဆၣ်, လဲၤပျံကွံာ်အီၤတသ့ဘၣ်. လပီတဖၣ်မ့ၢ်သီၣ်ထီၣ်ရူၢ်ရူၢ်ဘၣ်ဆၣ်, လဲၤခီပတာ်အီၤတသ့ဘၣ်.

လံာ်မးသဲ 10:28

တဘၣ်ပျံၤပှၤလၢအမၤသံပနီၢ်ခိဘၣ်ဆၣ်မၤသံပသးတသ့ဘၣ်န့ၣ်တဂ့ၤ. မ့မ့ၢ်ပျံၤကစၢ်ယွၤလၢအမၤဟးဂီၤပနီၢ်ခိဒီးပသးလၢလရာ် အပူၤသ့ဝဲတဂၤန့ၣ်တက့ၢ်.

လံာ်မးသဲ 25:41

တုၤနုၤတစု, စီၤပၤကစံးဘၣ်ပှၤအိၣ်လၢအစုစ့ၣ်တဖၣ်ဒ်အံၤ, ‘ဟးဖးဒီးယၤတက့ၢ်. ပှၤလၢအဘၣ်ကစၢ်ယွၤအတၢ်ဆိၣ်အၢသ့ၣ်ဧၢ, လဲၤနုာ်ဆူမ့ၣ်အူလၢအတလီၤပံာ်ဘၣ်နီတဘျီဘၣ်, လၢအဘၣ်တၢ်ကတဲာ်ကတီၤပာ်စၢၤလၢမုၣ်ကီၤလံၢ်ဒီးအကလူးတဖၣ် အဂီၢ်, အပူၤန့ၣ်တက့ၢ်.

လံာ်မးသဲ 25:46

တုၤနုၤတစု, ပှၤတဖၣ်အံၤကလဲၤနုာ်ဆူတၢ်စံၣ်ညီၣ်အထူ အယိာ်အပူၤ, မ့မ့ၢ်ပှၤအတီအလိၤတဖၣ်ကလဲၤနုာ်ဆူ တၢ်မူအထူအယိာ်အပူၤလီၤ.”

လံာ်မးသဲ 5:22

မ့မ့ၢ်ခဲအံၤယစံးဘၣ်သုလၢပှၤတဂၤလၢ်လၢ်လၢအသူၣ်ဒိၣ်သး ဖျိးအဒီပုၢ်ဝဲၢ်ပှၤစူၢ်က့ၤနာ်က့ၤတၢ်န့ၣ်, ကဘၣ်တၢ်ဆှၢထီၣ်အီၤလၢစံၣ်ညီၣ်ကွီၢ်အတၢ်သမံသမိးအဂီၢ်, ဒီးပှၤတဂၤလၢ်လၢ်လၢအကတိၤဒုၣ်ဒွဲၣ်အဒီပုၢ်ဝဲၢ်ပှၤစူၢ်က့ၤ နာ်က့ၤတၢ်န့ၣ်, ကဘၣ်တၢ်ဆှၢထီၣ်အီၤဆူပှၤယူဒၤဖိအပှၤဒိၣ်ပှၤပှၢ်တဖၣ်အကီၣ် ကးလီၤ. ပှၤတဂၤလၢ်လၢ်လၢအကိးအဒီပုၢ်ဝဲၢ်ပှၤစူၢ်က့ၤနာ်က့ၤတၢ်လၢ ပှၤဟးဂီၤဖိန့ၣ်, ဂ့ၤဘၣ်တၢ်ဆှၢအီၤဆူလရာ်မ့ၣ်အူအပူၤလီၤ.

လံာ်မၢ်ကူး 13:23

ပလီၢ်သုသးတက့ၢ်. တချုးတၢ်တဖၣ်အံၤမၤဒံးအသးဘၣ်ဒီး, ယတဲပလီၢ်တ့ၢ်သုတၢ်ကိးမံၤဒဲးလံ.

၁ သ့းစၤလနံ 4:6

ဖဲလၢအဘၣ်ဃးဒီးတၢ်ဂ့ၢ်အံၤန့ၣ်, ပှၤတဘၣ်မၤကမၣ်ဒီးဃုအဘျုးဒၣ်ဝဲလၢအဒီပုၢ်ဝဲၢ် ပှၤစူၢ်က့ၤနာ်က့ၤတၢ်အဖီခိၣ်နီတဂၤဘၣ်. ပစံးဘၣ်တဲဘၣ်တ့ၢ်လံသုလၢအပူၤကွံာ်, ဒီးပဟ့ၣ်ပလီၢ်သုဆူၣ်ဆူၣ်ကလဲာ်လၢကစၢ်ကစံၣ်ညီၣ်ပှၤလၢ အမၤတၢ်န့ၣ်တဖၣ်လီၤ.

ဧ့ၤဘြံၤ 10:31

တၢ်လီၤနုာ်ဘၣ်ဆူ ကစၢ်ယွၤလၢအမူဝဲတဂၤအစုပူၤန့ၣ်, မ့ၢ်တၢ်လၢအလီၤပျံၤလီၤဖုးဒိၣ်မးလီၤ.

၂ ပ့းတရူး 2:4

ကလူးလၢအမၤတၢ်ဒဲးဘးတဖၣ်န့ၣ်, ကစၢ်ယွၤတပျၢ်ဖျဲး အီၤဘၣ်ဒီးတ့ၢ်လီၤကွံာ်အဝဲသ့ၣ်ဆူလရာ်အပူၤ, ဒီးဖဲန့ၣ်အဝဲသ့ၣ်ဘၣ်တၢ်စၢဃာ်အီၤလၢတၢ်ခံးတၢ်နၤ အပူၤဒီးအိၣ်ခိးမုၢ်စံၣ်ညီၣ်အနံၤန့ၣ်လီၤ.

လံာ်လီၣ်ဖျါ 14:7

အဝဲကတိၤတၢ်လၢအကလုၢ်ဖးဒိၣ်, “ပျံၤကစၢ်ယွၤ ဒီးမၤလၤကပီၤအီၤဒီးစံးထီၣ်ပတြၢၤအတၢ်ဒိၣ်တၢ်မုၢ် တက့ၢ်. အဂ့ၢ်ဒ်အံၤ, တၢ်ဆၢကတီၢ်ဟဲတုၤလံဝဲလၢ အဝဲဒၣ်ကဘၣ်စံၣ်ညီၣ်ပှၤဟီၣ်ခိၣ်ဖိလံ. ဘူၣ်ထီၣ်ဘါထီၣ်အဝဲလၢအတ့လီၤမူခိၣ်, ဟီၣ်ခိၣ်, ပီၣ်လဲၣ်, ဒီးထံမူထီၣ်ပၢၢ်တဖၣ်န့ၣ်တက့ၢ်.”

လံာ်လီၣ်ဖျါ 15:4

မတၤကအိၣ်ဝဲတဂၤလၢအတပျံၤ ဒီးတယူးယီၣ်နၤန့ၣ်လဲၣ်, ကစၢ်ယွၤဧၢ. မတၤတဂၤကဂ့ၢ်လိာ်လၢအကဘိးဘၣ်သ့ၣ်ညါ ဒီးတဲဖျါထီၣ်နတၢ်ဒိၣ်တၢ်မုၢ်အဂ့ၢ်န့ၣ်လဲၣ်. ထဲနၤတဂၤဧိၤ နစီဝဲဆှံဝဲလီၤ. ကယဲၢ်ထံဧိၤကီၢ်ဧိၤတဖၣ် ကဟဲဝဲဒီးဘူၣ်ထီၣ်ဘါထီၣ်နၤ, အဂ့ၢ်မ့ၢ်လၢနတၢ်ဖံးတၢ်မၤအတီအလိၤတဖၣ်ဘၣ်တၢ်ထံၣ် အီၤလၢပှၤကိးဂၤဒဲးအဃိန့ၣ်လီၤ.”

လံာ်လီၣ်ဖျါ 20:14

တၢ်န့ၣ်ဝံၤအလီၢ်ခံ, တၢ်သံဒီးပျုၤပူၤဘၣ်တၢ်တ့ၢ်လီၤကွံာ် အီၤဆူနိၣ်မ့ၣ်အူအပူၤလီၤ. (နိၣ်မ့ၣ်အူအံၤမ့ၢ်ဝဲတၢ်သံခံစု တစုလီၤ.)