လံာ်လူၤကၣ် 12:35 - Sgaw Karen Common Bible

³⁵ အိၣ်ကတဲာ်ကတီၤသုသးလၢတၢ်တမံၤလၢ်လၢ်လၢအကဟဲအဂီၢ်, ကံၢ်တူာ်ထီၣ်သုယီၢ်ဒ့ဒီးဒွဲၣ်ကပီၤဃာ်သုမ့ၣ်အူဒၢတဖၣ်,

လံာ်လူၤကၣ် 12:35 Iomraidhean Croise

လံာ်စီၤပၤအခီၣ်ထံးတဘ့ၣ် 18:46

ယွၤအတၢ်စိတၢ်ကမီၤလီၤဘၣ်လၢစီၤအ့ၤလံယၤအလိၤ. အဝဲဒၣ်ကံၢ်တူာ်ထီၣ်အကူအသိးဃံးဃံးလၢအယီၢ်ဒ့အလိၤဒီးဃ့ၢ် ဝဲလၢစီၤအၤဃာ်အမဲာ်ညါဒီတကျဲညါဆူဝ့ၢ်ယံးစရ့လးန့ၣ်လီၤ.

တၢ်ကတိၤဒိ. 31:17

အဝဲမ့ၢ်ပှၤလၢအမၤတၢ်ဆူၣ်, အဂံၢ်အဘါဆူၣ်ဒီးမၤတၢ်ခုတဂၤန့ၣ် လီၤ.

လံာ်ယၡါယၤ 11:5

အဝဲကပၢအပှၤဂီၢ်မုၢ်လၢတၢ်စံၣ်ညီၣ်တီဒီးတၢ်မၤတီအကလုၢ်လီၤ.

လံာ်ယၡါယၤ 5:27

တလီၤဘှံးလီၤတီၤနီတဂၤဘၣ်ဒီးအခီၣ်တဘၣ်တိၢ်နီတဂၤဘၣ်. တမံခ့ဒီးတမံဘၣ်အသးဘၣ်. ယီၢ်တကိးတလီၤဃ့ၣ်နီတခါဘၣ်. ခီၣ်ဖံးပျံၤတထီၣ်တဲာ်နီတဘိဘၣ်.

လံာ်မးသဲ 25:1

တုၤနုၤတစု, မူခိၣ်အဘီအမုၢ်န့ၣ်ကမၤအသးဒ်အံၤလီၤ. တဘျီပှၤမုၣ်ကနီၤအိၣ်ဝဲအဂၤတဆံ, လၢအဟံးန့ၢ်အမ့ၣ်အူဒၢ, ဒီးဟးထီၣ်လဲၤသဂၢၢ်တလးမူးပိာ်ခွါတဂၤန့ၣ်လီၤ.

လံာ်မးသဲ 5:16

ဒ်မ့ၣ်အူလၢမ့ၣ်အူဒၢအလီၢ်အဖီခိၣ်အသိးန့ၣ်, ဟ့ၣ်ထီၣ်သုတၢ်ကပီၤလၢပှၤကိးဂၤဒဲးအမဲာ်ညါဒ်သိးအဝဲသ့ၣ် ကထံၣ်ဘၣ်သုတၢ်မၤအဂ့ၤတဖၣ်, ဒီးကစံးထီၣ်ပတြၢၤသုပၢ်အိၣ်လၢမူခိၣ်န့ၣ်တက့ၢ်.

လံာ်လူၤကၣ် 12:36

ဒ်တၢ်ခ့တၢ်ပှၤတဖၣ်လၢအအိၣ်ခိးအကစၢ်အတၢ်ဟဲက့ၤလၢတၢ်တ့တၢ်ဖျီ အမူးအဂီၢ်အသိးန့ၣ်တက့ၢ်. ဖဲအဝဲဒၣ်ဟဲဒီးဒိတကျိာ်တၢ်န့ၣ်, အဝဲသ့ၣ်ကအိးထီၣ်တြဲၤလၢအဂီၢ်တဘျီဃီလီၤ.

အ့းဖ့းစူး 6:14

ဆၢထၢၣ်ကျၢၤကျၢၤဒီးစၢဃာ်သုယီၢ်ဒ့ဃံးဃံးလၢတၢ် မ့ၢ်တၢ်တီဒ်ယီၢ်တကိးအသိး, ဒီးသိးထီၣ်တၢ်တီတၢ်လိၤဒ်သဃိး အသိးတက့ၢ်.

ဖံလံးပံၤ 2:15

တုၤနုၤတစု, သုကကဲထီၣ်ပှၤလၢအတၢ်ကမၣ်တအိၣ်ဒီး စီဆှံဝဲဒ်ကစၢ်ယွၤအဖိလၢအလၢပှဲၤတဖၣ်, လၢအအိၣ်မူလၢပှၤတတီတလိၤဒီးပှၤလၢအပှဲၤဒီးတၢ်ဒဲးဘး တဖၣ်အဟီၣ်ခိၣ်ပူၤန့ၣ်လီၤ. သုကဘၣ်ကပီၤထီၣ်လၢအဝဲသ့ၣ်အကျါဒ်ဆၣ်တဖၣ်ဒုးကပီၤထီၣ်မူခိၣ် အသိး,

၁ ပ့းတရူး 1:13

လၢတၢ်န့ၣ်အဃိ, ကတဲာ်ကတီၤသုသးလၢတၢ်မၤအဂီၢ် တက့ၢ်. ကီၤသုသးဒီးပာ်လီၤသုတၢ်မုၢ်လၢ်လၢာ်လၢာ်ဆ့ဆ့ လၢတၢ်ဘျုးတၢ်ဖှိၣ်အဖီခိၣ်, လၢတၢ်ကဟ့ၣ်လီၤသုဖဲယ့ၣ်ၡူးခရံာ်ဘၣ်တၢ်လီၣ်ဖျါထီၣ်အီၤ အဆၢကတီၢ်န့ၣ်တက့ၢ်.