လံာ်လူၤကၣ် 12:32 - Sgaw Karen Common Bible

³² သိလၢအစှၤတဖုဧၢ, ပျံၤတၢ်တဂ့ၤ. အဂ့ၢ်ဒ်အံၤ, သုပၢ်ဘၣ်အသးလၢအကဟ့ၣ်သုဘီမုၢ်န့ၣ်လီၤ.

လံာ်လူၤကၣ် 12:32 Iomraidhean Croise

လံာ်ယၡါယၤ 40:11

အဝဲကဟုကယာ်အသိတဖုဒ်ပှၤကွၢ်သိတဂၤ အသိးလီၤ. ကပာ်ဖှိၣ်သိဖိတဖၣ်တပူၤဃီ ဒီးစိာ်ထီၣ်အီၤလၢအစုဒုၣ်စုတီၤအလိၤ ဒီးကဆှၢအသိအမိၢ်တဖၣ်ကယီကယီလီၤ.

လံာ်ယၡါယၤ 41:14

ယွၤစံးဝဲဒၣ်, “အံၣ်စရ့လးဧၢ, နဆံးဒီးနဂံၢ်နဘါစၢ်နာ်က့, ပျံၤတၢ်တဂ့ၤ. ယကမၤစၢၤနၤလီၤ. ယၤ, အံၣ်စရ့လးအကစၢ်ယွၤစီဆှံအံၤ, ယမ့ၢ်ပှၤတဂၤလၢအအုၣ်က့ၤ ခီၣ်က့ၤနၤလီၤ.

လံာ်ယၡါယၤ 53:6

ပဝဲခဲလၢာ်ပလီၤဂာ်ဒီးသိတဖၣ်လၢအဟးဖျိးကျဲ, တဂၤလဲၤလၢအကျဲဒၣ်ဝဲစုာ်စုာ်လီၤ. ဘၣ်ဆၣ်ဒီးယွၤဒုးလီၤဘၣ်တၢ်စံၣ်ညီၣ်လၢအလိၤ, တၢ်စံၣ်ညီၣ်လၢပဝဲခဲလၢာ်ပကြၢးဒိးဘၣ်ဝဲန့ၣ်လီၤ.

လံာ်ယံးရမံယၤ 3:19

ယွၤစံးဝဲဒၣ်, “ကီၢ်အံၣ်စရ့လးဧၢ, ယသးအိၣ်တူၢ်လိာ်နၤဒ် ယဖိခွါဒၣ်ယဲအသိး ဒီးဟ့ၣ်လီၤနၤလၢထံကီၢ်အမုာ်တဘ့ၣ်, ထံကီၢ်လၢအဃံလၤကတၢၢ်လၢ ဟီၣ်ခိၣ်ချၢဒီဘ့ၣ်ညါန့ၣ်လီၤ. ယသးအိၣ်လၢနကကိးယၤလၢပၢ် ဒီးနသုတဃၣ်ယံၤကွံာ်ကဒီးနသးလၢယၤ နီတစုတဂ့ၤန့ၣ်လီၤ.

လံာ်မးသဲ 14:27

ဘၣ်ဆၣ်တဘျီဃီယ့ၣ်ၡူးကတိၤတၢ်ဒီးအဝဲသ့ၣ်ဒီးစံး, “ပာ်သုသးဒူဒူတက့ၢ်. မ့ၢ်ဒၣ်ယၤလီၤ. တဘၣ်ပျံၤတၢ်တဂ့ၤ.”

လံာ်မးသဲ 20:16

ဒ်န့ၣ်အသိး, ပှၤအါဂၤလၢအအိၣ်လၢခံကတၢၢ်ကအိၣ်က့ၤလၢညါ ကတၢၢ်, ဒီးပှၤအိၣ်လၢညါကတၢၢ်ကအိၣ်က့ၤလၢခံကတၢၢ်လီၤ.”

လံာ်မးသဲ 25:34

တုၤနုၤတစု, စီၤပၤကစံးဘၣ်ပှၤအိၣ်လၢအစုထွဲတဖၣ်ဒ်အံၤ, ‘ဟဲ, သုလၢအဘၣ်ဆိၣ်ဂ့ၤလၢယပၢ်သ့ၣ်ဧၢ, ဟဲဒီးန့ၢ်သါဘၣ်ဘီမုၢ်လၢအဘၣ်တၢ်ကတဲာ်ကတီၤပာ်န့ၢ်လၢသု ဂီၢ်, စးထီၣ်လၢဟီၣ်ခိၣ်ဘၣ်တၢ်တ့လီၤအီၤလံၤလံၤန့ၣ်တက့ၢ်.

လံာ်မးသဲ 7:15

ပလီၢ်သုသးလၢဝံအဘျၣ်တဖၣ်တက့ၢ်. အဝဲသ့ၣ်ဟဲဆူသုအိၣ်ဖျါမၤအသးဒ်သိတဖၣ်အသိး, ဘၣ်ဆၣ်နီၢ်နီၢ်တခီလၢအကံၢ်အလဲန့ၣ်အဝဲသ့ၣ်လီၤဂာ် ဒီးထွံၣ်မံၤအအၢအသီတဖၣ်လီၤ.

လံာ်လူၤကၣ် 10:21

ဖဲအဆၢကတီၢ်ဝဲန့ၣ်, ယ့ၣ်ၡူးလၢပှဲၤဒီးတၢ်သးခုခီဖျိသးစီဆှံဒီးစံးဝဲ, “မူခိၣ်ဒီးဟီၣ်ခိၣ်အကစၢ်, ပၢ်ယွၤဧၢ, ယစံးဘျုးနၤမ့ၢ်လၢနပာ်ဖျါထီၣ်တၢ်သ့ၣ်တဖၣ်အံၤလၢ နပာ်တဒၢအီၤလၢပှၤကူၣ်ဘၣ်ကူၣ်သ့ဒီးပှၤမၤလိမၤဒိးဘၣ်တၢ်တဖၣ်, ဆူပှၤလၢအတမၤလိမၤဒိးဘၣ်တၢ်တဖၣ်အဃိန့ၣ်လီၤ. မ့ၢ်လီၤ, ပၢ်ဧၢ, တၢ်အဝဲအံၤဘၣ်တၢ်မၤအီၤလၢနတၢ်ဘၣ်နသးဒၣ်ဝဲအဃိလီၤ.

လံာ်ယိၤဟၣ် 18:36

ယ့ၣ်ၡူးစံးဆၢတၢ်ဒီးစံးဝဲ, “ယဘီယမုၢ်တဘၣ်ဃးဒီးဟီၣ်ခိၣ် အံၤဘၣ်. ယဘီယမုၢ်မ့ၢ်ဘၣ်ဃးဒီးဟီၣ်ခိၣ်အံၤဒီး, ပှၤလၢအပိာ်ယခံတဖၣ်ကဒုးတၢ်ဒ်သိးတၢ်သုတဟ့ၣ်လီၤ ကွံာ်ယၤဆူပှၤယူဒၤဖိအခိၣ်အနၢ်တဖၣ်အစုပူၤတဂ့ၤအဂီၢ် န့ၣ်လီၤ. ယဘီယမုၢ်တမ့ၢ်တၢ်ဒ်သိးဒီးဟီၣ်ခိၣ်အဘီအမုၢ် န့ၣ်ဘၣ်.”

မၤတၢ် 20:28

အံးထွဲကွၢ်ထွဲလီၤသုသးဒၣ်ဝဲ, ဒီးအံးထွဲကွၢ်ထွဲသိခဲလၢာ်လၢသးစီဆှံပာ်လီၤတ့ၢ်ဝဲလၢသု တၢ်အံးတၢ်ကွၢ်အပူၤန့ၣ်တက့ၢ်. ကဲထီၣ်ပှၤကွၢ်သိတဖၣ် လၢကစၢ်ယွၤအတၢ်အိၣ်ဖှိၣ်အဂီၢ်, တၢ်အိၣ်ဖှိၣ်လၢအဝဲဒုးကဲထီၣ်အီၤဆူ အတၢ်ဒၣ်ဝဲခီဖျိအဖိခွါအတၢ်သံန့ၣ်တက့ၢ်.

မၤတၢ် 20:29

ယသ့ၣ်ညါယဲဒၣ်လၢယဟးထီၣ်ဝံၤအလီၢ်ခံန့ၣ်, ထွံၣ်မံၤအဒူတဖၣ်ကဟဲနုာ်လီၤဆူသုကျါ, ဒီးတပျဲပူၤသိတဖၣ် န့ၣ်ဘၣ်.

ရိမ့ၤ 6:23

အဂ့ၢ်ဒ်လဲၣ်န့ၣ်, တၢ်ဒဲးဘးအဘူးအလဲမ့ၢ်တၢ်သံလီၤ. မ့မ့ၢ်ကစၢ်ယွၤအတၢ်ဟ့ၣ်ကလီမ့ၢ်တၢ်မူအထူအယိာ် လၢပကစၢ်ယ့ၣ်ၡူးခရံာ်အပူၤန့ၣ်လီၤ.

1 ကရံၣ်သူး 1:21

အဂ့ၢ်ဒ်အံၤ, လၢအဝဲဒၣ်အတၢ်ကူၣ်ဘၣ်ကူၣ်သ့အပူၤန့ၣ်, ကစၢ်ယွၤမၤဝဲဒ်သိးပှၤဟီၣ်ခိၣ်ဖိအသုတသ့ၣ်ညါအီၤခီဖျိ အဝဲသ့ၣ်အတၢ်ကူၣ်ဘၣ်ကူၣ်သ့ဒၣ်ဝဲတဂ့ၤ. မ့မ့ၢ်ခီဖျိ, တၢ်ကစီၣ်လၢပစံၣ်တဲၤတဲလီၤ, လၢပှၤစံးလၢအလၢအပှဲၤဒီးတၢ်သူၣ်တဆးသးတဆးန့ၣ်, ကစၢ်ယွၤပာ်လီၤအသးလၢအကအုၣ်က့ၤခီၣ်က့ၤပှၤစူၢ်က့ၤနာ်က့ၤ တၢ်တဖၣ်လီၤ.

ဖံလံးပံၤ 2:13

အဂ့ၢ်ဒ်အံၤ, ကစၢ်ယွၤမၤတၢ်လၢသုပူၤထီဘိဒ်သိးသုကသးအိၣ် ဒီးဒိကနၣ်မၤထွဲအတၢ်တိာ်ပာ်ကသ့အဂီၢ်န့ၣ်လီၤ.

၂ သ့းစၤလနံ 1:11

လၢတၢ်န့ၣ်အဃိ, ထီဘိန့ၣ်ပဃ့ဘါထုကဖၣ်တၢ်လၢသုဂီၢ်ဒ်သိးပကစၢ် ယွၤကဒုးကြၢးဒုးဘၣ်သုဒီးတၢ်အိၣ်မူလၢအဝဲဒၣ်ကိးဃီၤ သုလၢသုကအိၣ်မူအီၤန့ၣ်လီၤ. ဒီးခီဖျိအစိအကမီၤန့ၣ်, မ်ကစၢ်ယွၤမၤစၢၤသုလၢသုကမၤတၢ်အဂ့ၤတမံၤလၢ်လၢ်လၢ သုသးအိၣ်မၤအီၤ, ဒီးမၤလၢမၤပှဲၤတၢ်ဖံးတၢ်မၤလၢ သုမၤတ့ၢ်လံအီၤခီဖျိတၢ်စူၢ်တၢ်နာ်န့ၣ်တက့ၢ်.

၂ သ့းစၤလနံ 1:5

တၢ်သ့ၣ်တဖၣ်အံၤခဲလၢာ်အုၣ်အသးလၢကစၢ်ယွၤ အတၢ်စံၣ်ညီၣ်တီဝဲလိၤဝဲ, ဒီးလၢတၢ်န့ၣ်အဃိသုကကြၢးကဘၣ်ဒီးကစၢ်ယွၤအဘီ အမုၢ်လၢသုတူၢ်ဘၣ်တၢ်လၢအဃိန့ၣ်လီၤ.

ဧ့ၤဘြံၤ 12:28

လၢတၢ်န့ၣ်အဃိ, ဂ့ၤလၢပသးအံၤပှဲၤဒီးတၢ်စံးဘျုးစံးဖှိၣ်, အဂ့ၢ်မ့ၢ်လၢပဒိးန့ၢ်ဘၣ်ဘီမုၢ်လၢတၢ်မၤဟူးမၤဝးအီၤ တန့ၢ်ဘၣ်အဃိန့ၣ်လီၤ. မ်ပသ့ၣ်ညါဆၢတၢ်ဘျုးတၢ်ဖှိၣ်ဒီးဘူၣ်ထီၣ်ဘါထီၣ် ကစၢ်ယွၤဖဲဒၣ်တၢ်ဘၣ်ကစၢ်ယွၤအသးလၢတၢ်ယူးယီၣ်ပာ်ကဲဒီး တၢ်ပျံၤကစၢ်ယွၤအပူၤန့ၣ်တက့ၢ်.

ယၤကိာ် 2:5

ယဒီပုၢ်ဝဲၢ်သးဘိသ့ၣ်ဧၢ, ဒိကနၣ်တက့ၢ်. ကစၢ်ယွၤဃုထၢပှၤအဖှီၣ်လၢဟီၣ်ခိၣ်အံၤဒ်သိး ကထူးဝဲတီၤဝဲလၢတၢ်စူၢ်တၢ်နာ်ဒီးမၤန့ၢ်ဘီမုၢ်လၢ အအၢၣ်လီၤတ့ၢ်ဝဲလၢပှၤလၢအအဲၣ်အီၤတဖၣ်အဂီၢ်န့ၣ်လီၤ.

၂ ပ့းတရူး 1:11

လၢကျဲဒ်အံၤန့ၣ်, တၢ်ကဟ့ၣ်သုတၢ်အခွဲးအယာ်အလၢ အပှဲၤလၢသုကလဲၤနုာ်ဘၣ်ဆူပကစၢ်ဒီးပှၤအုၣ်က့ၤခီၣ်က့ၤ ပှၤယ့ၣ်ၡူးခရံာ်အဘီအမုၢ်အထူအယိာ်အပူၤန့ၣ်လီၤ.

လံာ်လီၣ်ဖျါ 1:6

ဒီးဒုးကဲပှၤလၢပှၤလုၢ်တၢ်အခိၣ်တဖၣ်အဘီအမုၢ်တဘ့ၣ်ဒ်သိး ပကမၤအဝဲအကစၢ်ယွၤ, ဒီးအပၢ်အတၢ်ဖံးတၢ်မၤအဂီၢ်န့ၣ်လီၤ. မ်တၢ်လၤကပီၤဒီးတၢ်စိတၢ်ကမီၤအိၣ်ဒီးအီၤအစိၤစိၤအဃၣ်ဃၣ်တက့ၢ်. အၤမ့ၣ်.

လံာ်လီၣ်ဖျါ 22:5

မုၢ်နၤတအိၣ်လၢၤဘၣ်. ဒီးအဝဲသ့ၣ်တလိၣ်ဘၣ်မ့ၣ်အူဒၢမ့ၢ်ဂ့ၤ, မုၢ်အတၢ်ကပီၤမ့ၢ်ဂ့ၤန့ၣ်ဘၣ်. အဂ့ၢ်မ့ၢ်လၢကစၢ်ယွၤကမ့ၢ်အဝဲသ့ၣ် အတၢ်ကပီၤ, ဒီးအဝဲသ့ၣ်ကပၢတၢ်ဒ်စီၤပၤတဖၣ်အသိးလီၤ စိၤလီၤထီလီၤ.