လံာ်လူၤကၣ် 12:30 - Sgaw Karen Common Bible

³⁰ (အဂ့ၢ်ဒ်အံၤ, ပှၤတစူၢ်တနာ်ယွၤလၢဟီၣ်ခိၣ်အံၤတဖၣ်ကိၢ်တၢ်ဂီၤ တၢ်ဘၣ်ဃးဒီးတၢ်သ့ၣ်တဖၣ်အံၤထီဘိတဘိယူၢ်ဃီလီၤ.) သုပၢ်သ့ၣ်ညါလၢသုလိၣ်ဘၣ်တၢ်သ့ၣ်တဖၣ်အံၤလီၤ.

လံာ်လူၤကၣ် 12:30 Iomraidhean Croise

လံာ်မးသဲ 10:20

အဂ့ၢ်ဒ်အံၤ, တၢ်ကတိၤလၢသုကကတိၤန့ၣ်တမ့ၢ်သုတၢ်ကတိၤဒၣ်သုဝဲ ဘၣ်. မ့မ့ၢ်တၢ်ကတိၤတဖၣ်အံၤကမ့ၢ်သုပၢ်အသးစီဆှံကတိၤတၢ်ခီဖျိ သုလီၤ.

လံာ်မးသဲ 18:14

ဒ်န့ၣ်အသိး, သုပၢ်အိၣ်လၢမူခိၣ်တဘၣ်အသးလၢပှၤအဆံးလၢအနာ်ယၤတဖၣ် အကျါတဂၤ, ကလီၤမၢ်ဝဲန့ၣ်ဘၣ်.

လံာ်မးသဲ 5:47

သုမ့ၢ်ကတိၤတၢ်ဒီးဆၢဂ့ၤဆၢဝါထဲသုဒီပုၢ်ဝဲၢ်ဒီးသုတၢ်မၤ တဖၣ်န့ၣ်တလီၤဆီဒီးပှၤဂၤဘၣ်. ပှၤတသ့ၣ်ညါယွၤတဖၣ်ဒၣ်လဲာ်မၤဝဲဒ်န့ၣ်လီၤ.

လံာ်မးသဲ 6:1

လၢတၢ်မၤတၢ်ဘူၣ်တၢ်ဘါအမူအဒါလၢအလီၤဘၣ်သုအပူၤန့ၣ်, ပလီၢ်သုသးဒ်သိးသုသုတမၤအီၤလၢပှၤကညီကထံၣ်အီၤအဂီၢ် တဂ့ၤ. သုမ့ၢ်မၤအီၤလၢပှၤကညီကထံၣ်အီၤအဂီၢ်ဒီး, သုတဒိးန့ၢ်ဘၣ်တၢ်အဘူးအလဲလၢသုပၢ်အိၣ်လၢမူခိၣ်အအိၣ်နီ တမံၤဘၣ်.

လံာ်မးသဲ 6:32

(ပှၤလၢအတသ့ၣ်ညါယွၤတဖၣ်ဘၣ်ယိၣ်ဝဲလၢတၢ်တဖၣ်အံၤအဂ့ၢ်ထီဘိ လီၤ.) ဒီးလၢသုန့ၢ်ဘၣ်တၢ်တဖၣ်အံၤခဲလၢာ်အလီၢ်အိၣ်ဝဲန့ၣ်, သုပၢ်လၢမူခိၣ်သ့ၣ်ညါဝဲလီၤ.

လံာ်မးသဲ 6:8

တဘၣ်ဘါထုကဖၣ်ယွၤဒ်အဝဲသ့ၣ်အသိးတဂ့ၤ. အဂ့ၢ်ဒ်အံၤ တချုးလၢသုဃ့ဒံးတၢ်ဘၣ်န့ၣ်, သုပၢ်သ့ၣ်ညါတၢ်လၢသုန့ၢ်ဘၣ်အလီၢ်အိၣ်တဖၣ်လီၤ.

လံာ်လူၤကၣ် 12:29

လၢတၢ်န့ၣ်အဃိ, တဘၣ်ဘၣ်ယိၣ်ဘၣ်ဘီဒီးသူၣ်ကိၢ်သးဂီၤထီဘိ ဘၣ်ဃးဒီးတၢ်လၢသုကအီၣ်ဘၣ်တၢ်လၢသုကအီဘၣ်အဂ့ၢ်န့ၣ်တဂ့ၤ.

လံာ်လူၤကၣ် 12:31

မ့မ့ၢ်ဃုထံၣ်န့ၢ်ယွၤအဘီအမုၢ်တက့ၢ်. ဒီးယွၤကဟ့ၣ်သုတၢ်သ့ၣ်တဖၣ်အံၤလီၤ.

လံာ်လူၤကၣ် 12:32

သိလၢအစှၤတဖုဧၢ, ပျံၤတၢ်တဂ့ၤ. အဂ့ၢ်ဒ်အံၤ, သုပၢ်ဘၣ်အသးလၢအကဟ့ၣ်သုဘီမုၢ်န့ၣ်လီၤ.

လံာ်ယိၤဟၣ် 20:17

ယ့ၣ်ၡူးစံးဘၣ်အီၤ, “တဘၣ်ဖိးဃာ်ယၤတဂ့ၤ. အဂ့ၢ်ဒ်လဲၣ်န့ၣ်, ယတက့ၤထီၣ်ဘၣ်ဆူပၢ်အအိၣ်ဒံးဘၣ်. မ့မ့ၢ်လဲၤဆူယဒီပုၢ်ဝဲၢ် တဖၣ်အအိၣ်ဒီးစံးဘၣ်တဲဘၣ်အဝဲသ့ၣ်လၢယက့ၤထီၣ်ကဒါ က့ၤဆူပှၤလၢအမ့ၢ်ယပၢ်ဒီးမ့ၢ်အဝဲသ့ၣ်အပၢ်, ယကစၢ်ယွၤဒီးအဝဲသ့ၣ်အကစၢ်ယွၤအအိၣ်န့ၣ်တက့ၢ်.”

အ့းဖ့းစူး 4:17

မ့ၢ်လၢတၢ်အံၤအဃိ, လၢကစၢ်အမံၤအပူၤန့ၣ်, ယမၢန့ၢ်ဆီၣ်ခံသုလၢသုသုတအိၣ်မူလၢၤဒ်ပှၤတစူၢ်တနာ်ယွၤလၢ အတၢ်ဆိကမိၣ်ဆိကမးအဘျုးတအိၣ်ဘၣ်တဖၣ်အသိးန့ၣ်တဂ့ၤ.

၁ သ့းစၤလနံ 4:5

ဒီးတမ့ၢ်ဘၣ်လၢတၢ်မုာ်ဖံးမုာ်ညၣ်အတၢ်သးကွံအပူၤ, ဒ်ပှၤလၢအတသ့ၣ်ညါထူသ့ၣ်ညါယွၤတဖၣ်မၤဝဲအသိးန့ၣ်ဘၣ်.