လံာ်လူၤကၣ် 12:3 - Sgaw Karen Common Bible

³ လၢတၢ်န့ၣ်အဃိ, တၢ်တမံၤလၢ်လၢ်လၢသုစံးတ့ၢ်သုဝဲလၢတၢ်ခံးကျါန့ၣ်, ကဘၣ်တၢ်နၢ်ဟူအီၤလၢမုၢ်ဆါခီအတၢ်ကပီၤအဆၢကတီၢ်, ဒီးတၢ်တမံၤလၢ်လၢ်လၢသုကတိၤကသွံတ့ၢ်သုဝဲလၢပှၤအနၢ်ပူၤ လၢဒၢးအိၣ်ကးတံာ်ဃာ်အသးတဖျၢၣ်အပူၤန့ၣ်, ကဘၣ်တၢ်ကိးသတြီမၤဖျါထီၣ်အီၤလၢဟံၣ်ခိၣ်အဖီခိၣ်လီၤ.

လံာ်လူၤကၣ် 12:3 Iomraidhean Croise

လံာ်ပှၤစံၣ်တဲၤတဲလီၤတၢ် 10:20

ဒုၣ်ဒွဲၣ်စီၤပၤကသွံဒံဒၣ်လဲာ်တဂ့ၤ. ဒီးလၢနလီၢ်မံဒၢးတၢ် လီၢ်တဒၢဒၣ်လဲာ်, ကတိၤဒုၣ်ဒွဲၣ်ပှၤထူးပှၤတီၤတဂ့ၤ. ထိၣ်တဘ့ၣ်ကစိာ်ဘၣ်ဖုးတၢ်ကစီၣ်ဒီးတဲဘၣ်အဝဲသ့ၣ်တၢ်လၢနစံး ကတိၤအီၤန့ၣ်လီၤ.

လံာ်မးသဲ 10:27

တၢ်လၢယတဲဘၣ်သုလၢတၢ်ခံးကျါန့ၣ်, သုကဘၣ်ကတိၤဖျါထီၣ်အီၤ လၢတၢ်ကပီၤအကျါဒီးတၢ်လၢသုနၢ်ဟူကသွံဒံန့ၣ်, သုကဘၣ်ကိးသတြီထီၣ်အီၤလၢဟံၣ်ခိၣ်အဖီခိၣ်ဒ်သိးပှၤဂၤကနၢ်ဟူ အဂီၢ်လီၤ.

လံာ်မးသဲ 12:36

နာ်ယၤတက့ၢ်. လၢတၢ်စံၣ်ညီၣ်အမုၢ်တနံၤန့ၣ်, ပှၤကိးဂၤဒဲးကဘၣ်စံးဆၢတၢ်လၢကယဲၢ်အတၢ်ကတိၤကလီ ကလီကိးဘီဒဲးအဂီၢ်လီၤ.

လံာ်မးသဲ 24:17

ဒီးပှၤတဂၤလၢအအိၣ်လၢအဟံၣ်ခိၣ်ဒုးအဖီခိၣ်န့ၣ်, မ်အသုတဟံးန့ၢ်တၢ်ဆၢကတီၢ်လၢကက့ၤနုာ်ဆူဟံၣ်အပူၤ, ဒ်သိးအကဟံးန့ၢ်အတၢ်ဖိတၢ်လံၤတဖၣ်လၢအအိၣ်လၢ အဟံၣ်ပူၤန့ၣ်တဂ့ၤ.