လံာ်လူၤကၣ် 12:21 - Sgaw Karen Common Bible

²¹ ဒီးယ့ၣ်ၡူးမၤကတၢၢ်အတၢ်ကတိၤဒီးစံးဝဲ, “ပှၤလၢအဂၢ်ဖှိၣ်တၢ်ထူးတၢ်တီၤအါအါဂီၢ်ဂီၢ်လၢ အနီၢ်ကစၢ်ဒၣ်ဝဲအဂီၢ်, ဘၣ်ဆၣ်ဒီးတထူးဝဲတီၤဝဲလၢကစၢ် ယွၤအမဲာ်ညါဘၣ်န့ၣ်, တၢ်ကမၤအသးဒီးအီၤဒ်အံၤလီၤ.”

လံာ်လူၤကၣ် 12:21 Iomraidhean Croise

တၢ်ကတိၤဒိ. 13:7

ပှၤတနီၤနီၤအတၢ်တအိၣ်နီတမံၤနာ်က့, ပာ်မၤအသးဒ်အမ့ၢ်ပှၤထူး ပှၤတီၤလီၤ. မ့မ့ၢ်အဂၤတဖၣ်ပာ်မၤအသးဒ်အမ့ၢ်ပှၤအဖှီၣ်နာ်က့, အိၣ်ဒီးအတၢ်ထူးတၢ်တီၤအါမးန့ၣ်လီၤ.

လံာ်ဟိၤၡ့ 10:1

ကီၢ်အံၣ်စရ့လးအပှၤဂီၢ်မုၢ်လီၤဂာ်ဒ်စပံးမုၢ်တမုၢ်လၢသၣ်ထီၣ် ပှဲၤဒီးအသၣ်တဖၣ်အသိးန့ၣ်လီၤ. အဝဲသ့ၣ်ဘီၣ်ထီၣ်ညီထီၣ်ဒံးအါဘှီထီၣ်တၢ်လုၢ်လီၢ်တဖၣ်ဒံးအါ န့ၣ်လီၤ. အဝဲသ့ၣ်အကီၢ်ဟ့ၣ်ထီၣ်အတၤသၣ်ဒံးအါအဝဲသ့ၣ် ဘှီထီၣ်လၢၢ်ထူၣ်စီဆှံတဖၣ်လၢတၢ်ဘူၣ်ထီၣ်ဘါထီၣ်အဂီၢ်ဒံးဃံလၤ န့ၣ်လီၤ.

လံာ်ဃဘးကူာ် 2:9

ပှၤလၢအမၤထူးထီၣ်တီၤထီၣ်အဟံၣ်ဖိဃီဖိ, ဒီးကျဲးစၢးမၤပူၤ ဖျဲးအဟံၣ်ဒၣ်ဝဲလၢတၢ်မၤအၢမၤသီဒီးတၢ်လီၤပျံၤလီၤ ဖုးခီဖျိတၢ်ဂုာ်ဆူၣ်ပျီဆူၣ်န့ၣ်, ကဘၣ်တၢ်စံၣ်ညီၣ်ဃါမနၤလီၤ.

လံာ်လူၤကၣ် 12:33

ဆါကွံာ်သုတၢ်ဖိတၢ်လံၤတဖၣ်ဒီးဟ့ၣ်မၤဘူၣ်ပှၤဖှီၣ်ဖိယာ်ဖိတက့ၢ်. မၤန့ၢ်လၢသုဂီၢ်, စ့အထၢၣ်လၢအယာ်ကွံာ်တသ့ဘၣ်တဖၣ်, ဒီးပာ်ဖှိၣ်သုတၢ်ထူးတၢ်တီၤလၢမူခိၣ်, ဖဲအဝဲသ့ၣ်တစှၤလီၤနီတဘျီဘၣ်အလီၢ်န့ၣ်တက့ၢ်. အဂ့ၢ်မ့ၢ်လၢတၢ်ဘျၣ်ဟုၣ်အီၤတန့ၢ်ဒီးတၢ်ဖိဃၢ်မၤဟးဂီၤအီၤ တသ့ဘၣ်အဃိန့ၣ်လီၤ.

လံာ်လူၤကၣ် 16:11

မ့မ့ၢ်ဒ်န့ၣ်ဒီး, လၢတၢ်ကွၢ်ထွဲပၢဆှၢဟီၣ်ခိၣ်အတၢ်ထူးတၢ်တီၤအပူၤ န့ၣ်သုမ့ၢ်တတီတ့ၢ်သုဝဲဒီး, တၢ်နာ်န့ၢ်သုလၢတၢ်ထူးတၢ်တီၤနီၢ်နီၢ် အဂီၢ်န့ၣ်, ကသ့ဝဲလၢကျဲဒ်လဲၣ်.

လံာ်လူၤကၣ် 6:24

“မ့မ့ၢ်သုဝဲလၢအထူးအတီၤခဲကနံၣ်အံၤတဖၣ် သုဘၣ်အဖှီၣ်ဆံးဒိၣ်လဲၣ်. အဂ့ၢ်ဒ်အံၤ, သုအိၣ်မူဘၣ်တ့ၢ်လံသုတၢ်အိၣ်မူ အဘီၣ်အညီလံ.

ရိမ့ၤ 2:5

ဘၣ်ဆၣ်ဒီး, နအိၣ်ဒီးသးလၢအကိၤဒီးသးလၢအတပီၢ်ယၢ်လီၤ က့ၤအသးန့ၣ်လီၤ. လၢတၢ်န့ၣ်အဃိ, နပာ်ဖှိၣ်အါထီၣ်တၢ်သးဒိၣ်လၢနဂီၢ်ဒၣ်နဲလၢ တၢ်သးဒိၣ်အမုၢ်တနံၤ, ဖဲယွၤအတၢ်စံၣ်ညီၣ်တီကဘၣ်တၢ်လီၣ်ဖျါထီၣ်အီၤ အကတီၢ်န့ၣ်လီၤ.

၂ ကရံၣ်သူး 6:10

တၢ်မၤသးအုးပှၤဘၣ်ဆၣ်ဒီး ပသးခုပဝဲထီဘိလီၤ. ပအိၣ်ဖျါဖှီၣ်ယာ်ဘၣ်ဆၣ်ဒီးပဒုးထူးဒုးတီၤထီၣ်ပှၤအါဒံ အါဂၤလီၤ. အိၣ်ဖျါလၢတၢ်တအိၣ်ဒီးပှၤနီတမံၤ, ဘၣ်ဆၣ်ဒီးအနီၢ်နီၢ်တခီပအိၣ်ဒီးတၢ်ခဲလၢာ်ခဲဆ့န့ၣ်လီၤ.

၁ တံၤမသ့း 6:9

ဘၣ်ဆၣ်ဒီး, ပှၤလၢအသးအိၣ်ထူးထီၣ်တီၤထီၣ်တဖၣ်န့ၣ်, လီၤတဲာ်နုာ်လံဆူတၢ်လ့ပစီအပူၤဒီးဘၣ်တၢ်ဖီၣ်ဃာ်အီၤလၢ ပျံၤသကွီၤလၢအမ့ၢ်တၢ်သူၣ်လီသးကွံလၢအတဂိာ်တသီၣ် ဒီးမၤဘၣ်ဒိဘၣ်ထံးတၢ်တဖၣ်, လၢအထုးလီၤကွံာ်အဝဲသ့ၣ်ဆူတၢ်ဟးဂူာ်ဟးဂီၤဒီးတၢ်လီၤပှီၢ် န့ၣ်လီၤ.

ယၤကိာ် 2:5

ယဒီပုၢ်ဝဲၢ်သးဘိသ့ၣ်ဧၢ, ဒိကနၣ်တက့ၢ်. ကစၢ်ယွၤဃုထၢပှၤအဖှီၣ်လၢဟီၣ်ခိၣ်အံၤဒ်သိး ကထူးဝဲတီၤဝဲလၢတၢ်စူၢ်တၢ်နာ်ဒီးမၤန့ၢ်ဘီမုၢ်လၢ အအၢၣ်လီၤတ့ၢ်ဝဲလၢပှၤလၢအအဲၣ်အီၤတဖၣ်အဂီၢ်န့ၣ်လီၤ.

လံာ်လီၣ်ဖျါ 2:9

ယသ့ၣ်ညါနတၢ်ကီတၢ်ခဲတဖၣ်လီၤ, ယသ့ၣ်ညါလၢနဖှီၣ် နယာ်, ဘၣ်ဆၣ်ဒီးနီၢ်နီၢ်တခီနထူးနတီၤလီၤ. ယသ့ၣ်ညါပှၤသ့ၣ်တဖၣ်လၢအစံးလီၤအသးလၢအမ့ၢ်ပှၤ ယူဒၤဖိဘၣ်ဆၣ်တမ့ၢ်ဘၣ်တဖၣ်, အတၢ်စံးအၢစံးသီနၤ တဖၣ်လီၤ. အဝဲသ့ၣ်မ့ၢ်ပှၤတဖုတကရၢလၢအဘၣ်ဃးဒီး မုၣ်ကီၤလံၢ်န့ၣ်လီၤ.