လံာ်လူၤကၣ် 12:20 - Sgaw Karen Common Bible

²⁰ ဘၣ်ဆၣ်ဒီး, ကစၢ်ယွၤစံးဘၣ်အီၤ, ‘ပှၤအသးတဆးနၤဧၢ, မုၢ်တနၤဃီအံၤန့ၣ်, နကဘၣ်ဟ့ၣ်လီၤကွံာ်နသးသမူလီၤ. တုၤနုၤတစု, တၢ်လၢနပာ်ဃာ်အီၤလၢနနီၢ်ကစၢ်ဒၣ်နဲအဂီၢ်ခဲလၢာ်န့ၣ်, မတၤကဒိးန့ၢ်ဘၣ်လဲၣ်.’ ”

လံာ်လူၤကၣ် 12:20 Iomraidhean Croise

လံာ်နီၢ်အ့ၤစတၢ် 5:11

အဝဲကတိၤဒိၣ်လီၤအသးလၢအဝဲသ့ၣ်အမဲာ်ညါဘၣ်ထွဲဒီးအဝဲ ထူးဝဲတီၤဝဲထဲလဲၣ်အဂ့ၢ်, အဖိခွါအိၣ်ပှံၤဂၤအဂ့ၢ်, စီၤပၤသုးထီထီၣ်အလီၢ်ဒ်လဲၣ်အဂ့ၢ် ဒီးအဝဲအကါဒိၣ်န့ၢ်ဒံးစီၤပၤအပဒိၣ်ပပှၢ်အဂၤထဲလဲၣ်အဂ့ၢ်န့ၣ်လီၤ.

လံာ်စီၤယိၤဘး 27:8

ပှၤလၢအတယူးတယီၣ်ဘၣ်ယွၤတဖၣ်န့ၣ်တုၤအဆၢကတီၢ်ဘၣ် ဝဲလၢကစၢ်ယွၤကဟံးထီၣ်ကွံာ်အသးသမူဒီးအတၢ်မုၢ်လၢ်မ့ၢ်မနုၤ တမံၤလဲၣ်.

စံးထီၣ်ပတြၢၤ 39:6

ပှၤကညီလဲၤဝ့ၤဝီၤတၢ်ဒ်တၢ်ကဒုအသိးလီၤ. မၤတံာ်တာ်အသးလၢတၢ်ကလီကလီအဃိလီၤ. ပှၤကညီပာ်ဖှိၣ်တၢ်ထူးတၢ်တီၤဒီးမတၤ ကမၤန့ၢ်အီၤလဲၣ်န့ၣ်တသ့ၣ်ညါဝဲဘၣ်. စ့လၤ

စံးထီၣ်ပတြၢၤ 49:10

ပှၤတဂၤလၢ်လၢ်ထံၣ်သ့လၢ ပှၤကူၣ်ဘၣ်ကူၣ်သ့တဖၣ်ဒၣ်လဲာ်သံဝဲ, ဒ်သိးသိးပှၤသးတဆးဒီးပှၤသးတထံတဖၣ်စ့ၢ်ကီးန့ၣ်လီၤ. အဝဲသ့ၣ်ခဲလၢာ်ပာ်တီၢ်တ့ၢ် အတၢ်ထူးတၢ်တီၤတဖၣ်ဆူ ပှၤလီၤစၢၤလၢအဝဲသ့ၣ်တဖၣ်န့ၣ်လီၤ.

စံးထီၣ်ပတြၢၤ 73:19

အဝဲသ့ၣ်ဘၣ်တၢ်မၤဟးဂီၤကွံာ်အီၤလၢ တစိၢ်ဖိအတီၢ်ပူၤ, ဘၣ်တၢ်စိာ်ကွံာ်အီၤလၢာ်လၢာ်ဆ့ဆ့လၢ တၢ်လီၤပျံၤလီၤဖုးတဖၣ်န့ၣ်လီၤ.

စံးထီၣ်ပတြၢၤ 78:30

ဘၣ်ဆၣ်အဝဲသ့ၣ်အသးတမံဒံးဘၣ် လၢအတၢ်သးကွံအဃိအီၣ်ဒံးဝဲ,

တၢ်ကတိၤဒိ. 10:2

တၢ်ထူးတၢ်တီၤလၢနမၤန့ၢ်လၢတၢ်တတီတလိၤအပူၤတမၤဂ့ၤနၤဘၣ်. မ့မ့ၢ်တၢ်တီတၢ်လိၤန့ၣ်, ကမၤပူၤဖျဲးနသးသမူလီၤ.

တၢ်ကတိၤဒိ. 11:4

မုၢ်တနံၤဖဲနကွၢ်ဆၢၣ်မဲာ်တၢ်သံန့ၣ်, တၢ်ထူးတၢ်တီၤတဖၣ်တမၤ ဂ့ၤနၤဘၣ်. မ့မ့ၢ်, တၢ်တီတၢ်လိၤမၤပူၤဖျဲးနသးသမူသ့ဝဲလီၤ.

တၢ်ကတိၤဒိ. 13:7

ပှၤတနီၤနီၤအတၢ်တအိၣ်နီတမံၤနာ်က့, ပာ်မၤအသးဒ်အမ့ၢ်ပှၤထူး ပှၤတီၤလီၤ. မ့မ့ၢ်အဂၤတဖၣ်ပာ်မၤအသးဒ်အမ့ၢ်ပှၤအဖှီၣ်နာ်က့, အိၣ်ဒီးအတၢ်ထူးတၢ်တီၤအါမးန့ၣ်လီၤ.

တၢ်ကတိၤဒိ. 27:1

ပာ်ကဖိနသးလၢခဲဂီၤကိာ်အဂ့ၢ်နီတစုတဂ့ၤ. အဂ့ၢ်ဒ်အံၤ, တၢ်ကမၤအသးလၢခဲအံၤဒီးဆူညါအဘၢၣ်စၢၤန့ၣ်, နတသ့ၣ်ညါဘၣ်.

တၢ်ကတိၤဒိ. 28:8

နမ့ၢ်ထူးထီၣ်တီၤထီၣ်ခီဖျိတၢ်ဃ့အါထီၣ်စ့အအ့ၣ်ဒီးဟံးန့ၢ် တၢ်အခွဲးအယာ်လၢပှၤဂၤအဖီခိၣ်န့ၣ်, နတၢ်ထူးတၢ်တီၤကတုၤဆူ ပှၤအဂၤတဂၤအအိၣ်လၢအသးကညီၤပှၤဖှီၣ်ဖိယာ်ဖိန့ၣ်လီၤ.

လံာ်ယၡါယၤ 56:12

ပှၤလၢအမူၤလၢသံးတဖၣ်စံးဝဲ, မ်ပကမၤန့ၢ်စပံးထံတနီၤဒီး အီခဲလၢာ်ဖဲပအီကဲန့ၣ်တက့ၢ်. ခဲမုၢ်ဆ့ၣ်တနံၤန့ၣ်, ကဂ့ၤဒိၣ်န့ၢ်ဒံးတနံၤညါအံၤတက့ၢ်လီၤ.”

လံာ်ယံးရမံယၤ 17:11

ပှၤတဂၤလၢအမၤန့ၢ်စ့လၢတၢ်တတီတလိၤအပူၤန့ၣ်, လီၤဂာ်ဒ်ထိၣ်တဘ့ၣ်လၢအဟုဒံၣ်တဖၣ်လၢ အဝဲတဒံၣ်လီၤဝဲဘၣ်အသိးန့ၣ်လီၤ. လၢတၢ်အိၣ်မူအသးအနံၣ်အလါအဂ့ၤကတၢၢ်အကတီၢ်န့ၣ်, အတၢ်ထူးတၢ်တီၤတဖၣ်ကလီၤမၢ်န့ၢ်အီၤဒီးလၢအကတၢၢ်န့ၣ် အဝဲတမ့ၢ်တၢ်နီတမံၤလၢၤဘၣ်, ဒီးမ့ၢ်ဒၣ်ပှၤဟးဂီၤဖိတဂၤန့ၣ်လီၤ.

လံာ်ဧၤမိၣ် 6:13

သုပတြၢၤလီၤသုသးလၢသုမၤနၢၤဝ့ၢ်လိဒတၢ်အခီပညီ “တၢ်ကလီကလီ,” ဒီးသုတၢ်ကတိၤဒိၣ်လီၤသုကိာ်ဒီးစံး, “ပဟံးန့ၢ်နၢၤတဖၣ်လၢပဂီၢ်လၢပဂံၢ်ပဘါဒၣ်ပဝဲလီၤ.”

လံာ်နၤဃူၣ် 1:10

ဒ်မ့ၣ်အူအီၣ်ကွံာ်တၤဆှုၣ်တၤမဲဘံဘူအသးတဖၣ် ဒီးဘုလီၢ်ခိၣ်ဆၢၣ်အဃ့အသိးန့ၣ်, သုဝဲပှၤအီမူၤအသးသ့ၣ်တဖၣ်ဒီးသုတၢ်အိတၢ်အီၣ်တဖၣ် မ့ၣ်အူကအီၣ်ကွံာ်န့ၣ်လီၤ.

လံာ်လူၤကၣ် 11:40

ပှၤဟးဂီၤဖိသ့ၣ်ဧၢ, မ့ၢ်ကစၢ်ယွၤလၢအတ့လီၤပာ်လီၤတၢ်အိၣ် လၢတၢ်ချၢန့ၣ်, တတ့လီၤပာ်လီၤစ့ၢ်ကီးတၢ်အိၣ်လၢတၢ်အိပူၤဘၣ်ဧါ.

၁ သ့းစၤလနံ 5:3

ဖဲပှၤစံးဝဲ, “တၢ်ခဲလၢာ်မုာ်ဝဲခုၣ်ဝဲဒီးတၢ်ဘၣ်ယိၣ်အလီၢ် တအိၣ်ဘၣ်” အဆၢကတီၢ်န့ၣ်, သတူၢ်ကလာ်တၢ်ဟးဂူာ်ဟးဂီၤကတုၤအိၣ်အဝဲသ့ၣ် န့ၣ်လီၤ. တၢ်တမံၤအံၤကမၤအသးသတူၢ်ကလာ်ဒ်ပိာ်မုၣ် တဂၤအဟုးဆါထီၣ်အသိး, ဒီးပှၤတပူၤဖျဲးနီတဂၤဘၣ်.

၁ တံၤမသ့း 6:17

မၤလိာ်ပှၤအထူးအတီၤတဖၣ်လၢဟီၣ်ခိၣ်ချၢအံၤလၢအသုတပာ် ကဖၢလၢအသးတဂ့ၤ. မ့မ့ၢ်ကပာ်အတၢ်မုၢ်လၢ်, တမ့ၢ်လၢတၢ်ထူးတၢ်တီၤလၢအတဂၢၢ်တကျၢၤတဖၣ်အပူၤ ဘၣ်. မ့မ့ၢ်, ကမ့ၢ်ဒၣ်ဝဲလၢကစၢ်ယွၤလၢအဟ့ၣ်ပှၤတၢ်ခဲလၢာ် ထူးထူးတီၤတီၤလၢပတၢ်မုာ်လၤသးခုအဂီၢ်, တဂၤအပူၤန့ၣ် တက့ၢ်.

၁ တံၤမသ့း 6:7

ပဟဲစိာ်နုာ်တၢ်မနုၤတဖၣ်ဆူဟီၣ်ခိၣ်ချၢလဲၣ်. ပတဟဲစိာ်နုာ် တၢ်နီတမံၤဘၣ်. ပက့ၤစိာ်ထီၣ်တၢ်မနုၤလၢဟီၣ်ခိၣ်ချၢအံၤ ကသ့လဲၣ်. ပက့ၤစိာ်ထီၣ်တၢ်တသ့နီတမံၤဘၣ်.

ယၤကိာ် 4:14

သုတၢ်အိၣ်မူခဲမုၢ်ဆ့ၣ်ကမ့ၢ်တၢ်ဒ်လဲၣ်န့ၣ်, သုတသ့ၣ်ညါ ဒၣ်လဲာ်ဘၣ်. သုလီၤဂာ်ဒီးဘှ့ၣ်လၢအအိၣ်ဖျါတစိၢ်ဖိဝံၤ, လၢခံက့ၤလီၤမၢ်ကွံာ်ဝဲဒၣ်န့ၣ်လီၤ.