လံာ်လူၤကၣ် 12:19 - Sgaw Karen Common Bible

¹⁹ တုၤနုၤတစု, ယကစံးဘၣ်လီၤက့ၤယသး, ယသးဧၢ, နအိၣ်ဒီးတၢ်အဂ့ၤအဘၣ်လၢနလိၣ်ဘၣ်အီၤခဲလၢာ်, လၢအါနံၣ်အါလါအဂီၢ်လီၤ. အိၣ်မူမုာ်မုာ်ခုၣ်ခုၣ်, အီၣ်တၢ်, အီတၢ်, ဒီးမၤမုာ်မၤခုၣ်နသးတက့ၢ်.’

လံာ်လူၤကၣ် 12:19 Iomraidhean Croise

လံာ်စီၤယိၤဘး 14:1

ပဝဲခဲလၢာ်ပအိၣ်ဖျဲၣ်ထီၣ်ဒ်တၢ်ဂံၢ်စၢ်ဘါစၢ်ဒီးပမၤစၢၤလီၤ ပသးတသ့ဘၣ်. ပတၢ်အိၣ်မူမ့ၢ်ဒၣ်စှၤသီဒီးပှဲၤဝဲဒီးတၢ်ကိၢ် တၢ်ဂီၤန့ၣ်လီၤ.

စံးထီၣ်ပတြၢၤ 49:18

ပှၤတဂၤမ့ၢ်သးမံလီၤက့ၤအသး ဒီးဘၣ်တၢ်စံးထီၣ်ပတြၢၤအီၤလၢ အဝဲမၤတၢ်ကဲထီၣ်လိၣ်ထီၣ်ဒၣ်လဲာ်,

စံးထီၣ်ပတြၢၤ 62:10

သန့ၤသုသးလၢတၢ်မၤအၢတၢ်တဂ့ၤ. မုၢ်လၢ်ဒိးန့ၢ်တၢ်တမံၤမံၤလၢတၢ်မၤန့ၢ်ဆူၣ်ပှၤဂၤ အတၢ်န့ၣ်တဂ့ၤ. သုတၢ်စုလီၢ်ခီၣ်ခိၣ်န့ၣ်မ့ၢ်အါထီၣ်ဒၣ်လဲာ် ပာ်သုသးလၢအီၤန့ၣ်တဂ့ၤ.

တၢ်ကတိၤဒိ. 10:2

တၢ်ထူးတၢ်တီၤလၢနမၤန့ၢ်လၢတၢ်တတီတလိၤအပူၤတမၤဂ့ၤနၤဘၣ်. မ့မ့ၢ်တၢ်တီတၢ်လိၤန့ၣ်, ကမၤပူၤဖျဲးနသးသမူလီၤ.

တၢ်ကတိၤဒိ. 14:24

ပှၤကူၣ်သ့တဖၣ်ဘၣ်တၢ်ဟ့ၣ်ဘျုးအီၤလၢတၢ်ထူးတၢ်တီၤလီၤ. မ့မ့ၢ်ပှၤဟးဂီၤဖိတဖၣ်ဘၣ်တၢ်သ့ၣ်ညါအီၤလၢအတၢ်ဟးဂီၤဒၣ်ဝဲ န့ၣ်လီၤ.

တၢ်ကတိၤဒိ. 18:11

ပှၤအထူးအတီၤတဖၣ်တခီန့ၣ်ဆိကမိၣ်ဝဲလၢအတၢ်ထူးတၢ်တီၤဒီဒၣ် အဝဲသ့ၣ်ဒ်ဝ့ၢ်တဖျၢၣ်လၢအအိၣ်ဒီးအခိၣ်ဒူတဖၣ်လၢအထီဒီးအိၣ် ဝးတရံးအီၤအသိးန့ၣ်လီၤ.

တၢ်ကတိၤဒိ. 23:5

နကျိၣ်ဧိၤစ့ဧိၤကလီၤမၢ်ကွံာ်လၢတဖျးမဲာ်အတီၢ်ပူၤ, ဒီးကမၤအသးဒ်အဒံးတဖၣ်အိၣ်ထီၣ်ဝဲဒီးယူၤထီၣ်ကွံာ်ဝဲဒ်လံာ် ကြီကြာ်တဘ့ၣ်အသိးန့ၣ်လီၤ.

တၢ်ကတိၤဒိ. 27:1

ပာ်ကဖိနသးလၢခဲဂီၤကိာ်အဂ့ၢ်နီတစုတဂ့ၤ. အဂ့ၢ်ဒ်အံၤ, တၢ်ကမၤအသးလၢခဲအံၤဒီးဆူညါအဘၢၣ်စၢၤန့ၣ်, နတသ့ၣ်ညါဘၣ်.

လံာ်ပှၤစံၣ်တဲၤတဲလီၤတၢ် 11:9

ပှၤသးစၢ်သ့ၣ်ဧၢ, မုာ်လၤလၢနတၢ်မ့ၢ်ပှၤသးစၢ်အဃိတက့ၢ်. ဖဲနသးစၢ်ဒံးအခါအံၤန့ၣ်, သူၣ်ဖှံသးညီတက့ၢ်. မၤတၢ်လၢနအဲၣ်ဒိးမၤဒီးလူၤထွဲနသးအတၢ်ဆၢန့ၢ်ဘၣ်တက့ၢ်. ဘၣ်ဆၣ်သ့ၣ်နီၣ်ထီၣ်က့ၤလၢကစၢ်ယွၤကစံၣ်ညီၣ်နၤလၢတၢ်လၢနမၤ အီၤတမံၤဂ့ၤတမံၤဂ့ၤအဃိတက့ၢ်.

လံာ်ပှၤစံၣ်တဲၤတဲလီၤတၢ် 2:24

တၢ်အဂ့ၤကတၢၢ်လၢပှၤကညီတဂၤမၤဝဲသ့န့ၣ်, မ့ၢ်တၢ်အီၣ်တၢ်အီတၢ်ဒီးတၢ်မုာ်လၤသးဖှံလၢတၢ်လၢအမၤန့ၢ် တ့ၢ်ဝဲအပူၤန့ၣ်လီၤ. သနာ်က့ဒီး, ယသ့ၣ်ညါလၢအအံၤဒၣ်လဲာ်, ဟဲလၢကစၢ်ယွၤအအိၣ်န့ၣ်လီၤ.

လံာ်ယၡါယၤ 22:13

အခိၣ်တလိၣ်, သုနံၤသုအ့ဒီးမၤတ့ၢ်မူးသးခုလီၤ. သုမၤသံသိဒီးဂီၤဖံးလၢသုကအီၣ်တၢ်အဂီၢ်ဒီးသုအီစပံးထံန့ၣ်လီၤ. သုစံး, “ဂ့ၤပအီၣ်သကိးအီသကိးတခီလီၤ. ခဲဂီၤကိာ်န့ၣ်, ပကသံပဝဲလီၤ.”

လံာ်ယၡါယၤ 5:11

သုဘၣ်တၢ်စံၣ်ညီၣ်ဃါမနၤလီၤ. သုပၢၢ်ထီၣ်လၢဂီၤထၢၣ်သၢဒ်သိး သုကစးထီၣ်အီသံးအဂီၢ်ဒီးသုမၤလၢာ်ဖးထီတၢ်ဆၢက တီၢ်လၢမုၢ်ဟါလၢတၢ်မူၤတၢ်ဘှီးအပူၤလီၤ.

လံာ်ယၡါယၤ 5:8

သုဘၣ်တၢ်စံၣ်ညီၣ်ဃါမနၤလီၤ. သုပှ့ၤအါထီၣ်ဟံၣ်ဃီဒီးစံာ်လီၢ် တဖၣ်ဒီးပာ်ဖှိၣ်အါထီၣ်အီၤဒီးတၢ်လၢအအိၣ်တ့ၢ်ဒီးသုလီၤ. တယံာ်လၢၤဘၣ်ဒီး, ပှၤအဂၤကအိၣ်ဆိးတၢ်အလီၢ်တအိၣ်လၢၤ ဘၣ်ဒီးပှၤအိၣ်လၢကီၢ်အံၤအပူၤန့ၣ်ကမ့ၢ်ဒၣ်ထဲသုဝဲတဖၣ်ဧိၤလီၤ.

လံာ်ယၡါယၤ 56:12

ပှၤလၢအမူၤလၢသံးတဖၣ်စံးဝဲ, မ်ပကမၤန့ၢ်စပံးထံတနီၤဒီး အီခဲလၢာ်ဖဲပအီကဲန့ၣ်တက့ၢ်. ခဲမုၢ်ဆ့ၣ်တနံၤန့ၣ်, ကဂ့ၤဒိၣ်န့ၢ်ဒံးတနံၤညါအံၤတက့ၢ်လီၤ.”

လံာ်ဟိၤၡ့ 12:8

အဝဲသ့ၣ်စံးဝဲဒၣ်, ပထူးပတီၤ, ပမၤအါထီၣ်ပတၢ်စုလီၢ်ခီၣ်ခိၣ် လီၤ. ဒီးပှၤပာ်ဒ့ၣ်ပာ်ကမၣ်ပှၤလၢပထူးထီၣ်တီၤထီၣ်လၢတၢ် တတီတလိၤအပူၤတသ့နီတဂၤဘၣ်.

လံာ်ဧၤမိၣ် 6:13

သုပတြၢၤလီၤသုသးလၢသုမၤနၢၤဝ့ၢ်လိဒတၢ်အခီပညီ “တၢ်ကလီကလီ,” ဒီးသုတၢ်ကတိၤဒိၣ်လီၤသုကိာ်ဒီးစံး, “ပဟံးန့ၢ်နၢၤတဖၣ်လၢပဂီၢ်လၢပဂံၢ်ပဘါဒၣ်ပဝဲလီၤ.”

လံာ်ဃဘးကူာ် 1:16

အဝဲသ့ၣ်ဘူၣ်ထီၣ်ဘါထီၣ်ဒၣ်အပှာ်ဧိၤစၤဧိၤတဖၣ်, ဒီးလုၢ်ထီၣ်တၢ်လုၢ်တၢ်ပာ်တဖၣ်ဆူအအိၣ်လီၤ. အဂ့ၢ်ဒ်အံၤ, အပှာ်ဧိၤစၤဧိၤတဖၣ်လုၢ်အီၣ်အဝဲသ့ၣ်ဒီးတၢ် အဂ့ၤကတၢၢ်လၢတၢ်ကိးမံၤဒဲးအကျါန့ၣ်လီၤ.

လံာ်လူၤကၣ် 12:18

အဝဲဒၣ်စံးလီၤက့ၤအသး, ‘ယကမၤယဲဒ်အံၤလီၤ. ယကမၤလီၤပှီၢ်ကွံာ်ယဘုသိၣ်ဘုဖီတဖၣ်ဒီးဘှီထီၣ်က့ၤယဲ အဂၤလၢအဒိၣ်န့ၢ်အလီၢ်တက့ၢ်, ဖဲယကဂၢ်ဖှိၣ်ပာ်ယဘုဧိၤဟုဧိၤဒီးယတၢ်ဖိတၢ်လံၤခဲလၢာ်န့ၣ်လီၤ.

လံာ်လူၤကၣ် 16:19

“တဘျီန့ၣ်, ပှၤထူးပှၤတီၤအိၣ်ဝဲတဂၤလၢအကူအသိးတၢ်ကူတၢ်ကၤအပှ့ၤဒိၣ်ကတၢၢ် တဖၣ်ဒီးမုာ်လၤဝဲလၢတၢ်အီၣ်အမူးဖးဒိၣ်အပူၤကိးနံၤဒဲးလီၤ.

လံာ်လူၤကၣ် 21:34

အိၣ်ပလီၢ်သူၣ်ပလီၢ်သးတက့ၢ်. တဘၣ်ပျဲသုဆၢကတီၢ်လၢာ်ကွံာ်လၢ တၢ်အီၣ်လုၣ်ကိအီလုၣ်ကပာ်တၢ်ဒီးအအံၤတဃၣ်အတၢ်ကိၢ်တၢ်ဂီၤ တဖၣ်အဂီၢ်န့ၣ်တဂ့ၤ. မ့တမ့ၢ်ဘၣ်ဒီး, မုၢ်နံၤမုၢ်သီတနံၤန့ၣ်ကဟဲတုၤအိၣ်သုသတူၢ်ကလာ်လီၤ.

1 ကရံၣ်သူး 15:32

ဒ်တၢ်မၤအသးအသိး, ယမ့ၢ်ဒုးတ့ၢ်တၢ်ဒီး “ဆၣ်ဖိကီၢ်ဖိ အဒူအဃိၤ” ဖဲအံၤလၢဝ့ၢ်အ့းဖ့းစူးအိၣ်ဒၣ်ဒီးပှၤကညီ အတၢ်ပာ်သူၣ်ပာ်သးတဖၣ်န့ၣ်, မ့ၢ်ယကမၤန့ၢ်တ့ၢ်ယဲတၢ်ဘျုး တၢ်ဖှိၣ်မနုၤလဲၣ်. မ့မ့ၢ်ပှၤသံတဖၣ်မ့ၢ်တဘၣ်တၢ်ဒုးဂဲၤဆၢထၢၣ် သမူထီၣ်အီၤဘၣ်ဒီး, ဒ်တၢ်ကတိၤအိၣ်ဝဲအသိး, “မ်ပကအီၣ်သကိးအီသကိးတက့ၢ်. အဂ့ၢ်ဒ်အံၤ, ခဲမုၢ်ဆ့ၣ်န့ၣ်ပကသံလီၤ.”

ဖံလံးပံၤ 3:19

အဝဲသ့ၣ်အကျဲကကတၢၢ်လၢလရာ်အပူၤလီၤ. အဂ့ၢ်ဒ်အံၤ, အကစၢ်ယွၤမ့ၢ်အနီၢ်ခိအတၢ်သူၣ်လီသးကွံန့ၣ်လီၤ. အဝဲသ့ၣ်ပာ်ကဖၢလၢအသးလၢတၢ်လၢအကြၢးမဲာ်ဆှးဝဲ, ဒီးအဝဲသ့ၣ်ဆိကမိၣ်တၢ်ထဲလၢတၢ်လၢအဘၣ်ဃးဒီးဟီၣ်ခိၣ် အံၤန့ၣ်လီၤ.

၁ တံၤမသ့း 5:6

မ့မ့ၢ်, မုၣ်ကမဲတဂၤလၢအဃုအတၢ်မုာ်တၢ်လၤဒၣ်ဝဲန့ၣ်, မူဘၣ်ဆၣ်ဒီးသံဝဲလံန့ၣ်လီၤ.

၁ တံၤမသ့း 6:17

မၤလိာ်ပှၤအထူးအတီၤတဖၣ်လၢဟီၣ်ခိၣ်ချၢအံၤလၢအသုတပာ် ကဖၢလၢအသးတဂ့ၤ. မ့မ့ၢ်ကပာ်အတၢ်မုၢ်လၢ်, တမ့ၢ်လၢတၢ်ထူးတၢ်တီၤလၢအတဂၢၢ်တကျၢၤတဖၣ်အပူၤ ဘၣ်. မ့မ့ၢ်, ကမ့ၢ်ဒၣ်ဝဲလၢကစၢ်ယွၤလၢအဟ့ၣ်ပှၤတၢ်ခဲလၢာ် ထူးထူးတီၤတီၤလၢပတၢ်မုာ်လၤသးခုအဂီၢ်, တဂၤအပူၤန့ၣ် တက့ၢ်.

၂ တံၤမသ့း 3:4

အဝဲသ့ၣ်ကကူၣ်အၢတၢ်, ကမၤကြီတၢ်, ဒီးကပာ်ကဖၢလၢ အသး, ကအဲၣ်တၢ်မုာ်တၢ်လၤဒိၣ်န့ၢ်ဒံးတၢ်အဲၣ်ကစၢ်ယွၤ တက့ၢ်လီၤ.

ယၤကိာ် 5:5

သုတၢ်အိၣ်မူလၢဟီၣ်ခိၣ်အံၤပှဲၤဒီးဟီၣ်ခိၣ်အတၢ်မုာ်တၢ် ပၢၤဒီးအတၢ်မုာ်လၤသးဖှံလီၤ. သုမၤဘီၣ်ထီၣ်သိထီၣ်သုသးလၢတၢ်မၤသံသုအမုၢ်တနံၤ အဂီၢ်လီၤ.

၁ ပ့းတရူး 4:3

သုမၤလၢာ်တ့ၢ်တၢ်ဆၢကတီၢ်လၢအပူၤကွံာ်ခီဖျိသုမၤ တၢ်လၢပှၤတသ့ၣ်ညါယွၤတဖၣ်သးအိၣ်မၤဝဲန့ၣ်လီၤ. သုတၢ်အိၣ်မူဘၣ်တၢ်မၤလၢာ်အီၤလၢတၢ်တဆဲးတလၤ, တၢ်သးကတၢ, တၢ်အီမူၤအီဘှီးသး, တၢ်အီသံးဂဲၤ ကလံာ်တဖၣ်, တၢ်အီသံးအမူးတဖၣ်, ဒီးတၢ်လီၤသးဘၣ်အၢလၢတၢ်ဘါထီၣ်တၢ်ဂီၤတၢ်ဖီၣ် တဖၣ်န့ၣ်လီၤ.

လံာ်လီၣ်ဖျါ 18:7

ဟ့ၣ်အီၤတၢ်တူၢ်ဘၣ်တၢ်ဒီးတၢ်သူၣ်အုးသးအုး ပှဲၤသိးသိးတၢ်လၤကပီၤဒီးတၢ်မုာ်တၢ်ပၢၤလၢ အဝဲဟ့ၣ်လီၤက့ၤအသးဒၣ်ဝဲန့ၣ်တက့ၢ်. အဂ့ၢ်ဒ်အံၤ, အဝဲဒၣ်စံးလီၤက့ၤအသးတဘိယူၢ်ဃီ ‘ဖဲအံၤ, ယဆ့ၣ်နီၤယဲဒ်နီၢ်ပၤမုၣ်တဂၤအသိး, ယတမ့ၢ်မုၣ်ကမဲတဂၤဘၣ်. တမ့ၢ်လၢယကသ့ၣ်ညါဘၣ် တၢ်သူၣ်အုးသးအုးနီတစုစုဘၣ်.’

လံာ်စီၤၡမူၤအ့လးအခီၣ်ထံးတဘ့ၣ် 30:16

ဒီးအဝဲဆှၢစီၤဒၤဝံးဆူအဝဲသ့ၣ်အအိၣ်လီၤ. ပှၤဂုာ်ဆူၣ်ပျိဆူၣ်တၢ်တဖၣ်ရၤလီၤအသးသကုၤတၢ်လီၢ်ကိးပူၤဒဲး, အီၣ်တၢ်အီတၢ်ဒီးမၤမူးလၢအဂုာ်န့ၢ်တၢ်အါအါကလဲာ်လၢကီၢ်ဖလ့ၡသး ဒီးကီၢ်ယူဒၤအဃိန့ၣ်လီၤ.