လံာ်လူၤကၣ် 12:13 - Sgaw Karen Common Bible

¹³ ပှၤလၢကမျၢၢ်အကျါတဂၤစံးဘၣ်အီၤ, “သရၣ်ဧၢ, တဲဘၣ်ယဒီပုၢ်ဝဲၢ်ခွါလၢအကနီၤဖးန့ၢ်ယၤ တၢ်စုလီၢ်ခီၣ်ခိၣ်လၢပပၢ်ပာ်တ့ၢ်န့ၢ်ပှၤန့ၣ်တက့ၢ်.”

လံာ်လူၤကၣ် 12:13 Iomraidhean Croise

စံးထီၣ်ပတြၢၤ 17:14

ယွၤဧၢ, လၢနစုန့ၣ် မၤပူၤမၤဖျဲးယၤလၢပှၤဒ်သိးန့ၣ်တဖၣ် လၢအတၢ်အိၣ်မူအံၤ အတၢ်ကဲဘျုးမ့ၢ်ဒၣ်ဖဲ ဟီၣ်ခိၣ်အံၤန့ၣ်တက့ၢ်. စံၣ်ညီၣ်အဝဲသ့ၣ်လၢတၢ်နးတၢ်ဖှီၣ်တဖၣ် လၢနပာ်ဖှိၣ်တ့ၢ်လၢအဂီၢ်, ဒီးမ်ကလၢဝဲလၢ အဖိတဖၣ်အဂီၢ် ဒီးအိၣ်လီၤတဲာ်ဒံးတနီၤလၢ အဖိတဖၣ်အဖိအဂီၢ်န့ၣ်တက့ၢ်.

လံာ်ယဃ့းစက့လး 33:31

လၢတၢ်န့ၣ်အဃိ, ယပှၤဂီၢ်မုၢ်ပာ်ဖှိၣ်ထီၣ်အသးဒ်သိးကနၢ်ဟူ တၢ်လၢနကစံးအီၤ, ဘၣ်ဆၣ်အဝဲသ့ၣ်တမၤတၢ်လၢနတဲဘၣ် အဝဲသ့ၣ်လၢကဘၣ်မၤဝဲန့ၣ်ဘၣ်. တၢ်ကတိၤတဖၣ်လၢအလီၤ အဲၣ်လီၤကွံန့ၣ်အိၣ်ဝဲလၢအနိးဖံးတဖၣ်အလိၤ, ဘၣ်ဆၣ်အဝဲသ့ၣ် မၤထွဲဒံးဒၣ်အတၢ်သူၣ်လီသးကွံအကျဲတဖၣ်န့ၣ်လီၤ.

လံာ်လူၤကၣ် 12:12

အဂ့ၢ်ဒ်အံၤ, ဖဲဆၢကတီၢ်အဝဲန့ၣ်, သးစီဆှံကသိၣ်လိသုတၢ်လၢ သုကဘၣ်စံးဘၣ်ကတိၤအီၤန့ၣ်လီၤ.”

လံာ်လူၤကၣ် 12:14

ယ့ၣ်ၡူးစံးဆၢအီၤ, “စီၤဧၢ, မ့ၢ်မတၤဟ့ၣ်ယၤတၢ်စိတၢ်ကမီၤလၢယကစံၣ်ညီၣ်တၢ်, မ့တမ့ၢ်ဘၣ်ဒီးကနီၤဖးလီၤတၢ်စုလီၢ်ခီၣ်ခိၣ်လၢ သုခံဂၤအဘၢၣ်စၢၤန့ၣ်လဲၣ်.”

လံာ်လူၤကၣ် 6:45

ပှၤဂ့ၤပှၤဝါတဂၤန့ၣ်, ထုးထီၣ်တၢ်အဂ့ၤအဝါလၢတၢ်ဂ့ၤတၢ်ဝါ တဖၣ်အိၣ်ပာ်ဖှိၣ်အသးအလီၢ်, လၢအသးပူၤလီၤ. ပှၤအၢပှၤသီတဂၤန့ၣ်, ထုးထီၣ်တၢ်အၢတၢ်သီလၢအဝဲအတၢ်ပာ်ဖှိၣ်ဃာ်တၢ်အၢတၢ်သီတဖၣ် အလီၢ်အပူၤလီၤ. အဂ့ၢ်ဒ်အံၤ, ပှၤကညီတဂၤအထးခိၣ်ကတိၤတၢ်ဒ် တၢ်လၢအအိၣ်ပှဲၤဝဲလၢအသးပူၤအသိးန့ၣ်လီၤ.

၁ တံၤမသ့း 6:5

ဒီးတၢ်ဂ့ၢ်လိာ်ဘှီလိာ်တထံၣ်ဃီလၢပှၤလၢအတဆိကမိၣ်ဆိ ကမးတၢ်ဒီးလၢအတအိၣ်လၢၤဒီးတၢ်မ့ၢ်တၢ်တီတဖၣ်အသိး အကျါန့ၣ်လီၤ. အဝဲသ့ၣ်ဆိကမိၣ်ဝဲလၢတၢ်ဘူၣ်တၢ်ဘါမ့ၢ်ကျဲ တဘိလၢပှၤကထူးထီၣ်တီၤထီၣ်အဂီၢ်န့ၣ်လီၤ.