လံာ်လူၤကၣ် 12:12 - Sgaw Karen Common Bible

¹² အဂ့ၢ်ဒ်အံၤ, ဖဲဆၢကတီၢ်အဝဲန့ၣ်, သးစီဆှံကသိၣ်လိသုတၢ်လၢ သုကဘၣ်စံးဘၣ်ကတိၤအီၤန့ၣ်လီၤ.”

လံာ်လူၤကၣ် 12:12 Iomraidhean Croise

လံာ်တၢ်ဟးထီၣ်ကွံာ် 4:11

ဒီးယွၤစံးဘၣ်အီၤ, “မ့ၢ်မတၤတ့ပှၤကညီအထးခိၣ်လဲၣ်. ပှၤတအုၣ်, ပှၤနၢ်တအၢ, ပှၤထံၣ်တၢ်သ့ဒီးပှၤမဲာ်ဘျီၣ်န့ၣ်မ့ၢ် မတၤဒုးကဲထီၣ်အီၤတဂၤလဲၣ်. ယၤ, ယွၤတမ့ၢ်ဘၣ်ဧါ.

လံာ်တၢ်ဟးထီၣ်ကွံာ် 4:12

ဒီးခဲကနံၣ်အံၤ, လဲၤတက့ၢ်. ယကမၤစၢၤနၤလၢနတၢ်ကတိၤ, ဒီးသိၣ်လိနၤတၢ်လၢနကဘၣ်စံးဘၣ်တဲဘၣ်တဖၣ်န့ၣ်လီၤ.”

လံာ်မးသဲ 10:19

တုၤသုဘၣ်တၢ်သမံသမိးသုဒီးသုကဘၣ်စံးတၢ်မနုၤလဲၣ်, သုကဘၣ်စံးဆၢတၢ်ဒ်လဲၣ်န့ၣ်သုတဘၣ်ယိၣ်တဂ့ၤ. တၢ်ဆၢကတီၢ်မ့ၢ်ဘၣ်ဒီး ယွၤကဟ့ၣ်လီၤသုလၢ တၢ်စံးတၢ်ကတိၤလီၤ.

လံာ်မးသဲ 10:20

အဂ့ၢ်ဒ်အံၤ, တၢ်ကတိၤလၢသုကကတိၤန့ၣ်တမ့ၢ်သုတၢ်ကတိၤဒၣ်သုဝဲ ဘၣ်. မ့မ့ၢ်တၢ်ကတိၤတဖၣ်အံၤကမ့ၢ်သုပၢ်အသးစီဆှံကတိၤတၢ်ခီဖျိ သုလီၤ.

လံာ်လူၤကၣ် 12:13

ပှၤလၢကမျၢၢ်အကျါတဂၤစံးဘၣ်အီၤ, “သရၣ်ဧၢ, တဲဘၣ်ယဒီပုၢ်ဝဲၢ်ခွါလၢအကနီၤဖးန့ၢ်ယၤ တၢ်စုလီၢ်ခီၣ်ခိၣ်လၢပပၢ်ပာ်တ့ၢ်န့ၢ်ပှၤန့ၣ်တက့ၢ်.”

လံာ်လူၤကၣ် 21:15

အဂ့ၢ်ဒ်အံၤ, ယကဟ့ၣ်သုတၢ်စံးတၢ်ကတိၤတဖၣ် ဒီးတၢ်ကူၣ်ဘၣ်ကူၣ်သ့တုၤဒၣ်လဲာ်သုဒုၣ်သုဒါထီဒါတၢ်လၢသုတဲမ့ၢ်ဂ့ၤ, ဂ့ၢ်လိာ်ဝဲမ့ၢ်ဂ့ၤတသ့ဘၣ်နီတဂၤန့ၣ်လီၤ.

မၤတၢ် 4:8

တုၤနုၤတစုစီၤပ့းတရူးလၢထီၣ်ပှဲၤထီၣ်ဒီးသးစီဆှံဒီးအဝဲဒၣ်စံးဆၢက့ၤ အဝဲသ့ၣ်, “ပှၤခိၣ်ပှၤနၢ်ဒီးပှၤသူၣ်က့သးပှၢ်သ့ၣ်ဧၢ,

မၤတၢ် 6:10

ဘၣ်ဆၣ်ဒီးယွၤအသးဒုးကတိၤအီၤတၢ်ကတိၤပှဲၤဒီးတၢ်ကူၣ် သ့သတးဒီး, တုၤအဝဲဒၣ်ကတိၤထီၣ်တၢ်တစုန့ၣ်, အဝဲသ့ၣ်ကတိၤဂ့ၢ်လိာ်ဆၢအီၤတသ့ဘၣ်န့ၣ်လီၤ.

မၤတၢ် 7:55

မ့မ့ၢ်စီၤစတ့းဖၣ်လၢထီၣ်ပှဲၤထီၣ်ဒီးသးစီဆှံ, ကွၢ်ထီၣ်တၢ်ဆူမူခိၣ်ဒီးထံၣ်ဘၣ်ကစၢ်ယွၤအလၤကပီၤ, ဒီးထံၣ်ဝဲယ့ၣ်ၡူးအိၣ်ဆၢထၢၣ်လၢကစၢ်ယွၤအစုထွဲတခီ လီၤ.