လံာ်လူၤကၣ် 11:54 - Sgaw Karen Common Bible

⁵⁴ ဒ်သိးအကအိၣ်ခိးကနၣ်ဝဲ, ဒီးဖီၣ်န့ၢ်အီၤလၢအတၢ်ကတိၤဒၣ်ဝဲအဂီၢ်န့ၣ်လီၤ.

လံာ်လူၤကၣ် 11:54 Iomraidhean Croise

လံာ်စီၤပၤခံဘ့ၣ်တဘ့ၣ် 5:7

တုၤကီၢ်အံၣ်စရ့လးအစီၤပၤဖးလံာ်ပရၢအံၤဝံၤန့ၣ်အဝဲဖှီယာ် အကူအသိးတဖၣ်လၢတၢ်ကမၢကမၣ်အပူၤဒီးစံးဝဲဒၣ်, “ကီၢ်စူၤရံအစီၤပၤဆၢဝဲလၢယကမၤဘျါက့ၤပှၤတဂၤအံၤကသ့ ဝဲဒ်လဲၣ်. မ့ၢ်အဝဲဆိကမိၣ်ဝဲလၢယမ့ၢ်ကစၢ်ယွၤ, လၢအအိၣ်ဒီးတၢ်မူဒီးတၢ်သံအတၢ်စိတၢ်ကမီၤန့ၣ်ဧါ. တၢ်အံၤမ့ၢ်တၢ်လၢအဖျါဝဲလၢအဝဲစးထီၣ်ဃုတၢ်အ့ၣ်လိာ်အသးဒီး ယၤန့ၣ်လီၤ.”

လံာ်မးသဲ 22:15

ပှၤဖၤရံၤၡဲတဖၣ်ဟးထီၣ်, ဒီးလဲၤကူၣ်ထီၣ်ဖးလီၤသကိးဝဲလၢ အကဘၣ်ဖီၣ်ယ့ၣ်ၡူးလၢအတၢ်ကတိၤဒၣ်ဝဲလၢကျဲဒ်လဲၣ်အဂ့ၢ်လီၤ.

လံာ်မးသဲ 22:18

ဘၣ်ဆၣ်, ယ့ၣ်ၡူးသ့ၣ်ညါစိအဝဲသ့ၣ်အတၢ်ကူၣ်အၢကူၣ်သီဒီးစံးဘၣ် အဝဲသ့ၣ်, “ပှၤပာ်မၤအသးသ့ၣ်ဧၢ, ဘၣ်မနုၤလၢသုဘၣ်သံကွၢ်သံ ဒိးယၤဒ်သိးသုကဖီၣ်န့ၢ်ယၤလၢယတၢ်ကတိၤဒၣ်ယဲန့ၣ်လဲၣ်.

လံာ်မးသဲ 22:35

အဝဲသ့ၣ်အကျါသရၣ်သိၣ်လိလံာ်တၢ်သိၣ်တၢ်သီတဂၤ, ဒ်သိးအကဖီၣ်ယ့ၣ်ၡူးလၢအတၢ်ကတိၤဒၣ်ဝဲအဂီၢ်န့ၣ်, သံကွၢ်အီၤလၢတၢ်သံကွၢ်တထံၣ်လီၤ.

လံာ်မၢ်ကူး 12:13

ပှၤဖၤရံၤၡဲတနီၤဒီးဟ့ၤရိာ်ကရၢဖိတနီၤဘၣ်တၢ်မၢလီၤအီၤ ဒ်သိးအကလဲၤဆူယ့ၣ်ၡူးအအိၣ်ဒီးသံကွၢ်သံဒိးအီၤ, ဒ်သိးအကဖီၣ်န့ၢ်အီၤလၢအတၢ်ကတိၤဒၣ်ဝဲတဖၣ်န့ၣ်လီၤ.

လံာ်မၢ်ကူး 3:2

ပှၤအိၣ်စ့ၢ်ကီးဖဲန့ၣ်တနီၤလၢအအဲၣ်ဒိးပာ်တၢ်ကမၣ်လၢယ့ၣ်ၡူး အလိၤသတးဒီးကွၢ်ဟုၣ်ကွၢ်စုာ်ဝဲမ့ၢ်အဝဲဒၣ်ကမၤဘျါက့ၤ ပှၤတဂၤန့ၣ်လၢပှၤယူဒၤဖိအမုၢ်အိၣ်ဘှံးနံၤဧါန့ၣ်လီၤ.

လံာ်လူၤကၣ် 11:53

ဖဲယ့ၣ်ၡူးဟးထီၣ်ကွံာ်လၢတၢ်လီၢ်အဝဲန့ၣ်ဒီး ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီး ပှၤဖၤရံၤၡဲတဖၣ်ကတိၤဒုၣ်ဒွဲၣ်အီၤဆါဆါကလဲာ်ဒီးသံကွၢ် အီၤလၢတၢ်သံကွၢ်တဖၣ်ဘၣ်ဃးဒီးတၢ်အါမံၤအါကလုာ်,

လံာ်လူၤကၣ် 20:20

လၢတၢ်န့ၣ်အဃိ, အဝဲသ့ၣ်အိၣ်ခိးကွၢ်တၢ်ဆၢကတီၢ်လၢ အကြၢးဝဲဘၣ်ဝဲလီၤ. အဝဲသ့ၣ်ဟ့ၣ်ပှၤတနီၤစ့ဒ်သိးအကပာ်မၤအသးလၢအမ့ၢ်ပှၤ အသးဘျၢ, ဒီးဆှၢလီၤအဝဲသ့ၣ်လၢအကသံကွၢ်သံဒိးယ့ၣ်ၡူး ဒီးဖီၣ်န့ၢ်အီၤလၢအတၢ်ကတိၤဒ်သိးအဝဲသ့ၣ်ဟ့ၣ်လီၤကွံာ်အီၤ ဆူရိမ့ၤအပဒိၣ်ဖးဒိၣ်အတၢ်စိတၢ်ကမီၤအပူၤကသ့ဝဲအဂီၢ် န့ၣ်လီၤ.

လံာ်လူၤကၣ် 20:26

လၢပှၤဂီၢ်မုၢ်တဖၣ်အမဲာ်ညါန့ၣ်, အဝဲသ့ၣ်ဖီၣ်အီၤလၢအတၢ်ကတိၤတန့ၢ်နီတဘီဘၣ်. လၢတၢ်န့ၣ်အဃိအဝဲသ့ၣ်အိၣ်ဘှီၣ်ကလာ်, ဒီးကမၢကမၣ်ဝဲလၢယ့ၣ်ၡူးအတၢ်စံးဆၢအဃိလီၤ.

မၤတၢ် 23:21

ဘၣ်ဆၣ်ဒီးတဘၣ်ဒိကနၣ်အဝဲသ့ၣ်အကလုၢ်တဂ့ၤ. အဂ့ၢ်ဒ်အံၤ, ပှၤအိၣ်ဝဲဒၣ်အါန့ၢ်အဂၤလွံၢ်ဆံလၢအကအိၣ်ခိးခူသူၣ်အခိၣ်န့ၣ် လီၤ. အဝဲသ့ၣ်ဆိၣ်လီၤတ့ၢ်အသးလၢမ့ၢ်တမၤသံဘၣ်စီၤပီလူးန့ၣ် တအီၣ်တၢ်အီတၢ်နီတမံၤဘၣ်လီၤ. ခဲအံၤအဝဲသ့ၣ်အိၣ်ကတဲာ်ကတီၤအသးလၢအကမၤတၢ်တမံၤ အံၤဒီးအိၣ်ခိးဝဲဒ်သိးကနၢ်ဟူဘၣ်နကဟ့ၣ်တၢ်စံးဆၢဒ်လဲၣ် န့ၣ်လီၤ.”