လံာ်လူၤကၣ် 11:47 - Sgaw Karen Common Bible

⁴⁷ သုဘၣ်အဖှီၣ်ဆံးဒိၣ်လဲၣ်. သုမၤထီၣ်တၢ်သွၣ်ခိၣ်အပူၤလၢအဂ့ၤတဖၣ်လၢဝံတဖၣ်အဂီၢ်, ဝံတဖုဃီလၢသုပၢ်လၢပျၢၤတဖၣ်မၤသံတ့ၢ်ဝဲန့ၣ်လီၤ.

လံာ်လူၤကၣ် 11:47 Iomraidhean Croise

လံာ်မးသဲ 23:27

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုမၤသုသးလီၤဂာ်ဒီးတၢ်သွၣ်ခိၣ်ပူၤလၢအဘၣ်တၢ်ဖှူဝါထီၣ် အီၤလီၤ. လၢအချၢတခီဖျါဃံလၤ, ဘၣ်ဆၣ်အအိပူၤတခီပှဲၤဒီးပှၤသံအဃံအကွဲဒီးတၢ်အစိၣ် အတၢ်အုၣ်တၢ်ကျၣ်တဖၣ်လီၤ.

လံာ်လူၤကၣ် 11:48

မ့မ့ၢ်ဒ်န့ၣ်ဒီးသုအၢၣ်လီၤသုဝဲလၢသုဘၣ်သူၣ်ဘၣ်သးတၢ်လၢ သုပၢ်လၢပျၢၤတဖၣ်မၤတ့ၢ်ဝဲန့ၣ်လီၤ. အဂ့ၢ်ဒ်အံၤ, အဝဲသ့ၣ်မၤသံဝံတဖၣ်န့ၣ်, ဒီးသုဝဲသုမၤထီၣ်အဝဲသ့ၣ်အတၢ်သွၣ်ခိၣ်အပူၤတဖၣ်လီၤ.

မၤတၢ် 7:51

စီၤစတ့းဖၣ်စံးကဒီးဝဲ, “သုဝဲသ့ၣ်သုခိၣ်ကိၤနးမးလဲၣ်. သုသးလီၤဂာ်ဒီးပှၤတသ့ၣ်ညါထူတသ့ၣ်ညါကစၢ်ယွၤ အသး, သုနၢ်တအၢဝဲလၢကစၢ်ယွၤအကလုၢ်ကထါအဂီၢ်နးမးလဲၣ်. သုမၤဒၣ်ဒ်သုမိၢ်ပၢ်ဖံဖုလၢပျၢၤမၤဝဲအသိး, ဒီးသးစီဆှံန့ၣ် သုတြီဆၢဒၣ်အီၤထီဘိလီၤ.

၁ သ့းစၤလနံ 2:15

အဝဲသ့ၣ်တဖၣ်န့ၣ်, မ့ၢ်ပှၤလၢအမၤသံကစၢ်ယ့ၣ်ၡူးဒီးမၤသံ တ့ၢ်ဝံတဖၣ်, ဒီးမၤအၢမၤနးပဝဲဒၣ်န့ၣ်လီၤ. အဝဲသ့ၣ်မၤတၢ်တဘၣ်ကစၢ်ယွၤအသးဆံးဒိၣ်လဲၣ်. အဝဲသ့ၣ်အၢသီလၢပှၤကိးဂၤဒဲးအဖီခိၣ်ဆံးဒိၣ်လဲၣ်.