လံာ်လူၤကၣ် 11:45 - Sgaw Karen Common Bible

⁴⁵ ပှၤသ့တၢ်ဘူၣ်တၢ်ဘါအတၢ်သိၣ်တၢ်သီအကျါတဂၤစံးဘၣ်အီၤ, “သရၣ်ဧၢ, ဖဲနကတိၤတၢ်ကတိၤတထံၣ်အံၤန့ၣ်, မ့ၢ်နကတိၤဒုၣ်ဒွဲၣ်, ကတိၤတရီတပါပှၤစ့ၢ်ကီးန့ၣ်လီၤ.”

လံာ်လူၤကၣ် 11:45 Iomraidhean Croise

လံာ်စီၤပၤအခီၣ်ထံးတဘ့ၣ် 22:8

စီၤအၤဃာ်စံးဆၢဝဲ, “ဝံအိၣ်ဒံးဝဲတဂၤ, လၢအမ့ၢ်စီၤယံးမလၤအဖိခွါစီၤမံၤကါယၤန့ၣ်လီၤ. ဘၣ်ဆၣ်ယသးဟ့အီၤ, မ့ၢ်လၢအဝဲတကတိၤတၢ်လၢဝံအကျိာ်အဂ့ၤနီ တမံၤလၢယဂီၢ်ဘၣ်. မ့မ့ၢ်, ထီဘိမ့ၢ်ထဲတၢ်အၢတမံၤမံၤအဃိန့ၣ်လီၤ.” စီၤယဟိၡၤဖးစံးဆၢဝဲ, “နတကြၢးစံးကတိၤတၢ်ဒ်န့ၣ်ဘၣ်.”

လံာ်ယံးရမံယၤ 20:8

ဖဲယကတိၤတၢ်တဘျီဂ့ၤတဘျီဂ့ၤန့ၣ်, ယဘၣ်ကိးထီၣ်ဒီးကိးသတြီထီၣ်, “တၢ်မၤဆူၣ်မၤစိးဒီးတၢ်မၤလီၤပှီၢ်ဟးဂီၤ” န့ၣ်လီၤ. ယွၤဧၢ, ယဘၣ်တၢ်ကတိၤဒုၣ်ဒွဲၣ်စံးအၢယၤဒီး တၢ်တပာ်ကဲဘၣ်ယၤထီဘိတထံၣ်ဃီ မ့ၢ်လၢယစံးကတိၤနတၢ်ကစီၣ်အဃိန့ၣ်လီၤ.

လံာ်ယံးရမံယၤ 6:10

ယစံးဆၢတ့ၢ်အီၤ, “ယမ့ၢ်ကတိၤတၢ်ဒီးအဝဲသ့ၣ်ဒီးဟ့ၣ်ပလီၢ် အဝဲသ့ၣ်ဒီး, မ့ၢ်မတၤကဒိကနၣ်ယၤန့ၣ်လဲၣ်. အဝဲသ့ၣ်အခိၣ်ကိၤ ဒီးတဒိကနၣ်နတၢ်ကစီၣ်ဘၣ်. အဝဲသ့ၣ်နံၤဘၣ်ဖၣ်လဲတၢ်လၢ နမၢယစံးကတိၤန့ၣ်လီၤ.

လံာ်မးသဲ 22:35

အဝဲသ့ၣ်အကျါသရၣ်သိၣ်လိလံာ်တၢ်သိၣ်တၢ်သီတဂၤ, ဒ်သိးအကဖီၣ်ယ့ၣ်ၡူးလၢအတၢ်ကတိၤဒၣ်ဝဲအဂီၢ်န့ၣ်, သံကွၢ်အီၤလၢတၢ်သံကွၢ်တထံၣ်လီၤ.

လံာ်လူၤကၣ် 11:46

ယ့ၣ်ၡူးစံးဆၢဝဲ, “ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်စ့ၢ်ကီး သုဘၣ်အဖှီၣ်ဆံးဒိၣ်လဲၣ်. သုပာ်ထီၣ်တၢ်ဝံတၢ်ယိးလၢပှၤဝံအီၤကီတဖၣ်လၢပှၤဂီၢ်မုၢ်အလိၤ, မ့မ့ၢ်သုဝဲတခီ, လၢသုကစိာ်စၢၤအီၤတၢ်ဝံတၢ်ယိးတဖၣ်န့ၣ်အဂီၢ်, သုစုမုၢ်တဘိဒၣ်လဲာ်သုတယူာ်ထီၣ်အီၤဘၣ်.

လံာ်လူၤကၣ် 11:52

သုဘၣ်အဖှီၣ်ဆံးဒိၣ်လဲၣ်, ပှၤသ့တၢ်ဘူၣ်တၢ်ဘါအတၢ်သိၣ်တၢ်သီသ့ၣ်ဧၢ, သုပၢၤဃာ်လံနီၣ်ဝံာ်ခံလၢတၢ်ကအိးထီၣ်တၢ်သ့ၣ်ညါနၢ်ပၢၢ် အဟံၣ်တဖျၢၣ်န့ၣ်အတြဲၤအဂီၢ်လၢသုအိၣ်လီၤ. သုနီၢ်ကစၢ်ဒၣ်သုဝဲသုတလဲၤနုာ်ဘၣ်. ဒီးပှၤသ့ၣ်တဖၣ်လၢအဂုာ်ကျဲးစၢးလဲၤနုာ်ဝဲန့ၣ်သုတြီအီၤလီၤ.”

လံာ်လူၤကၣ် 7:30

မ့မ့ၢ်, ပှၤဖၤရံၤၡဲဒီးသရၣ်သိၣ်လိတၢ်သိၣ်တၢ်သီတဖၣ်တကနၣ်ဃုာ် ကစၢ်ယွၤအတၢ်တိာ်ပာ်လၢအဝဲသ့ၣ်အနီၢ်ကစၢ်ဒၣ်ဝဲအဂီၢ်ဘၣ်. ဒီးတတူၢ်လိာ်စီၤယိၤဟၣ်အတၢ်ဘျၢအီၤလၢထံဘၣ်လီၤ.

လံာ်ယိၤဟၣ် 7:48

ခိၣ်နၢ်အကျါတဂၤဂၤ, မ့တမ့ၢ်ပှၤဖၤရံၤၡဲအကျါတဂၤဂၤ စူၢ်က့ၤနာ်က့ၤအီၤန့ၣ်, မ့ၢ်သုနၢ်ဟူဘၣ်တဘျီဘျီလံဧါ.

လံာ်ယိၤဟၣ် 7:7

ဟီၣ်ခိၣ်သးဟ့သုတသ့ဘၣ်. ဘၣ်ဆၣ်သးဟ့ယၤလီၤ. မ့ၢ်လၢယစံးဘၣ်တဲဘၣ်အီၤတလီၢ်လီၢ်လၢ အကျဲတဖၣ်န့ၣ်အၢဝဲသီဝဲအဃိလီၤ.

လံာ်ယိၤဟၣ် 9:40

ပှၤဖၤရံၤၡဲတနီၤလၢအအိၣ်ဒီးအီၤဖဲန့ၣ်, နၢ်ဟူအဝဲစံးတၢ်ဒ်အံၤဒီး သံကွၢ်အီၤ, “နအဲၣ်ဒိးစံးလၢပဝဲဒၣ်တဖၣ်အံၤပမဲာ်ဘျီၣ်စ့ၢ်ကီး န့ၣ်ဧါ.”