လံာ်လူၤကၣ် 11:43 - Sgaw Karen Common Bible

⁴³ ပှၤဖၤရံၤၡဲသ့ၣ်ဧၢ, သုဘၣ်အဖှီၣ်ဆံးဒိၣ်လဲၣ်. သုအဲၣ်ဒိးလီၢ်ဆ့ၣ်နီၤအဂ့ၤကတၢၢ်တဖၣ်လၢဘူၣ်ဘျီၣ်လၢအမ့ၢ် တၢ်ဘါလီၢ်တဖၣ်အပူၤ, ဒီးလၢဖၠါပူၤန့ၣ်သုအဲၣ်ဒိးပှၤကတိၤဆၢဂ့ၤသုလၢ တၢ်ယူးယီၣ်ပာ်ကဲအပူၤလီၤ.

လံာ်လူၤကၣ် 11:43 Iomraidhean Croise

တၢ်ကတိၤဒိ. 16:18

တၢ်ပာ်ထီၣ်ထီသးန့ၣ်ဆှၢပှၤဆူတၢ်ဟးဂီၤ, ဒီးတၢ်ပာ်ကဖိသးန့ၣ်ဆူတၢ်လီၤပှီၢ်လီၤ.

လံာ်မးသဲ 11:16

ယကဒိလီၤဘၣ်ပှၤတစိၤအံၤလၢတၢ်မနုၤတမံၤလဲၣ်. အဝဲသ့ၣ်လီၤဂာ်ဒီးဖိသၣ်တဖၣ်လၢအဆ့ၣ်နီၤလၢဖၠါပူၤလီၤ. ဖိသၣ်တဖုန့ၣ်, ကိးထီၣ်ဆူဖိသၣ်အဂၤတဖုအအိၣ်ဒီးစံး,

လံာ်လူၤကၣ် 20:46

ပလီၢ်သုသးလၢပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်, ပှၤလၢအအဲၣ်ဒိးဟးထီၣ်ဟးလီၤကူသိးဒီးအဆ့ကၤဖးထီ, ဒီးအဲၣ်ဒိးပှၤကတိၤဒိၣ်ကတိၤဆၢဂ့ၤအီၤဖဲဖၠါပူၤ, ပှၤလၢအဃုထၢလီၢ်ဆ့ၣ်နီၤအဂ့ၤကတၢၢ်တဖၣ်လၢ ဘူၣ်ဘျီၣ်လၢအမ့ၢ်တၢ်ဘါလီၢ်အပူၤ, ဒီး

ရိမ့ၤ 12:10

အဲၣ်လိာ်သုသးတဂၤဒီးတဂၤတံၢ်တံၢ်နီၢ်နီၢ်ဒ်ဒီပုၢ်ဝဲၢ်တဖၣ် လၢခရံာ်အပူၤအသိး, ဒီးသးဆူၣ်ဒုးနဲၣ်တၢ်ယူးယီၣ်ပာ် ကဲလိာ်သးလၢတဂၤဒီးတဂၤအဂီၢ်န့ၣ်တက့ၢ်.

ဖံလံးပံၤ 2:3

သုသုတမၤတၢ်နီတမံၤလၢသုသးဆူၣ်မၤန့ၢ်တၢ်လၢသုဘျုး အဂီၢ်ဒၣ်ဝဲမ့ၢ်ဂ့ၤ, သုကပာ်ကဖၢလၢသုသးအဂီၢ်မ့ၢ်ဂ့ၤန့ၣ်တဂ့ၤ. မ့မ့ၢ်ဆီၣ်လီၤသုသးလၢတဂၤဒီးတဂၤအဖီလာ်, ဒီးထီဘိန့ၣ်အိၣ်ဒီးတၢ်ဆိကမိၣ်လၢပှၤဂၤတဖၣ်ဂ့ၤန့ၢ်သု န့ၣ်တက့ၢ်.

၃ ယိၤဟၣ် 1:9

ယကွဲးတ့ၢ်လံလံာ်ပရၢဖုၣ်ဖုၣ်တဘ့ၣ်ဆူတၢ်အိၣ်ဖှိၣ်အအိၣ်, ဘၣ်ဆၣ်ဒီးစီၤဒံအိၤတြ့ၤဖံလၢအသးအိၣ်ကဲအဝဲသ့ၣ်အခိၣ်အနၢ်တဂၤ, တကနၣ်ဃုာ်တၢ်လၢယစံးဘၣ်တဲဘၣ်တဖၣ် န့ၣ်ဘၣ်.