လံာ်လူၤကၣ် 11:4 - Sgaw Karen Common Bible

⁴ ပျၢ်ကွံာ်ပတၢ်ဒဲးတူာ်ဒဲးဘးတဖၣ်တက့ၢ်. အဂ့ၢ်ဒ်အံၤ, ပပျၢ်ကွံာ်ပှၤကိးဂၤဒဲးလၢ အမၤကမၣ်ပှၤတဖၣ်အတၢ်ကမၣ်လီၤ. ဒီးသုတဒုးလဲၤနုာ်ပှၤဆူတၢ်လ့ပစီအပူၤတဂ့ၤ.”

လံာ်လူၤကၣ် 11:4 Iomraidhean Croise

လံာ်တၢ်ကဲထီၣ်အခီၣ်ထံး 48:16

မ်ကလူးလၢအမၤပူၤဖျဲးယၤ လၢကယဲၢ်တၢ်ဘၣ်ဒိဘၣ်ထံးန့ၣ်, ဆိၣ်ဂ့ၤအဝဲသ့ၣ်တက့ၢ်. မ်ယၤဒီးယပၢ်တဖၣ်လၢအမ့ၢ်, စီၤအၤဘြၤဟၣ်ဒီးစီၤအံၤစဲးအ မံၤ, မူဝဲလၢခီဖျိပိာ်ခွါဖိသ့ၣ်တဖၣ်အံၤတက့ၢ်. မ်အဝဲသ့ၣ်ကအိၣ်ဒီးအဖိအါအါဂီၢ်ဂီၢ်, ဒီးအစၢၤအသွဲၣ်အါအါ ဂီၢ်ဂီၢ်န့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 8:34

ဒိကနၣ်လၢ်အဝဲသ့ၣ်လၢမူခိၣ်န့ၣ်တက့ၢ်. ပျၢ်လၢ်နပှၤဂီၢ်မုၢ်အတၢ်ဒဲးဘးတဖၣ်ဒီးဟဲက့ၤစိာ်ကဒါက့ၤအီၤ ဆူကီၢ်လၢနဟ့ၣ်တ့ၢ်အမိၢ်ပၢ်ဖံဖုလၢပျၢၤတဖၣ်န့ၣ်တက့ၢ်.

လံာ်စီၤပၤအခီၣ်ထံးတဘ့ၣ် 8:36

ဒိကနၣ်လၢ်အဝဲသ့ၣ်လၢမူခိၣ်န့ၣ်တက့ၢ်. ပျၢ်လၢ်စီၤပၤဒီးကီၢ်အံၣ်စရ့လးအပှၤဂီၢ်မုၢ်အတၢ်ဒဲးဘးတဖၣ် ဒီးသိၣ်လိအဝဲသ့ၣ်လၢကမၤတၢ်လၢအဘၣ်န့ၣ်တက့ၢ်. အန့ၣ်ဒီးယွၤဧၢ, ဒုးစူၤလီၤတၢ်လၢနကီၢ်အံၤအဖီခိၣ်, ကီၢ်လၢနဟ့ၣ်တ့ၢ်နပှၤဂီၢ်မုၢ်ဒ်အတၢ်န့ၢ်သါအဂၢၢ်အကျၢၤအသိးန့ၣ် တက့ၢ်.

စံးထီၣ်ပတြၢၤ 121:7

ယွၤကခိးတြီကွံာ်တၢ်အၢလၢနၤခဲလၢာ်လီၤ. ကအံးလီၤကွၢ်လီၤနသးလီၤ.

စံးထီၣ်ပတြၢၤ 25:11

ဟံးဃာ်နတၢ်အၢၣ်လီၤ, ယွၤဧၢ, ဒီးပျၢ်လၢ်ဘၣ်ယတၢ်ဒဲးဘးတဖၣ်န့ၣ်တက့ၢ်. ယအိၣ်ဒီးတၢ်ဒဲးဘးအါမးလီၤ.

စံးထီၣ်ပတြၢၤ 25:18

ကွၢ်ဆိကမိၣ်ယတၢ်ကီတၢ်ခဲဒီးယတၢ်နးတၢ်ဖှီၣ် ဒီးပျၢ်လၢ်ဘၣ်ယတၢ်ဒဲးဘးခဲလၢာ်န့ၣ်တက့ၢ်.

လံာ်ဒၤနံးယ့လး 9:19

ယွၤဧၢ, ဒိကနၣ်လၢ်ပှၤတက့ၢ်. ယွၤဧၢ, ပျၢ်လၢ်ပကမၣ်တက့ၢ်. ယွၤဧၢ, ဒိကနၣ်ပှၤဒီးမၤတၢ်တက့ၢ်. ဒ်သိးပှၤကိးဂၤကသ့ၣ်ညါလၢန မ့ၢ်ကစၢ်ယွၤဒီး, မၤယံာ်မၤနီၣ်နသးတဂ့ၤ. ဝ့ၢ်တဝ့ၢ်အံၤဒီးပှၤဂီၢ်မုၢ်အံၤမ့ၢ်နတၢ်လီၤ.”

လံာ်ဟိၤၡ့ 14:2

ဟဲက့ၤဆူယွၤအအိၣ်ဒီးဒုးကဲထီၣ်တၢ်ထုကဖၣ်အံၤလၢတၢ်လုၢ်တၢ် ပာ်ဆူအအိၣ်တက့ၢ်. ပျၢ်လၢ်ဘၣ်ပတၢ်ဒဲးဘးတဖၣ်ခဲလၢာ်ဒီးတူၢ်လိာ်ပတၢ်ထုကဖၣ်, ဒီးပကစံးထီၣ်ပတြၢၤနၤဒ်ပအၢၣ်လီၤတ့ၢ်အသိးန့ၣ်လီၤ.

လံာ်မးသဲ 18:35

လၢတၢ်န့ၣ်အဃိ, သုမ့ၢ်တပျၢ်ကွံာ်ဘၣ်သုဒီပုၢ်ဝဲၢ်အတၢ်ကမၣ်လၢသုသးကံၢ်ပူၤ ဘၣ်ဒီး, ယပၢ်လၢမူခိၣ်ကမၤသုဒ်န့ၣ်အသိးစ့ၢ်ကီးလီၤ.”

လံာ်မးသဲ 26:41

ဆိးသီဒီးဃ့ဘါထုကဖၣ်ယွၤ, ဒ်သိးသုသုတလီၤဃံၤလၢတၢ်လ့ပစီအဃိတဂ့ၤန့ၣ်တက့ၢ်. သးအဂံၢ်အဘါမ့ၢ်ဆူၣ်သနာ်က့, နီၢ်ခိအဂံၢ်အဘါစၢ်ဝဲလီၤ.”

လံာ်လူၤကၣ် 11:5

ဒီးယ့ၣ်ၡူးစံးဘၣ်အပျဲၢ်အဘီၣ်တဖၣ်, “ပစံးဒၣ်ကလိာ်, သုဝဲအကျါတဂၤမ့ၢ်လဲၤဆူအတံၤသကိးတဂၤအဟံၣ်ဖဲဖးဖီမုၢ် အကတီၢ်ဒီးစံးဘၣ်အီၤ, ‘တံၤသကိးဧၢ, ပျဲယဟံးလိၢ်ကိၣ်သၢဖျၢၣ်လၢနအိၣ်တက့ၢ်.

လံာ်လူၤကၣ် 13:4

ပှၤတဆံဃိးဂၤလၢအသံဝဲဖဲတၢးထီၡံလိၣ်လီၤပှီၢ်လၢအဖီခိၣ်, တခီလဲၣ်. မ့ၢ်သုဆိကမိၣ်လၢတၢ်မၤအသးတမံၤအံၤမ့ၢ်တၢ်အုၣ်အသးလၢ အဝဲသ့ၣ်အၢဝဲသီဝဲဒိၣ်န့ၢ်ပှၤအဂၤတဖၣ်လၢအအိၣ်ဆိးလၢဝ့ၢ် ယရူၤၡလ့ၣ်အပူၤန့ၣ်ဧါ.

လံာ်လူၤကၣ် 22:46

ဒီးအဝဲဒၣ်စံးဘၣ်အဝဲသ့ၣ်, “ဘၣ်မနုၤအဃိသုမံလဲၣ်. ဂဲၤဆၢထၢၣ်ဒီးဃ့ဘါထုကဖၣ်ဒ်သိး သုသုတလီၤနုာ်ဆူတၢ်လ့ပစီအပူၤတဂ့ၤန့ၣ်တက့ၢ်.”

လံာ်လူၤကၣ် 8:13

တၢ်ချံလၢအလီၤလၢလၢၢ်ခိၣ်ပာ်ဖျါထီၣ်ပှၤတဖၣ်လၢအနၢ်ဟူ ဘၣ်တၢ်အကလုၢ်ကထါဒီးတူၢ်လိာ်ဝဲလၢတၢ်သးခုအပူၤလီၤ. ဘၣ်ဆၣ်မၤအသးဒ်တၢ်ချံလၢအဂံၢ်တအိၣ်သူၣ်လီၤအသး ယိာ်ယိာ်ဘၣ်န့ၣ်လီၤ. အဝဲသ့ၣ်စူၢ်တၢ်နာ်တၢ်ထဲတစိၢ်ဖိဧိၤ, ဒီးဖဲတၢ်မၤကွၢ်အဆၢကတီၢ်ဟဲန့ၣ်, အဝဲသ့ၣ်လီၤဃံၤကွံာ်ဝဲလီၤ.

လံာ်ယိၤဟၣ် 17:15

ယတဃ့နၤဒ်သိးနကထုးထီၣ်ကွံာ်အဝဲသ့ၣ်လၢ ဟီၣ်ခိၣ်ချၢအဂီၢ်န့ၣ်ဘၣ်. မ့မ့ၢ်, ယဃ့နၤလၢနကအံးကွၢ်ကဟုကယာ်အဝဲသ့ၣ်ဒ်သိး အကပူၤဖျဲးဒီးတၢ်အၢတၢ်သီတဂၤအဂီၢ်န့ၣ်လီၤ.

1 ကရံၣ်သူး 10:13

ကယဲၢ်တၢ်မၤကွၢ်လၢသုလဲၤခီဖျိဘၣ်တ့ၢ်လံဝဲတဖၣ်န့ၣ် မ့ၢ်ဒၣ်တၢ်တကလုာ်ဃီလၢအတုၤအိၣ်ညီနုၢ်ပှၤဟီၣ်ခိၣ်ဖိ တဖၣ်န့ၣ်လီၤ. ဘၣ်ဆၣ်ဒီးကစၢ်ယွၤတီလၢအတၢ်အၢၣ်လီၤ, ဒီးအဝဲတပျဲသုဘၣ်တၢ်လ့ပစီသုအါန့ၢ်သုအိၣ်ဒီးတၢ်ဂံၢ် တၢ်ဘါလၢသုကဆၢထၢၣ်ကျၢၤကျၢၤအဂီၢ်ဘၣ်လီၤ. ဖဲအဆၢကတီၢ်လၢသုဘၣ်တၢ်လ့ပစီသုန့ၣ်အဝဲ ကဟ့ၣ်သုတၢ်ဂံၢ်တၢ်ဘါလၢသုကကွၢ်ဆၢၣ်မဲာ်အီၤဒီးဆၢထၢၣ် ကျၢၤကျၢၤအဂီၢ်ဒီးဒုးထူၣ်ဖျဲးထီၣ်ကွံာ်သုလၢကျဲဒ်န့ၣ်အပူၤလီၤ.

ကလီးစဲ 3:13

ဝံသးစူၤလိာ်သုသးဒီးတၢ်ပာ်ဒ့ၣ်ပာ်ကမၣ်လိာ်သုသးအလီၢ်မ့ၢ် အိၣ်ဒီးပျၢ်လိာ်သုတၢ်ကမၣ်သကိးသကိးတက့ၢ်. ပျၢ်လိာ်သုတၢ် ကမၣ်တဂၤဒီးတဂၤဒ်ကစၢ်ပျၢ်တ့ၢ်လံသုတၢ်ကမၣ်အသိးန့ၣ်တက့ၢ်.

၂ သ့းစၤလနံ 3:3

ဘၣ်ဆၣ်ဒီးကစၢ်အကလုၢ်တီဝဲဒီးအဝဲဒၣ်ကမၤဆူၣ်ထီၣ်သုသး အဂံၢ်အဘါဒီးခိးတြီဃာ်တၢ်အၢတၢ်သီတဂၤလၢသု န့ၣ်လီၤ.

၂ တံၤမသ့း 4:18

ဒီးကစၢ်ကမၤပူၤဖျဲးယၤလၢတၢ်အၢတၢ်သီခဲလၢာ်ဒီးကဟံးန့ၢ် ဒီးဆှၢယၤပူၤပူၤဖျဲးဖျဲး ဆူအမူခိၣ်ဘီမုၢ်အပူၤလီၤ. မ်တၢ်လၤကပီၤဘၣ်အီၤအစိၤစိၤအဃၣ်ဃၣ်န့ၣ်တက့ၢ်. အၤမ့ၣ်.

ယၤကိာ် 2:13

အဂ့ၢ်ဒ်လဲၣ်န့ၣ်, ကစၢ်ယွၤတမ့ၢ်လၢအကဒုးနဲၣ်တၢ်သးကညီၤဖဲအဝဲစံၣ်ညီၣ်ပှၤ တဂၤလၢအတအိၣ်ဒီးတၢ်သးကညီၤန့ၣ်ဘၣ်. ဘၣ်ဆၣ်ဒီး, တၢ်သးကညီၤမ့ၢ်တၢ်လၢအမၤနၢၤတၢ်စံၣ်ညီၣ်န့ၣ်လီၤ.

လံာ်လီၣ်ဖျါ 2:10

တၢ်လၢနကတူၢ်ဘၣ်အီၤခဲကနံၣ်အံၤန့ၣ်တဘၣ်ပျံၤအီၤနီ တမံၤတဂ့ၤ. ဒိကနၣ်တက့ၢ်. မုၣ်ကီၤလံၢ်ကမၤကွၢ်သုခီဖျိအဒုးဃာ်သုဝဲတနီၤလၢဃိာ်ပူၤ, ဒီးသုကဘၣ်ကီဘၣ်ခဲလၢအသီတဆံအတီၢ်ပူၤလီၤ. နမ့ၢ်ဘၣ်သံဒၣ်လဲာ်န့ၣ်, သးတီဒီးယၤတက့ၢ်, ဒီးယကဟ့ၣ်နၤလၢတၢ်မူဒ်နတၢ်မၤနၢၤအခိၣ်ဖးန့ၣ်လီၤ.

လံာ်လီၣ်ဖျါ 3:10

မ့ၢ်လၢသုတိၢ်န့ၢ်ဟံးဃာ်ယကလုၢ်လၢသုကတူၢ်တၢ်အိၣ်ဒီး တၢ်သူၣ်စူၤသးစူၤအဃိယကကဟုကယာ်စ့ၢ်ကီးသုလၢတၢ်ကီ တၢ်ခဲအဆၢကတီၢ်, လၢအကဟဲတုၤအိၣ်ဟီၣ်ခိၣ်ဒ်သိးအကမၤ ကွၢ်ပှၤအိၣ်လၢဟီၣ်ခိၣ်ချၢခဲလၢာ်န့ၣ်လီၤ.