လံာ်လူၤကၣ် 11:35 - Sgaw Karen Common Bible

³⁵ လၢတၢ်န့ၣ်ဃိ, ပလီၢ်နသးဒ်သိးတၢ်ကပီၤအိၣ်လၢနပူၤ အသုတမ့ၢ်တၢ်ခံးတၢ်နၤတဂ့ၤတက့ၢ်.

လံာ်လူၤကၣ် 11:35 Iomraidhean Croise

တၢ်ကတိၤဒိ. 16:25

တၢ်လၢနဆိကမိၣ်မ့ၢ်ကျဲအဘၣ်န့ၣ်ဆှၢနၤဆူတၢ်သံသ့ဝဲလီၤ.

တၢ်ကတိၤဒိ. 26:12

ပှၤဟးဂီၤဖိလၢအမၢးကတၢၢ်တဂၤန့ၣ်, ဂ့ၤဒိၣ်န့ၢ်ဒံးပှၤတဂၤလၢ အဆိကမိၣ်လီၤအသးလၢအကူၣ်တၢ်သ့ဖဲအတမ့ၢ်ဘၣ်အခါန့ၣ်လီၤ.

လံာ်မးသဲ 6:22

ပှၤကညီအမဲာ်ချံမၤသးဒ်မ့ၣ်အူဒၢတဖျၢၣ်လၢအနီၢ်ခိအဂီၢ် လီၤ. အမဲာ်ချံမ့ၢ်ဆးဒီးအနီၢ်ခိဒီဂၤညါကပှဲၤဒီးတၢ်ကပီၤလီၤ.

လံာ်လူၤကၣ် 11:34

သုမဲာ်ချံတဖၣ်မၤအသးဒ်မ့ၣ်အူဒၢတဖျၢၣ်လၢသုနီၢ်ခိအဂီၢ်လီၤ. ဖဲနမဲာ်ဆးအဆၢကတီၢ်န့ၣ်, နနီၢ်ခိဒီဂၤညါလၢပှဲၤဒီးတၢ်ကပီၤလီၤ. မ့မ့ၢ်ဖဲနမဲာ်ယုာ်န့ၣ်, နနီၢ်ခိဒီဂၤညါကအိၣ်လၢတၢ်ခံးတၢ်နၤအပူၤလီၤ.

လံာ်လူၤကၣ် 11:36

မ်ဒ်န့ၣ်ဒီးနနီၢ်ခိဒီဂၤညါမ့ၢ်လၢပှဲၤဒီးတၢ်ကပီၤ, ဒီးမ့ၢ်တအိၣ်လၢတၢ်ခံးတၢ်နၤအပူၤဘၣ်န့ၣ်, ကကပီၤထီၣ်ဝဲကပြုၢ်ကပြီၤဒီဂၤညါ, ဒ်မ့ၣ်အူဒၢတဖျၢၣ်ကပီၤထီၣ်ဝဲလၢနဂီၢ်အိၣ်ဒီး အတၢ်ကပြုၢ်ကပြီၤအသိးန့ၣ်လီၤ.”

ရိမ့ၤ 1:22

အဝဲသ့ၣ်စံးလီၤအသးလၢအကူၣ်တၢ်သ့, ဘၣ်ဆၣ်အဝဲသ့ၣ်မ့ၢ်ဒၣ်ပှၤဟးဂီၤဖိတဖၣ်န့ၣ်လီၤ.

၂ ပ့းတရူး 1:9

ဘၣ်ဆၣ်ဒီး, ပှၤလၢအတအိၣ်ဘၣ်ဒီးတၢ်သ့ၣ်တဖၣ်အံၤန့ၣ်, အတၢ်ထံၣ်ကဖုၣ်ဝဲတုၤဒၣ်လဲာ်တထံၣ်တၢ်လၢၤဘၣ်, ဒီးသးပ့ၤနီၣ်လံဝဲလၢအဝဲဘၣ်တၢ်မၤကဆှီတ့ၢ်လံအီၤလၢ အတၢ်ဒဲးဘးအပူၤကွံာ်တဖၣ်န့ၣ်လီၤ.

၂ ပ့းတရူး 2:18

အဝဲသ့ၣ်ကတိၤဒိၣ်ကတိၤသွါတၢ်လၢအခီပညီတအိၣ် တဖၣ်, ဒီးသူဝဲနီၢ်ခိအတၢ်သူၣ်ကတၢသးကတၢလုၢ်လၢ်အၢသီ တဖၣ်လၢအကကွဲန့ၢ်လွဲန့ၢ်ပှၤလၢအထူၣ်ဖျဲးထီၣ်သီလၢပှၤလၢ အအိၣ်မူလၢတၢ်ကမၣ်အပူၤတဖၣ်အကျါန့ၣ်လီၤ.

လံာ်လီၣ်ဖျါ 3:17

နစံးနဲ, ‘ယထူးယတီၤဒီးယတၢ်စုလီၢ်ခီၣ်ခိၣ်တဖၣ် အါထီၣ်ဂီၢ်ထီၣ်ဝဲဒၣ်ဒိၣ်ဒိၣ်အါအါလီၤ. ယအိၣ်ဒီးတၢ်လၢယလိၣ်ဘၣ်အီၤခဲလၢာ်လံ.’ ဘၣ်ဆၣ်ဒီး, နဘၣ်ဖှီၣ်ဘၣ်ယာ်, ဒီးနလီၤသးကညီၤနဲဆံးအါန့ၣ်နတသ့ၣ်ညါ နဲဘၣ်. နဖှီၣ်နယာ်, နအိၣ်ဘ့ၣ်ဆ့ဒီးနမဲာ်ဘျီၣ်လီၤ.