လံာ်လူၤကၣ် 11:32 - Sgaw Karen Common Bible

³² လၢမုၢ်စံၣ်ညီၣ်နံၤန့ၣ်, ပှၤနံၤနဝ့ဖိတဖၣ်ကဂဲၤဆၢထၢၣ် ဒီးပာ်တၢ်ကမၣ်ထီဒါသု, အဂ့ၢ်မ့ၢ်လၢအဝဲသ့ၣ်ဃၣ်ကဒါကွံာ်အသးလၢ အတၢ်ဒဲးတူာ်ဒဲးဘးတဖၣ်ဖဲအနၢ်ဟူဘၣ်စီၤယိၤနါစံၣ်တဲၤတဲလီၤတၢ် အဃိလီၤ. ဒီးယစံးဘၣ်သု, ပှၤလၢအဒိၣ်န့ၢ်ဒံးစီၤယိၤနါအိၣ်မးဝဲဖဲအံၤတဂၤလီၤ.

လံာ်လူၤကၣ် 11:32 Iomraidhean Croise

လံာ်ယိၤနါ 3:4

စီၤယိၤနါစးထီၣ်လဲၤနုာ်လၢဝ့ၢ်ပူၤ, လဲၤတၢ်တနံၤအကျဲဒီးကိးထီၣ်ဝဲ, “အိၣ်တီၢ်ဒၣ်အနံၤလွံၢ်ဆံလၢဝ့ၢ်နံၤနဝ့ကဘၣ်တၢ်မၤဟးဂီၤ ကွံာ်အီၤန့ၣ်လီၤ.”

လံာ်ယိၤနါ 3:5

ဒီးပှၤနံၤနဝ့ဖိတဖၣ်နာ်ကစၢ်ယွၤအတၢ်ကစီၣ်လီၤ. လၢတၢ်န့ၣ်အဃိ, အဝဲသ့ၣ်ဘိးဘၣ်သ့ၣ်ညါတၢ်ဒုၣ်တၢ်အီၣ်, ဒီးပှၤခဲလၢာ်, ပှၤအဒိၣ်တုၤလၢပှၤအဆံးသိးထီၣ်ဆ့ကၤထၢၣ်သွ့ဒ်သိးကပာ်ဖျါ ထီၣ်ဝဲလၢအဝဲသ့ၣ်ပီၢ်ယၢ်လီၤက့ၤလံအသးန့ၣ်လီၤ.

လံာ်ယိၤနါ 4:9

ဘၣ်ဆၣ်ကစၢ်ယွၤစံးဘၣ်စီၤယိၤနါ, “နသးဒိၣ်လၢမာ်တိ အဃိန့ၣ်ဂ့ၤစ့ၢ်ကီးဧါ.” ဒီးစီၤယိၤနါစံးဆၢ, “ယသးဒိၣ်န့ၣ်ဂ့ၤဝဲ, ဒီးယသးဒိၣ်တုၤယကသံဒၣ်လဲာ်န့ၣ်လီၤ.”

လံာ်မးသဲ 12:39

ဘၣ်ဆၣ်ဒီးယ့ၣ်ၡူးစံးဆၢဝဲ, “ပှၤတစိၤလၢအအၢအသီဒီး အသးတတီဒီးယွၤသ့ၣ်ဧၢ, သုဃုတၢ်လီၤလးဘၣ်ဆၣ်တၢ်လီၤလးအဂၤ တဘၣ်တၢ်ဟ့ၣ်လီၤသုဘၣ်. ကဘၣ်တၢ်ဟ့ၣ်လီၤသုထဲဒၣ်တၢ်လီၤလးလၢ အမၤအသးဒီးဝံယိၤနါတမံၤဧိၤန့ၣ်လီၤ.

လံာ်မးသဲ 12:41

လၢမုၢ်စံၣ်ညီၣ်အနံၤန့ၣ်, ပှၤဝ့ၢ်နံၤနဝ့ဖိတဖၣ်ကဆၢထၢၣ်ဒီးပှၤတစိၤအံၤဒီး ကစံၣ်ညီၣ်ဃၣ်အီၤလီၤ. အဂ့ၢ်ဒ်အံၤ, အဝဲသ့ၣ်ပီၢ်ယၢ်လီၤက့ၤအသး ဒီးဃၣ်လိၤက့ၤအသးဖဲအနၢ်ဟူစီၤယိၤနါအတၢ်စံၣ်တဲၤတဲလီၤန့ၣ်လီၤ. ယစံးဘၣ်တဲဘၣ်သု, တၢ်တမံၤအဒိၣ်န့ၢ်ဒီးစီၤယိၤနါအိၣ်ဖဲအံၤလီၤ.

လံာ်လူၤကၣ် 11:31

လၢမုၢ်စံၣ်ညီၣ်အနံၤန့ၣ်, ၡဘၤအနီၢ်ပၤမုၣ်ကဂဲၤဆၢထၢၣ်ဒီး ပာ်တၢ်ကမၣ်ထီဒါပှၤတစိၤအံၤ, အဂ့ၢ်မ့ၢ်လၢအဝဲဒၣ်ဟဲလၢတၢ်လီၢ်ဖးယံၤဖးစၢၢ်ဒ်သိး အကနၢ်ဟူဘၣ်စီၤၡလိၤမိၤအတၢ်သိၣ်လိလၢ အလၢပှဲၤဒီးတၢ်ကူၣ်ဘၣ်ကူၣ်သ့အဃိလီၤ. မ့မ့ၢ်, ယစံးဘၣ်သု, ပှၤလၢအဒိၣ်န့ၢ်ဒံးစီၤၡလိၤမိၤအိၣ်မးဝဲဖဲအံၤတဂၤလီၤ.

ဧ့ၤဘြံၤ 7:26

မ့မ့ၢ်ဒ်န့ၣ်ဒီး, ဂ့ၤဝဲဘၣ်ဝဲလၢပကအိၣ်ဒီးပှၤလုၢ်တၢ်အခိၣ်အဒိၣ် ကတၢၢ်ဒ်န့ၣ်အသိးတဂၤလၢအမၤပှဲၤကယဲၢ်ပတၢ်လိၣ်, လၢ အစီဝဲဆှံဝဲ, လၢပှၤပာ်တၢ်ကမၣ်လၢအလိၤအလီၢ်တအိၣ် ဘၣ်, လၢအတဘၣ်အၢဘၣ်သီဘၣ်, လၢအဘၣ်တၢ်ပာ် လီၤဆီအီၤဒီးပှၤတၢ်ဒဲးဘးဖိတဖၣ်အအိၣ်, ဒီးလၢအဘၣ်တၢ်ပာ်ထီၣ်ထီအီၤထီန့ၢ်မူခိၣ်တက့ၢ် န့ၣ်လီၤ.