လံာ်လူၤကၣ် 11:29 - Sgaw Karen Common Bible

²⁹ ဖဲပှၤဂီၢ်မုၢ်အိၣ်ဝးတရံးယ့ၣ်ၡူးအါထီၣ်ဝဲန့ၣ်, အဝဲဒၣ်ကတိၤထီၣ်တၢ်ဒီးစံးဝဲ, “ပှၤကညီလၢမုၢ်မဆါတနံၤအံၤတဖၣ်အၢဝဲသီဝဲဆံးဒိၣ်လဲၣ်. အဝဲသ့ၣ်ဃ့တၢ်လီၤလးတမံၤ, ဘၣ်ဆၣ်ဒီးတၢ်တဟ့ၣ်အီၤလၢတၢ်လီၤလးနီတမံၤဘၣ်. တၢ်ကဟ့ၣ်အီၤထဲတၢ်လီၤလးတမံၤလၢအဘၣ်ဃးဒီး စီၤယိၤနါန့ၣ်လီၤ.

လံာ်လူၤကၣ် 11:29 Iomraidhean Croise

လံာ်ယဃ့းစက့လး 24:24

အန့ၣ်ဒီဲး, ယကကဲထီၣ်တၢ်ပနီၣ်တမံၤလၢသုဂီၢ်န့ၣ်လီၤ. သုကမၤတၢ်ခဲလၢာ်လၢယမၤတ့ၢ်အီၤန့ၣ်လီၤ. ယွၤစံးဝဲဒၣ်လၢ, ဖဲတၢ်တဖၣ်အံၤမၤအသးန့ၣ်, သုကသ့ၣ်ညါလၢအဝဲမ့ၢ်ယွၤ, ပၢဘၣ်တၢ်ခဲလၢာ်ကစၢ်န့ၣ်လီၤ.”

လံာ်ယိၤနါ 1:1

ဘၣ်တနံၤယွၤကတိၤတၢ်ဒီးစီၤအမံးတဲၤအဖိခွါစီၤယိၤနါဒီးစံးဝဲ,

လံာ်မးသဲ 3:7

တုၤစီၤယိၤဟၣ်ထံၣ်ဘၣ်ပှၤဖၤရံၤၡဲဒီးပှၤစးဒူၤကဲအါဒံအါ ဂၤလၢအဟဲလၢကဒိးဘျၢအသးလၢထံအဂီၢ်န့ၣ်ဒီးစံးဘၣ်အဝဲသ့ၣ်, “ဂုၢ်ဘီၣ်အီးသ့ၣ်ဧၢ, မတၤဟ့ၣ်ပလီၢ်သုလၢသုကဃ့ၢ်ပူၤကွံာ်လၢ ကစၢ်ယွၤအတၢ်စံၣ်ညီၣ်လၢအကဟဲန့ၣ်လဲၣ်.

လံာ်မၢ်ကူး 8:38

ပှၤတဂၤဂၤမ့ၢ်မဲာ်ဆှးယၤဒီးယတၢ်သိၣ်လိသီလိလၢစိၤလၢ အပှဲၤဒီးတၢ်တစူၢ်တနာ်ယွၤဒီးတၢ်အၢတၢ်သီအံၤန့ၣ်, ပှၤကညီဖိခွါကမဲာ်ဆှးအီၤဖဲအဝဲဟဲသကိးဒီးမူခိၣ်ကလူး စီဆှံတဖၣ်ပှဲၤဒီးပၢ်အလၤကပီၤအဆၢကတီၢ်န့ၣ်လီၤ.

လံာ်လူၤကၣ် 11:16

မ့မ့ၢ်ပှၤအဂၤတဖၣ်သးအိၣ်မၤကွၢ်အီၤသတးဒီး, မၢအဝဲဒၣ်မၤတၢ်လီၤလးတမံၤဒ်သိးအကပာ်ဖျါထီၣ် ကစၢ်ယွၤအတၢ်ဘၣ်အသးလၢအီၤအဂီၢ်န့ၣ်လီၤ.

လံာ်လူၤကၣ် 11:50

လၢတၢ်န့ၣ်အဃိ, ပှၤတစိၤအံၤကဘၣ်တၢ်စံၣ်ညီၣ်အီၤလၢတၢ်မၤသံဝံခဲလၢာ် စးထီၣ်လၢတၢ်တ့လီၤသီဟီၣ်ခိၣ်လံၤလံၤ,

လံာ်လူၤကၣ် 12:1

ဖဲပှၤဂီၢ်မုၢ်လၢအကထိတဖၣ်ပာ်ဖှိၣ်ထီၣ်အသးပှဲၤကတံာ်မး တုၤဒၣ်လဲာ်ယီၢ်လိာ်ဘၣ်အသးတဂၤဒီးတဂၤအဆၢကတီၢ်န့ၣ်, ယ့ၣ်ၡူးစံးဘၣ်ဆိအပျဲၢ်အဘီၣ်တဖၣ်, “ပလီၢ်သုသးလၢပှၤဖၤရံၤၡဲတဖၣ်အကိၣ်မံၣ်လၢ အမ့ၢ်အဝဲသ့ၣ်အတၢ်ပာ်မၤအသးန့ၣ်တက့ၢ်.

လံာ်လူၤကၣ် 9:41

ယ့ၣ်ၡူးစံးဆၢဝဲ, “သုဝဲသ့ၣ်အံၤ, သုတၢ်စူၢ်တၢ်နာ်တအိၣ်, ဒီးသုနၢ်က့ၣ်မးလဲၣ်. ယကဘၣ်အိၣ်ဒီးသုဆံးယံာ်လဲၣ်. ယကဘၣ်ဝံသးစူၤသုဆံးယံာ်လဲၣ်.” တုၤနုၤတစုအဝဲဒၣ်စံးဘၣ်ပှၤတဂၤန့ၣ်, “ဟဲစိာ်နဖိခွါဖဲအံၤတက့ၢ်.”

လံာ်ယိၤဟၣ် 2:18

အန့ၣ်ဒီးပှၤယူဒၤဖိအခိၣ်အနၢ်တဖၣ်စံးဘၣ်အီၤ, “နမၤတၢ်လီၤလးမနုၤသ့လၢကဒုးနဲၣ်ပှၤလၢယွၤ ဟ့ၣ်နၤတၢ်အခွဲးအယာ်လၢနကမၤတၢ်အံၤန့ၣ်လဲၣ်.”

လံာ်ယိၤဟၣ် 6:30

အဝဲသ့ၣ်စံးဆၢဝဲ, “ဒ်သိးပကထံၣ်ဘၣ်ဒီးစူၢ်က့ၤနာ်က့ၤနၤ အဂီၢ်န့ၣ်, နကမၤတၢ်လီၤလးမနုၤတမံၤလဲၣ်. နကမၤတၢ်မနုၤလဲၣ်.

လံာ်ယိၤဟၣ် 8:44

သုမ့ၢ်သုပၢ်မုၣ်ကီၤလံၢ်အဖိတဖၣ်ဒီးသုသးအိၣ်မၤအတၢ်ဘၣ် အသးန့ၣ်လီၤ. လၢအခီၣ်ထံးလံၤလံၤန့ၣ်, အဝဲမ့ၢ်ပှၤမၤသံပှၤကညီဒီးတဆၢထၢၣ်လၢ တၢ်မ့ၢ်တၢ်တီအဂီၢ်နီတဘျီဘၣ်, အဂ့ၢ်မ့ၢ်လၢ တၢ်မ့ၢ်တၢ်တီတအိၣ်ဘၣ်လၢအပူၤအဃိလီၤ. တုၤအဝဲကတိၤတၢ်ကဘျံးကဘျၣ်ဒီးမ့ၢ်ဒၣ်အဝဲမၤတၢ်လၢ အဝဲမၤညီနုၢ်ဝဲန့ၣ်လီၤ. အဂ့ၢ်မ့ၢ်လၢအဝဲမ့ၢ်ပှၤကတိၤကဘျံး ကဘျၣ်တၢ်တဂၤဒီးမ့ၢ်တၢ်ကဘျံးကဘျၣ်ခဲလၢာ်အပၢ်အဃိလီၤ.

1 ကရံၣ်သူး 1:22

လၢတၢ်အုၣ်အသးအဂီၢ်န့ၣ်, ပှၤယူဒၤဖိတဖၣ်သးအိၣ်ဒိးန့ၢ်ဘၣ် တၢ်လီၤလး, မ့မ့ၢ်ပှၤကြံးခ် ဖိတဖၣ်ကွၢ်ဃုတၢ်ကူၣ်ဘၣ်ကူၣ်သ့လီၤ.