လံာ်လူၤကၣ် 11:28 - Sgaw Karen Common Bible

²⁸ ဘၣ်ဆၣ်ဒီးယ့ၣ်ၡူးစံးဆၢဝဲ, “ပှၤလၢအဘၣ်ဆိၣ်ဂ့ၤဝဲတဖၣ်န့ၣ်, အနီၢ်နီၢ်, မ့ၢ်ပှၤလၢအနၢ်ဟူကစၢ်ယွၤအကလုၢ်ကထါဒီးစူၢ်ဝဲန့ၣ်လီၤ.”

လံာ်လူၤကၣ် 11:28 Iomraidhean Croise

စံးထီၣ်ပတြၢၤ 112:1

စံးထီၣ်ပတြၢၤယွၤတက့ၢ်. ပှၤလၢအပျံၤယွၤ, ပှၤလၢအသးခုဒိၣ်ဒိၣ်ကလဲာ်လၢတၢ်စူၢ် အတၢ်မၤလိာ်အပူၤန့ၣ်ဘၣ်ဆိၣ်ဂ့ၤဝဲလီၤ.

စံးထီၣ်ပတြၢၤ 128:1

ကယဲၢ်ပှၤလၢအပျံၤယွၤ, ဒီးပိာ်အကျဲတဖၣ်န့ၣ်ဘၣ်ဆိၣ်ဂ့ၤဝဲလီၤ.

တၢ်ကတိၤဒိ. 19:16

တိၢ်န့ၢ်ကစၢ်ယွၤအတၢ်သိၣ်တၢ်သီတဖၣ်ဒီးနကအိၣ်မူယံာ်ထီၣ် လီၤ. နမ့ၢ်ကွၢ်ကပာ်ကွံာ်အီၤဒီးနကသံလီၤ.

တၢ်ကတိၤဒိ. 8:32

ဒီးခဲကနံၣ်အံၤပှၤသးစၢ်သ့ၣ်ဧၢ, ကနၣ်ယကလုၢ်တက့ၢ်. မၤဒ်ယစံးဘၣ်သုအသိးဒီးသုကဘၣ်ဆိၣ်ဂ့ၤလီၤ.

လံာ်လူၤကၣ် 8:21

ယ့ၣ်ၡူးစံးဘၣ်အဝဲသ့ၣ်ကိးဂၤဒဲး, “ယမိၢ်ဒီးယဒီပုၢ်ဝဲၢ်ခွါတဖၣ်မ့ၢ်ဝဲပှၤသ့ၣ်တဖၣ်လၢ အနၢ်ဟူကစၢ်ယွၤအကလုၢ်ကထါဒီးစူၢ်ဝဲန့ၣ်လီၤ.”

လံာ်ယိၤဟၣ် 13:17

ခဲအံၤမ့ၢ်လၢသုသ့ၣ်ညါတၢ်မ့ၢ်တၢ်တီအံၤလံဒီး, သုမ့ၢ်မၤအီၤန့ၣ်, သုကဘၣ်ဆိၣ်ဂ့ၤနီၢ်နီၢ်လီၤ.

လံာ်လီၣ်ဖျါ 1:3

ပှၤတဂၤလၢအဖးလံာ်တဘ့ၣ်အံၤန့ၣ်ဘၣ်ဆိၣ်ဂ့ၤဝဲ, ဒီးပှၤတဖၣ်လၢအဒိကနၣ်တၢ်ကတိၤတဖၣ်လၢဝံအတၢ်ကစီၣ် တမံၤအံၤအပူၤဒီးစူၢ်တၢ်လၢအအိၣ်ကွဲးနီၣ်အသးဖဲလံာ် တဘ့ၣ်အံၤအပူၤန့ၣ်, ဘၣ်ဆိၣ်ဂ့ၤဝဲလီၤ. အဂ့ၢ်ဒ်အံၤ, တၢ်ဆၢကတီၢ်ဘူးထီၣ်တ့ၢ်လံဝဲလၢတၢ်သ့ၣ်တဖၣ်အံၤခဲလၢာ် ကမၤအသးန့ၣ်လီၤ.

လံာ်လီၣ်ဖျါ 22:14

ပှၤသ့ၣ်တဖၣ်လၢအသ့စီကွံာ်အဆ့ကၤဖးထီသတးဒီး အိၣ်ဒီးအခွဲးအယာ်လၢအကအီၣ်သ့ၣ်တၢ်မူအသၣ် ဒီးလဲၤခီဂာ်တြဲၤဖးဒိၣ်တဖၣ်ဆူဝ့ၢ်တဖျၢၣ်န့ၣ်အပူၤန့ၣ်, ဘၣ်ဆိၣ်ဂ့ၤဝဲလီၤ.