လံာ်လူၤကၣ် 11:26 - Sgaw Karen Common Bible

²⁶ တုၤနုၤတစုအဝဲဒၣ်ဟးထီၣ်ဒီးဟဲက့ၤကိးတၢ်နါအဂၤနွံဒုလၢ အအၢန့ၢ်အဝဲအနီၢ်ကစၢ်, ဒီးအဝဲသ့ၣ်ဟဲဒီးအိၣ်ဝဲဆိးဝဲဖဲန့ၣ်လီၤ. လၢတၢ်န့ၣ်အဃိ, လၢခံကတၢၢ်န့ၣ်ပှၤကညီအဝဲန့ၣ်အၢဒိၣ်န့ၢ်ဒံးလၢ အခီၣ်ထံးတက့ၢ်လီၤ.”

လံာ်လူၤကၣ် 11:26 Iomraidhean Croise

လံာ်စဖါနယၤ 1:6

ပှၤတဖၣ်လၢအဃၣ်ကဒါက့ၤအသးဆူအလီၢ်ခံဒီးတပိာ် လၢၤဘၣ်ယခံ, ပှၤတဖၣ်လၢအတဟဲဘၣ်ဆူယအိၣ်မ့ၢ်ဂ့ၤ, တသံကွၢ်ဘၣ်ယၤလၢယကပၢဆှၢအီၤမ့ၢ်ဂ့ၤန့ၣ် ယကမၤဟးဂီၤအီၤလီၤ.”

လံာ်မးသဲ 12:45

တုၤနုၤတစုအဝဲလဲၤကိးန့ၢ်တၢ်နါအၢန့ၢ်အနီၢ်ကစၢ်ဒၣ်ဝဲနွံ ဒုဒီးဟဲက့ၤအိၣ်ဝဲဆိးဝဲဖဲန့ၣ်လီၤ. တၢ်လၢပှၤတဂၤန့ၣ်အတၢ်မ့ၢ်တၢ်လၢခံကတၢၢ်အၢန့ၢ်ဒံးလၢအခီၣ် ထံးတက့ၢ်လီၤ. လၢတၢ်န့ၣ်အဃိ, တၢ်ကမၤစ့ၢ်ကီးအသးဒီးပှၤအၢပှၤသီ တစိၤအံၤဒ်န့ၣ်အသိးလီၤ.”

လံာ်မးသဲ 23:15

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, ဒ်သိးသုကမၤန့ၢ်ဘၣ်ပှၤတဂၤလၢအတမ့ၢ်ဘၣ်ပှၤယူဒၤဖိ ဆူသုတၢ်ဘူၣ်တၢ်ဘါအပူၤအဂီၢ်န့ၣ်, သုဒိးထီၣ်ကဘီဒီးခီပီၣ်လဲၣ်ပီၣ်တြီၤဒီးထံကီၢ်တဖၣ်လီၤ. ဒီးတုၤသုမၤအီၤန့ၢ်လံဒီး, သုဒုးကဲထီၣ်အီၤလၢပှၤတဂၤလၢအကြၢးလီၤဘၣ်ဆူလရာ်အပူၤ ဒိၣ်န့ၢ်ဒံးသုကစၢ်ဒၣ်သုဝဲခံစးန့ၣ်လီၤ.

လံာ်လူၤကၣ် 11:25

လၢတၢ်န့ၣ်အဃိအဝဲဒၣ်က့ၤကဒါက့ၤဒီးထံၣ်ဝဲဟံၣ်န့ၢ်ကဆှဲ ကဆှီဒီးအိၣ်ကတဲာ်ကတီၤအသးလၢအဂ့ၢ်အဝီလီၤ.

လံာ်လူၤကၣ် 11:27

ဖဲယ့ၣ်ၡူးကတိၤတၢ်ကတိၤတထံၣ်အံၤဝံၤန့ၣ်, ပိာ်မုၣ်တဂၤကတိၤထီၣ်တၢ်လၢပှၤကမျၢၢ်အကျါဒီးစံးဘၣ်အီၤ, “ပိာ်မုၣ်လၢအဆံးစၢ်ထီၣ်နၤဒီးဒုးအီၣ်နုၢ်နၤတဂၤန့ၣ်, မ့ၢ်ပှၤလၢအဘၣ်ဆိၣ်ဂ့ၤလီၤ.

လံာ်ယိၤဟၣ် 5:14

လၢခံက့ၤဒီး, ယ့ၣ်ၡူးထံၣ်န့ၢ်အီၤလၢတၢ်လုၢ်ဟံၣ်အပူၤ ဒီးစံးဘၣ်အီၤ, “ကနၣ်တက့ၢ်. ခဲအံၤနဘျါက့ၤလံအဃိ မၤလၢၤတၢ်ဒဲးဘးတဂ့ၤ. နမ့ၢ်မၤဒီးတၢ်နးန့ၢ်အလီၢ်ကဟဲဘၣ် နၤန့ၣ်လီၤ.”

၁ ယိၤဟၣ် 5:16

ပှၤတဂၤဂၤမ့ၢ်ထံၣ်အဒီပုၢ်ဝဲၢ်မၤတၢ်ဒဲးဘးလၢ အတမ့ၢ်ဘၣ်တၢ်ဒဲးဘးလၢအဆှၢပှၤဆူတၢ်သံန့ၣ်, အဝဲကြၢးဃ့တၢ်လၢကစၢ်ယွၤဒီးကစၢ်ယွၤ ကဟ့ၣ်ပှၤလၢအမၤတၢ်ဒဲးဘးန့ၣ်လၢတၢ်မူလီၤ. အဝဲအံၤဘၣ်ဃးဒၣ်ဒီးပှၤလၢအတၢ်ဒဲးဘးတမ့ၢ်ဘၣ် တၢ်ဒဲးဘးလၢအဆှၢပှၤဆူတၢ်သံတဖၣ်န့ၣ်လီၤ. ဘၣ်ဆၣ်ဒီးတၢ်ဒဲးဘးလၢအဆှၢပှၤဆူတၢ်သံန့ၣ်အိၣ် ဝဲဒၣ်, ဒီးယတစံးလၢသုကြၢးဃ့တၢ်လၢကစၢ်ယွၤ လၢတၢ်ဒဲးဘးဒ်သိးန့ၣ်တဖၣ်အဂီၢ်ဘၣ်.