လံာ်လူၤကၣ် 11:24 - Sgaw Karen Common Bible

²⁴ ဖဲတၢ်နါတဒုဟးထီၣ်ကွံာ်လၢပှၤကညီတဂၤအပူၤန့ၣ်, အဝဲဒၣ်ဟးလၢတၢ်လီၢ်အဃ့ထီဒီးလူၤဃုဝဲတၢ်လီၢ်တတီၤလၢ အကအိၣ်ဘှံးအိၣ်သါဝဲအဂီၢ်လီၤ. အဝဲမ့ၢ်တထံၣ်ဝဲနီတတီၤဘၣ်ဒီး, စံးလီၤက့ၤအသးဒၣ်ဝဲ, ‘ယကက့ၤကဒါက့ၤဆူယဟံၣ်လၢ ယဟးထီၣ်တ့ၢ်ယဲလၢအပူၤတဖျၢၣ်န့ၣ်လီၤ.’

လံာ်လူၤကၣ် 11:24 Iomraidhean Croise

လံာ်စီၤယိၤဘး 1:7

ဒီးယွၤသံကွၢ်မုၣ်ကီၤလံၢ်, “နဟးမၤတ့ၢ်တၢ်မနုၤလဲၣ်.” ဒီးမုၣ်ကီၤလံၢ်စံးဆၢယွၤဒီးစံး, “ယဟးဖဲအံၤဖဲနုၤဒီးဟးဝ့ၤဝီၤလၢဟီၣ်ခိၣ်ချၢန့ၣ်လီၤ.

လံာ်စီၤယိၤဘး 2:2

ဒီးယွၤသံကွၢ်မုၣ်ကီၤလံၢ်, “နဟဲလၢလဲၣ်” ဒီးမုၣ်ကီၤလံၢ် စံးဆၢယွၤဒီးစံး “ယဟးဖဲအံၤဖဲနုၤဒီးယဟးဝ့ၤဝီၤလၢ ဟီၣ်ခိၣ်ချၢအပူၤန့ၣ်လီၤ.”

စံးထီၣ်ပတြၢၤ 63:1

ကစၢ်ယွၤဧၢ, နမ့ၢ်ယကစၢ်ယွၤ ဒီးယသးသယုၢ်ဘၣ်နၤလီၤ. ယနီၢ်ဒီတဂၤညါဆၢန့ၢ်ဘၣ်နၤ ဒ်ကီၢ်လၢအဃ့စိၢ်ဃ့ထီဒီး ထံတအိၣ်ဘၣ်အသိးန့ၣ်လီၤ. ယသးအံၤသူအသးလၢနၤလီၤ.

တၢ်ကတိၤဒိ. 4:16

ပှၤတတီတလိၤတဖၣ်န့ၣ်, မ့ၢ်တမၤကမၣ်ဘၣ်တၢ်တမံၤမံၤဒီးမံဝဲ တန့ၢ်ဘၣ်. မ့ၢ်တမၤဆါဘၣ်ပှၤတဂၤဂၤဘၣ်ဒီး, တမံဘၣ်ဝဲဘၣ်.

လံာ်ယၡါယၤ 35:7

မဲးမုၢ်ကိၢ်ကကဲထီၣ်ကမါတခါ ဒီးဟီၣ်ခိၣ်လၢအဃ့ထီန့ၣ်ကဘၣ်တၢ်မၤပှဲၤအီၤဒီးထံမူထီၣ်ပၢၢ် တဖၣ်လီၤ. ဖဲထွံၣ်မံၤတဖၣ်အိၣ်ဆိးတ့ၢ်ဝဲအလီၢ်န့ၣ်, တပိၢ်ဒီးဆှဲတဖၣ်ကမဲထီၣ်ဝဲလီၤ.

လံာ်ယၡါယၤ 44:3

ယကဟ့ၣ်လီၤထံဆူကီၢ်လၢအသးသူထံ, ဒီးဒုးယွၤလီၤထံကျိတဖၣ်လၢဟီၣ်ခိၣ်လၢအဃ့ထီအလိၤန့ၣ် လီၤ. ယကလူလီၤဂၢ်လီၤယသးလၢသုဖိတဖၣ်အဖီခိၣ်, ဒီးယတၢ်ဆိၣ်ဂ့ၤလၢသုစၢၤသုသွဲၣ်တဖၣ်အလိၤလီၤ.

လံာ်ယၡါယၤ 48:22

“လၢပှၤတတီတလိၤတဖၣ်အဂီၢ်န့ၣ်တၢ်ဃူတၢ်ဖိးတအိၣ်ဘၣ်.” ယွၤစံးဝဲဒၣ်လီၤ.

လံာ်မၢ်ကူး 5:10

ဒီးအဝဲဒၣ်ဃ့ကညးယ့ၣ်ၡူးသပှၢ်ပှၢ်လၢ အသုတမၢအဟးထီၣ်ကွံာ်လၢကီၢ်န့ၣ်အပူၤတဂ့ၤလီၤ.

လံာ်မၢ်ကူး 9:25

တုၤမ့ၢ်ယ့ၣ်ၡူးထံၣ်ဘၣ်ပှၤဂီၢ်မုၢ်တဖၣ်ဟဲဆီၣ်သနံးအသးဘူး ဒီးအဝဲအိၣ်တၢ်အလီၢ်န့ၣ်, အဝဲဒူတၢ်နါအလိၤဒီးစံးဘၣ်အီၤ, “တၢ်နါလၢအဒုးတအၢပှၤနၢ်ဒီး မၤအုးအးပှၤတဒုဧၢ, ယမၤလိာ်နၤ, ဟးထီၣ်ကွံာ်လၢဖိသၣ်အံၤအအိၣ်တက့ၢ်. ဒီးတဘၣ်ဟဲဒိးလၢၤအီၤနီတစုတဂ့ၤ.”

လံာ်လူၤကၣ် 11:25

လၢတၢ်န့ၣ်အဃိအဝဲဒၣ်က့ၤကဒါက့ၤဒီးထံၣ်ဝဲဟံၣ်န့ၢ်ကဆှဲ ကဆှီဒီးအိၣ်ကတဲာ်ကတီၤအသးလၢအဂ့ၢ်အဝီလီၤ.

အ့းဖ့းစူး 2:2

အကတီၢ်ဖဲန့ၣ်အခါသုအိၣ်မူတ့ၢ်သုဝဲလၢတၢ်ဒဲးဘးအပူၤ, သုလဲၤတ့ၢ်တၢ်လၢဟီၣ်ခိၣ်အကျဲအၢကျဲသီတဖၣ်အပူၤ ဒီးသုစူၢ်တ့ၢ်တၢ်ဝံတၢ်နါလၢမူကပိာ်လိၤတဖၣ်အကစၢ် လၢအပၢဘၣ်ပှၤတဖၣ်လၢအတစူၢ်ဘၣ်ကစၢ်ယွၤန့ၣ်လီၤ.

၁ ပ့းတရူး 5:8

အိၣ်စီၣ်မဲာ်စီၣ်နါဒီးဆိးသီတက့ၢ်. သုဒုၣ်သုဒါမုၣ်ကီၤလံၢ်ဟးဝ့ၤဝီၤဒ်ခ့ယုၢ်ကညီၤရုၢ်ရုၢ် အသိးဒီးဃုပှၤလၢအကယူၢ်လီၤဝဲလီၤ.