လံာ်လူၤကၣ် 11:22 - Sgaw Karen Common Bible

²² ဘၣ်ဆၣ်ဒီး, ဖဲပှၤလၢအဂံၢ်အဘါဆူၣ်န့ၢ်အီၤတဂၤ ဟဲဒုးဒီးမၤနၢၤကွံာ်အီၤန့ၣ်, အဝဲစိာ်ကွံာ်တၢ်စုကဝဲၤလၢဟံၣ်ကစၢ်သန့ၤအသးလၢအီၤတဖၣ်ခဲ လၢာ်, ဒီးနီၤဖးလီၤတၢ်လၢအဂုာ်န့ၢ်ဝဲတဖၣ်လီၤ.

လံာ်လူၤကၣ် 11:22 Iomraidhean Croise

လံာ်တၢ်ကဲထီၣ်အခီၣ်ထံး 3:15

ယကမၤတုၤနၤဒီးပိာ်မုၣ်သးဟ့လိာ်သး, ဒီးအချံအသၣ်ဒီးနချံ နသၣ်န့ၣ်ကမ့ၢ်ဒုၣ်ဒါထီဘိန့ၣ်လီၤ. ပိာ်မုၣ်အချံအသၣ်ကမၤသဘှံးနခိၣ်ဒီးနချံနသၣ်ကဖျးအဝဲသ့ၣ် အခီၣ်နၢၣ်ခံလီၤ.”

လံာ်တၢ်ဟးထီၣ်ကွံာ် 15:9

ဒုၣ်ဒါန့ၣ်စံးဝဲဒၣ်, ယကလူၤထွဲဒီးဖီၣ်န့ၢ်အဝဲသ့ၣ်, ယကနီၤဖးအတၢ်စုလီၢ်ခီၣ်ခိၣ်ဒီးဟံးန့ၢ်ကယဲၢ်တၢ်လၢယသးလီခဲလၢာ်, ယကထုးထီၣ်ယနးဒီးဟံးန့ၢ်တၢ်အိၣ်ဒီးအဝဲသ့ၣ်ခဲလၢာ်န့ၣ်လီၤ.

လံာ်ယၡါယၤ 27:1

တၢ်လၢမုၢ်တနံၤန့ၣ်, ယွၤကသူအနးလၢအတဟီၣ်ဆူၣ်ဒီးမၤ သံတၢ်သ့တဘ့ၣ်လၢကစံၣ်ညီၣ်သမၣ်ဂုၢ်, လၢအစွါဒ်ထိးကလဲာ် ဒီးဝံာ်ပကံးအသးဒ်ပယိၤအသိးန့ၣ်, ဒီးကမၤသံတၢ်မုၢ်ဃၢ်ဖး ဒိၣ်လၢအအိၣ်လၢပီၣ်လဲၣ်ပူၤန့ၣ်လီၤ.

လံာ်ယၡါယၤ 53:12

မၤသးဒ်န့ၣ်ဒီး, ယကဟ့ၣ်အီၤတၢ်လၤတၢ်ကပီၤအလီၢ်တတီၤ, တၢ်လီၢ်တတီၤလၢပှၤအဒိၣ်စိဒိၣ်ကမီၤတဖၣ်အကျါလီၤ. အဝဲဟ့ၣ်လီၤကွံာ်အသးလၢတၢ်သးအိၣ်အပူၤ ဒီးတူၢ်သကိးတၢ်ဒီးတၢ်ဘူၣ်တၢ်တီၢ်လၢအလီၤဘၣ်ပှၤ အၢပှၤသီတဖၣ်န့ၣ်လီၤ. အဝဲဟံးန့ၢ်ပှၤတၢ်ဒဲးဘးဖိအါဂၤအလီၢ်ဒီးဘါထုကဖၣ်ဝဲလၢ အဝဲသ့ၣ်အတၢ်ဒဲးဘးကဘၣ်တၢ်ပျၢ်အီၤအဂီၢ်လီၤ.”

လံာ်လူၤကၣ် 11:21

ဖဲပှၤဂံၢ်ဆူၣ်ဘါဆူၣ်တဂၤလၢအအိၣ်ဒီးအတၢ်စုကဝဲၤ ကတဲာ်ကတီၤအသးခဲလၢာ်, အိၣ်ခိးကွၢ်ထွဲအဟံၣ်အဃီဒၣ်ဝဲန့ၣ်, အတၢ်ဖိတၢ်လံၤတဖၣ်တလီၤမၢ်ကွံာ်ဘၣ်.

လံာ်လူၤကၣ် 11:23

ပှၤတဂၤလၢ်လၢ်လၢအတအိၣ်ပှိၤယၤန့ၣ်, မ့ၢ်နီၢ်နီၢ်အထီဒါယၤလီၤ. ပှၤတဂၤလၢ်လၢ်လၢအတထၢဖှိၣ်စၢၤယၤတၢ်န့ၣ်, မ့ၢ်နီၢ်နီၢ်အမၤလီၤပြံလီၤပြါတၢ်လီၤ.

အ့းဖ့းစူး 6:11

ကူထီၣ်သိးထီၣ်တၢ်ဒုးသုးအကူအသိးခဲလၢာ်လၢကစၢ်ယွၤ ဟ့ၣ်သုဒ်သိးဒီးသုတြီဆၢမုၣ်ကီၤလံၢ်အတၢ်လီတၢ်ဝ့ၤကသ့ အဂီၢ်န့ၣ်တက့ၢ်.

အ့းဖ့းစူး 6:13

လၢတၢ်န့ၣ်အဃိကူထီၣ်သိးထီၣ်တၢ်ဒုးသုးအကူအသိးလၢ ကစၢ်ယွၤဟ့ၣ်သုအခဲအံၤ, ဒ်သိးဒီးလၢမုၢ်နံၤအအၢအသီ န့ၣ်သုတြီဆၢသုဒုၣ်သုဒါကန့ၢ်ဒီးဒ်သိးသုဒုးတၢ်ခဲလၢာ်ဝံၤဒီးသု ကအိၣ်ဆၢထၢၣ်ဒံးအဂီၢ်န့ၣ်တက့ၢ်.

ကလီးစဲ 2:15

လၢထူၣ်စုညါအံၤအလိၤန့ၣ်ယ့ၣ်ၡူးဂုာ်န့ၢ်ဆူၣ်ကွံာ်ပှၤပၢတၢ် ဒီး, တၢ်စိတၢ်ကမီၤတဖၣ်လၢအဘၣ်ဃးဒီးသူၣ်ဒီးသးအစိအကမီၤ, ဒီးဒုးကဲထီၣ်အဝဲသ့ၣ်လၢကမျၢၢ်အတၢ်ကွၢ်ကီ အလီၢ်လၢအတၢ်မၤနၢၤအဝဲသ့ၣ်အပူၤန့ၣ်လီၤ.

၁ ယိၤဟၣ် 3:8

မတၤတဂၤဂ့ၤတဂၤဂ့ၤလၢအမၤဒံးတၢ်ဒဲးဘးန့ၣ်, ဘၣ်ဃးဒီးမုၣ်ကီၤလံၢ်, မ့ၢ်လၢမုၣ်ကီၤလံၢ်မၤတ့ၢ်တၢ်ဒဲးဘးလၢအခီၣ်ထံးလံၤလံၤ အဃိန့ၣ်လီၤ. ကစၢ်ယွၤအဖိခွါလီၣ်ဖျါထီၣ်အသးလၢ တၢ်ဂ့ၢ်အဝဲအံၤအဂီၢ်, ဒ်သိးအကမၤဟးဂီၤကွံာ်တၢ်လၢ မုၣ်ကီၤလံၢ်မၤတ့ၢ်ဝဲတဖၣ်အဂီၢ်န့ၣ်လီၤ.

၁ ယိၤဟၣ် 4:4

ဘၣ်ဆၣ်ဒီး, ယဖိယလံၤသ့ၣ်ဧၢ, သုဘၣ်ဃးဒီးကစၢ်ယွၤ ဒီးမၤနၢၤမၤဃၣ်တ့ၢ်လံဝံအဘျၣ်တဖၣ်, မ့ၢ်လၢယွၤအသးလၢအအိၣ်လၢသုပူၤအံၤအစိကမီၤဒိၣ် န့ၢ်ဒံးသးလၢအအိၣ်လၢပှၤလၢအဘၣ်ဃးဒီးဟီၣ်ခိၣ် တဖၣ်အပူၤအဃိန့ၣ်လီၤ.