လံာ်လူၤကၣ် 11:20 - Sgaw Karen Common Bible

²⁰ တမ့ၢ်ဘၣ်. မ့မ့ၢ်တခီယဟီထီၣ်ကွံာ်တၢ်ဝံတၢ်နါ တဖၣ်လၢကစၢ်ယွၤအစိကမီၤတခီ, ဒီးတၢ်တမံၤအံၤအုၣ်အသးလၢကစၢ်ယွၤအဘီအမုၢ် ဟဲတုၤအိၣ်သုလံန့ၣ်လီၤ.

လံာ်လူၤကၣ် 11:20 Iomraidhean Croise

လံာ်တၢ်ဟးထီၣ်ကွံာ် 8:19

ဒီးပှၤမၤကဒါပှၤမဲာ်တဖၣ်စံးဘၣ်စီၤပၤ, “တၢ်အံၤမ့ၢ်ကစၢ်ယွၤအတၢ်မၤလီၤ.” ဘၣ်ဆၣ်ဒီးစီၤပၤအသးကိၤဝဲဒ်သိးဒၣ်ယွၤစံးဝဲလၢစီၤပၤ တမ့ၢ်ကဒိကနၣ်စီၤမိၤၡ့ဒီးစီၤအၤဟရိၣ်ဘၣ်န့ၣ်လီၤ.

လံာ်ဒၤနံးယ့လး 2:44

လၢစီၤပၤတဖၣ်အမုၢ်နံၤအပူၤန့ၣ်ကစၢ်ယွၤလၢမူခိၣ်ကသူၣ်ထီၣ် ဘီမုၢ်တဘ့ၣ်လၢအကတၢၢ်တအိၣ်ဘၣ်လီၤ. ဘီမုၢ်န့ၣ်ဘၣ်တၢ်မၤနၢၤကွံာ်အီၤတန့ၢ်ဘၣ်. မ့မ့ၢ်ကမၤဟးဂီၤကွံာ်ဘီမုၢ်တဖၣ်လၢာ် လၢာ်ဆ့ဆ့ဒီးကအိၣ်ဂၢၢ်ကျၢၤဝဲလီၤထူလီၤယိာ်လီၤ.

လံာ်မးသဲ 12:28

ကစၢ်ယွၤအသးမ့ၢ်ဟ့ၣ်ယၤတၢ်စိတၢ်ကမီၤလၢယကနီၣ်ထီၣ်ဟီထီၣ်ကွံာ်တၢ် နါတဖၣ်ဒီး, အအံၤမ့ၢ်တၢ်လၢအဒုးနဲၣ်လၢကစၢ်ယွၤအဘီအမုၢ်န့ၣ်ဟဲတုၤအိၣ်သု လံ.

လံာ်မးသဲ 3:2

အဝဲစံးဝဲ, “ပီၢ်ယၢ်လီၤက့ၤဒီး ဃၣ်လိၤက့ၤသုသးတက့ၢ်. အဂ့ၢ်ဒ်အံၤ, မူခိၣ်အဘီအမုၢ်ကသူၣ်လီၤအသးဘူးထီၣ်လံ.”

လံာ်မးသဲ 4:24

ယ့ၣ်ၡူးအကစီၣ်ဟူထီၣ်သါလီၤလၢကီၢ်ဒီဘ့ၣ်ညါပၢၢ်တုၤလၢကီၢ် စူၤရံဒီးပှၤဟဲကိးန့ၢ်အီၤလၢပှၤဆူးပှၤဆါလၢအတူၢ်ဘၣ်တၢ်ဆူး တၢ်ဆါအကလုာ်ကလုာ်လၢအတူၢ်ဘၣ်တၢ်နးနးကျံၤကျံၤတဖၣ်, ဒ်ပှၤလၢတၢ်နါဒိးအီၤ, ပှၤလၢအပျုၢ်ထိးတဖၣ်ဒီးပှၤသံတခီပၤတဖၣ်, ဒီးယ့ၣ်ၡူးမၤဘျါက့ၤအဝဲသ့ၣ်ခဲလၢာ်လီၤ.

လံာ်လူၤကၣ် 10:11

‘ဖၣ်ကမူၣ်ဖၣ်ဆါလၢသုဝ့ၢ်ပူၤလၢအအိၣ်ထီဝဲလၢပခီၣ်လၣ် အလိၤတဖၣ်ဒၣ်လဲာ်န့ၣ်, ပတြူာ်ကွံာ်ပဝဲထီဒါသုလီၤ. ဘၣ်ဆၣ်ဒီး, သ့ၣ်နီၣ်ထီၣ်တၢ်အဝဲအံၤတက့ၢ်. ကစၢ်ယွၤအဘီအမုၢ်ဟဲဘူးဒီးသုလံ.’

လံာ်လူၤကၣ် 10:9

မၤဘျါပှၤဆူးပှၤဆါဖဲဝ့ၢ်တဖျၢၣ်န့ၣ်အပူၤ, ဒီးစံးဘၣ်ပှၤအိၣ်ဖဲန့ၣ်တဖၣ်, ‘ကစၢ်ယွၤအဘီအမုၢ်ဟဲဘူးဒီးသုလံ.’

လံာ်လူၤကၣ် 11:21

ဖဲပှၤဂံၢ်ဆူၣ်ဘါဆူၣ်တဂၤလၢအအိၣ်ဒီးအတၢ်စုကဝဲၤ ကတဲာ်ကတီၤအသးခဲလၢာ်, အိၣ်ခိးကွၢ်ထွဲအဟံၣ်အဃီဒၣ်ဝဲန့ၣ်, အတၢ်ဖိတၢ်လံၤတဖၣ်တလီၤမၢ်ကွံာ်ဘၣ်.

မၤတၢ် 20:25

ယဟးဝ့ၤဝီၤတ့ၢ်လံလၢသုဝဲခဲလၢာ်အကျါဒီးစံၣ်တဲၤတဲလီၤယွၤ အဘီအမုၢ်န့ၣ်လီၤ. ဒီးခဲကနံၣ်အံၤ, ယသ့ၣ်ညါလၢသုတထံၣ်ဘၣ်လၢၤယၤနီတဂၤဘၣ်.

၂ သ့းစၤလနံ 1:5

တၢ်သ့ၣ်တဖၣ်အံၤခဲလၢာ်အုၣ်အသးလၢကစၢ်ယွၤ အတၢ်စံၣ်ညီၣ်တီဝဲလိၤဝဲ, ဒီးလၢတၢ်န့ၣ်အဃိသုကကြၢးကဘၣ်ဒီးကစၢ်ယွၤအဘီ အမုၢ်လၢသုတူၢ်ဘၣ်တၢ်လၢအဃိန့ၣ်လီၤ.