လံာ်လူၤကၣ် 10:7 - Sgaw Karen Common Bible

⁷ အိၣ်ဖဲဟံၣ်တဖျၢၣ်ဃီန့ၣ်, ဒီးအီၣ်တၢ်အီတၢ်လၢအဝဲသ့ၣ် ဟ့ၣ်သုန့ၣ်တက့ၢ်. အဂ့ၢ်ဒ်အံၤ, ပှၤမၤတၢ်ဖိတဂၤကြၢးဘၣ်တၢ်ဟ့ၣ်အီၤလၢအဘူးအလဲလီၤ. တဘၣ်ဟးဝ့ၤဝီၤလၢဟံၣ်တဖျၢၣ်ဆူအဂၤတဖျၢၣ်န့ၣ်တဂ့ၤ.

လံာ်လူၤကၣ် 10:7 Iomraidhean Croise

လံာ်တၢ်ဂံၢ် 18:31

သုဝဲဒီးသုဟံၣ်ဖိဃီဖိတဖၣ်အီၣ်တၢ်အိၣ်တ့ၢ်န့ၣ်ဖဲတၢ်လီၢ် တပူၤဂ့ၤတပူၤဂ့ၤသ့ဝဲလီၤ. မ့ၢ်လၢတၢ်န့ၣ်မ့ၢ်တၢ်အဘူးအလဲလၢသုမၤတၢ်ခ့တၢ်ပှၤအတၢ်မၤလၢ ဒဲစီဆှံပူၤအဂီၢ်အဃိန့ၣ်လီၤ.

လံာ်မၢ်ကူး 6:10

စံးဘၣ်စ့ၢ်ကီးအဝဲသ့ၣ်, “ဖဲသုလဲၤတၢ်လီၢ်တပူၤဂ့ၤတပူၤဂ့ၤန့ၣ်, ပှၤမ့ၢ်တူၢ်လိာ်သုလၢဟံၣ်တဖျၢၣ်ဖျၢၣ်အပူၤဒီးအိၣ်ဖဲန့ၣ်တုၤ သုဟးထီၣ်လၢတၢ်လီၢ်အဝဲန့ၣ်တစုတက့ၢ်.

လံာ်လူၤကၣ် 10:6

ပှၤလၢအအဲၣ်တၢ်ဃူတၢ်ဖိးမ့ၢ်အိၣ်ဖဲန့ၣ်န့ၣ်, ပျဲနတၢ်ဃူတၢ်ဖိးအတၢ်ဆၢဂ့ၤဆၢဝါအိၣ်တ့ၢ်လၢအလိၤတက့ၢ်. ပှၤလၢအအဲၣ်တၢ်ဃူတၢ်ဖိးမ့ၢ်တအိၣ်ဘၣ်ဒီး, ဟံးန့ၢ်က့ၤနတၢ်ဃူတၢ်ဖိးအတၢ်ဆၢဂ့ၤဆၢဝါန့ၣ်တက့ၢ်.

လံာ်လူၤကၣ် 9:4

ဖဲသုဘၣ်တၢ်တူၢ်လိာ်မုာ်သုတပူၤလၢ်လၢ်န့ၣ်, အိၣ်လၢဟံၣ်တဖျၢၣ်ဃီန့ၣ်အပူၤတုၤလၢသုဟးထီၣ်ကွံာ်ဖဲဝ့ၢ်ပူၤတက့ၢ်.

မၤတၢ် 16:15

အဝဲဒၣ်ဒီးအပှၤဟံၣ်ဖိဃီဖိတဖၣ်ဘၣ်တၢ်ဘျၢအီၤလၢထံလီၤ. အန့ၣ်ဝံၤအလီၢ်ခံအဝဲဒၣ်ကွဲပှၤဒီးစံးဝဲ, “သုမ့ၢ်ပာ်ယၤလၢယမ့ၢ်ပှၤစူၢ်က့ၤနာ်က့ၤကစၢ်နီၢ်နီၢ်န့ၣ်, ဟဲအိၣ်လၢယဟံၣ်တက့ၢ်.” ဒီးအဝဲဒၣ်ကိးပှၤသပှၢ်ပှၢ်တုၤ ပလဲၤတစုလီၤ.

မၤတၢ် 16:34

အဝဲဒၣ်က့ၤကိးစီၤပီလူးဒီးစီၤစံလၤဆူအဟံၣ်ဒီးဟ့ၣ်အီၤ တၢ်အီၣ်လၢအကအီၣ်ဝဲအဂီၢ်လီၤ. အဝဲဒီးအပှၤဟံၣ်ဖိဃီဖိတဖၣ်အသးပှဲၤဒီးတၢ်သူၣ်ခု သးခုမ့ၢ်လၢအဝဲသ့ၣ်စူၢ်က့ၤနာ်က့ၤလံကစၢ်ယွၤအဃိ န့ၣ်လီၤ.

မၤတၢ် 16:40

စီၤပီလူးဒီးစီၤစံလၤဟးထီၣ်ကွံာ်လၢဃိာ်ပူၤဒီး လဲၤဆူနီၢ်လူၤဒံအဟံၣ်လီၤ. ဖဲန့ၣ်အဝဲသ့ၣ်ထံၣ်လိာ်အသးဒီးပှၤစူၢ်က့ၤနာ်က့ၤတၢ် တဖၣ်, ကတိၤဟ့ၣ်ဆူၣ်ထီၣ်အဝဲသ့ၣ်အဂံၢ်အဘါ, ဒီးဟးထီၣ်ကွံာ်လၢဝ့ၢ်ပူၤလီၤ.

ကလၤတံ 6:6

ပှၤတဂၤလၢအဘၣ်တၢ်သိၣ်လိအီၤလၢတၢ်အကလုၢ်ကထါန့ၣ်, ကြၢးနီၤဟ့ၣ်လီၤကယဲၢ်တၢ်အဂ့ၤလၢအအိၣ်ဒီးအီၤခဲလၢာ်ဆူ အသရၣ်လၢအသိၣ်လိအီၤတဖၣ်အအိၣ်လီၤ.

လံာ်သိၣ်လီၤသီလီၤတၢ် 12:12

သူၣ်ခုသးခုဖဲန့ၣ်လၢအဝဲအမဲာ်ညါ, ဃုာ်ဒီးသုဖိတဖၣ်, သုကုၢ်သုပှၤတဖၣ်, ဒီးပှၤလ့ၤဝံဖိတဖၣ်လၢအအိၣ်လၢသုဝ့ၢ်တဖၣ်အပူၤတက့ၢ်, ဒီးသ့ၣ်နီၣ်ထီၣ်က့ၤလၢပှၤလ့ၤဝံဖိတဖၣ်တအိၣ်ဘၣ်ဒီးအဟီၣ်ခိၣ် ဒၣ်ဝဲဘၣ်န့ၣ်တက့ၢ်.

လံာ်သိၣ်လီၤသီလီၤတၢ် 18:8

အဝဲကဘၣ်ဒိးန့ၢ်တၢ်အီၣ်ပှဲၤသိးသိးဒၣ်ဒီးပှၤလုၢ်တၢ်အခိၣ်အဂၤ တဖၣ်, ဒီးအဝဲပာ်ဃးတၢ်တမံၤဂ့ၤတမံၤလၢအဟံၣ်ဖိဃီဖိ ဆှၢလီၤန့ၢ်အီၤန့ၣ်သ့ဝဲလီၤ.

၁ တံၤမသ့း 5:13

အဝဲသ့ၣ်မၤန့ၢ်ပှၤကၢၣ်ပှၤကျူအလုၢ်အလၢ်, ဒီးဟးဝ့ၤဝီၤဝဲ တဟံၣ်စဲတဟံၣ်, ဒီးအၢန့ၢ်အန့ၣ်, အဝဲသ့ၣ်သီၣ်ဝံသဲကလၤလၢပှၤအဂ့ၢ်ဒီးနုာ်လီၤမၤသဘံၣ်ဘုၣ် အသးလၢပှၤဂၤအတၢ်ဂ့ၢ်အပူၤ, ဒီးကတိၤတၢ်လၢအတဂ့ၤ ကတိၤဝဲတဖၣ်န့ၣ်လီၤ.

၂ တံၤမသ့း 2:6

ပှၤထူစံာ်ဖိလၢအမၤတၢ်ဆူၣ်တဂၤန့ၣ်, ကြၢးဒိးန့ၢ်ဘၣ်တၤသူတၤသၣ်အဆိကတၢၢ်တဖၣ် န့ၣ်လီၤ.