လံာ်လူၤကၣ် 10:3 - Sgaw Karen Common Bible

³ လဲၤတက့ၢ်. ယမၢလီၤသုဒ်သိတဖၣ်လၢထွံၣ်မံၤတဖၣ်အကျါအသိးန့ၣ်လီၤ.

လံာ်လူၤကၣ် 10:3 Iomraidhean Croise

စံးထီၣ်ပတြၢၤ 22:21

မၤပူၤဖျဲးယၤလၢခ့ယုၢ်သ့ၣ်တဖၣ်အံၤ, လၢဂီၤဖံးဖါအအၢသ့ၣ်တဖၣ်အံၤအမဲာ်ညါန့ၣ်, ပှၤလၢအမၤစၢၤယၤတအိၣ်ဘၣ်.

လံာ်စဖါနယၤ 3:3

အပဒိၣ်ဖးဒိၣ်တဖၣ်လီၤဂာ်ဒ်ခ့ယုၢ် တဖၣ်လၢအကညီၤတၢ်အသိး, အပှၤစံၣ်ညီၣ်ကွီၢ်တဖၣ်လီၤ ဂာ်ဒ်ထွံၣ်မံၤတဖၣ်လၢအသူၣ်ဝံၤသၣ်စ့ၤဒီးသူၣ်လီသးကွံတၢ် အါတုၤအတပာ်တ့ၢ်တၢ်ဃံတဘိဒၣ်လဲာ်တုၤလၢမုၢ်ဂီၤ အကတီၢ်ဘၣ်အသိးန့ၣ်လီၤ.

လံာ်မးသဲ 10:16

ကနၣ်တက့ၢ်. ယဆှၢလီၤသုဒ်သိအသိး ဆူထွံၣ်မံၤတဖၣ်အကျါလီၤ. လၢတၢ်န့ၣ်အဃိသုကဘၣ်ကူၣ်သ့ဒ်ဂုၢ် ဒီးတကူၣ်အၢဘၣ်တၢ်ဒ်ထိၣ်လွံၢ်အသိးလီၤ.

လံာ်မးသဲ 10:22

ပှၤကိးဂၤဒဲးကသးဟ့သုလၢယဃိ, ဘၣ်ဆၣ်ဒီးယွၤကအုၣ်က့ၤခီၣ် က့ၤပှၤလၢအတူၢ်တၢ်ကဲတုၤအကတၢၢ်န့ၣ်လီၤ.

လံာ်မးသဲ 7:15

ပလီၢ်သုသးလၢဝံအဘျၣ်တဖၣ်တက့ၢ်. အဝဲသ့ၣ်ဟဲဆူသုအိၣ်ဖျါမၤအသးဒ်သိတဖၣ်အသိး, ဘၣ်ဆၣ်နီၢ်နီၢ်တခီလၢအကံၢ်အလဲန့ၣ်အဝဲသ့ၣ်လီၤဂာ် ဒီးထွံၣ်မံၤအအၢအသီတဖၣ်လီၤ.

လံာ်လူၤကၣ် 10:4

စ့အထၢၣ်မ့ၢ်ဂ့ၤ, တၢ်အီၣ်အထၢၣ်မ့ၢ်ဂ့ၤ, ခီၣ်ဖံးတဖၣ်မ့ၢ်ဂ့ၤ, တဘၣ်စိာ်အီၤနီတမံၤတဂ့ၤ. တဘၣ်အိၣ်ကတီၢ်ဒ်သိး သုကကတိၤဆၢဂ့ၤဆၢဝါပှၤလၢကျဲလိၤနီတဂၤတဂ့ၤ.

လံာ်ယိၤဟၣ် 10:12

ပှၤဒိးလဲအသးလၢအတမ့ၢ်ပှၤကွၢ်သိတဂၤဒီးသိတမ့ၢ်အတၢ် ဘၣ်န့ၣ်, တုၤအထံၣ်ထွံၣ်မံၤဟဲဒီးအဝဲပာ်တ့ၢ်ကွံာ်သိဒီးဃ့ၢ် ကွံာ်ဝဲသတးဒီး, ထွံၣ်မံၤဂုာ်အ့ၣ်သိဒီးမၤလီၤပြံပြါကွံာ်သိ တဖၣ်န့ၣ်လီၤ.

လံာ်ယိၤဟၣ် 15:20

သ့ၣ်နီၣ်ထီၣ်က့ၤလၢယစံးဘၣ်တ့ၢ်သု, ‘ကုၢ်တဒိၣ်န့ၢ်အကစၢ်နီတဂၤဘၣ်.’ အဝဲသ့ၣ်မ့ၢ်မၤအၢမၤနးယၤဒီး, ကမၤအၢမၤနးစ့ၢ်ကီးသုလီၤ. အဝဲသ့ၣ်မ့ၢ်ဒိကနၣ်ယကလုၢ်ကထါဒီး, ကဒိကနၣ်သုကလုၢ်ကထါစ့ၢ်ကီးလီၤ.

လံာ်ယိၤဟၣ် 16:2

သုကဘၣ်တၢ်ဟီထီၣ်ကွံာ်သုလၢဘူၣ်ဘျီၣ်လၢအမ့ၢ် တၢ်ဘါလီၢ်တဖၣ်အပူၤ, ဒီးတၢ်ဆၢကတီၢ်ကတုၤဝဲဖဲ ပှၤတဂၤလၢ်လၢ်လၢအမၤသံသုန့ၣ်, ကဆိကမိၣ်ဝဲလၢအမၤတၢ်ဒ်အံၤအဃိဒီး မ့ၢ်အမၤကစၢ်ယွၤအတၢ်မၤန့ၣ်လီၤ.

မၤတၢ် 20:29

ယသ့ၣ်ညါယဲဒၣ်လၢယဟးထီၣ်ဝံၤအလီၢ်ခံန့ၣ်, ထွံၣ်မံၤအဒူတဖၣ်ကဟဲနုာ်လီၤဆူသုကျါ, ဒီးတပျဲပူၤသိတဖၣ် န့ၣ်ဘၣ်.

မၤတၢ် 9:16

ယကစၢ်ဒၣ်ယဲယကဒုးနဲၣ်အီၤကယဲၢ်တၢ်နးတၢ်ဖှီၣ်လၢ အဝဲဒၣ်ကဘၣ်တူၢ်ဝဲလၢယဃိန့ၣ်လီၤ.”

မၤတၢ် 9:2

ဒီးဃ့န့ၢ်ဝဲလံာ်အုၣ်အသးတဖၣ်လၢကလဲၤစိာ်ဝဲဆူဘူၣ် ဘျီၣ်လၢအမ့ၢ်တၢ်ဘါလီၢ်လၢအအိၣ်လၢဝ့ၢ်ဒၤမ့ၤစ့းအပူၤန့ၣ်လီၤ. လံာ်အုၣ်အသးတဖၣ်အံၤမ့ၢ်လၢအကဟ့ၣ်စိဟ့ၣ်ကမီၤအီၤဒ် သိးဒီးဖဲအထံၣ်န့ၢ်ပှၤတဂၤလၢ်လၢ်မုၣ်ဂ့ၤခွါဂ့ၤလၢအပိာ် ကျဲလၢကစၢ်ဒုးနဲၣ်ဝဲန့ၣ်, ကဖီၣ်ဝဲဒီးဟဲက့ၤဆှၢအီၤဆူဝ့ၢ်ယရူၤၡလ့ၣ်ကသ့အဂီၢ်န့ၣ်လီၤ.