လံာ်လူၤကၣ် 10:27 - Sgaw Karen Common Bible

²⁷ ပှၤတဂၤန့ၣ်စံးဆၢတၢ်ဒီးစံးဝဲ, “နကဘၣ်အဲၣ်ကစၢ်ယွၤနကစၢ်လၢနသူၣ်ကံၢ်သးလဲ, လၢနသးဒီဖျၢၣ်, လၢနဂံၢ်နဘါခဲလၢာ်, ဒီးလၢနတၢ်ကူၣ်တၢ်ဆးခဲလၢာ်, ဒီးနကဘၣ်အဲၣ်ပှၤလၢနဃၢၤဒ်နအဲၣ်လီၤနသးဒၣ်နဲအသိးလီၤ.”

လံာ်လူၤကၣ် 10:27 Iomraidhean Croise

လံာ်တၢ်ဘူၣ်ထီၣ်ဘါထီၣ် 19:18

မၤဆၢတၢ်အၢလၢပှၤနီတဂၤတဂ့ၤ. ဒီးသးဟ့စ့ၢ်ကီးအီၤတဂ့ၤ. မ့မ့ၢ်အဲၣ်ပှၤလၢသုဃၢၤဒ်သု အဲၣ်လီၤသုသးဒၣ်ဝဲအသိးန့ၣ်တက့ၢ်. ယဲဒၣ်အံၤယမ့ၢ်ယွၤလီၤ.

လံာ်မးသဲ 19:19

ယူးယီၣ်နမိၢ်ဒီးနပၢ်တက့ၢ်. ဒီးအဲၣ်ပှၤလၢနဃၢၤဒ်နအဲၣ်လီၤနသးဒၣ်နဲ အသိးန့ၣ်တက့ၢ်” (ဟးထီၣ်. ၂၀:၁၂-၁၆).

လံာ်လူၤကၣ် 10:26

ယ့ၣ်ၡူးစံးဆၢအီၤ, “တၢ်ကွဲးအသးစီဆှံတဖၣ်စံးဝဲဒ်လဲၣ်. နထုးထီၣ်နဲအခီပညီဒ်လဲၣ်.”

ရိမ့ၤ 13:9

တၢ်မၤလိာ်တဖၣ်လၢအမ့ၢ်, “အဲၣ်ဘၢမါအဲၣ်ဘၢဝၤတဂ့ၤ, မၤသံပှၤကညီတဂ့ၤ, ဟုၣ်တၢ်တဂ့ၤ, သးကွံတၢ်တဂ့ၤ” တၢ်သ့ၣ်တဖၣ်အံၤခဲလၢာ်, ဒီးတၢ်မၤလိာ်အဂၤတဖၣ်ပာ်ဖှိၣ်အသးလၢတၢ်မၤလိာ်တထံၣ် လၢအစံးဝဲ, “အဲၣ်ပှၤလၢနဃၢၤဒ်နအဲၣ်လီၤနသးဒၣ်နဲအသိး တက့ၢ်” န့ၣ်အပူၤလီၤ.

ကလၤတံ 5:13

မ့မ့ၢ်သုဝဲယဒီပုၢ်ဝဲၢ်သ့ၣ်ဧၢ, သုဘၣ်တၢ်ကိးသုဒ်သိးသုကဒိး န့ၢ်တၢ်သဘျ့လီၤ. ဘၣ်ဆၣ်တဘၣ်ပျဲသုတၢ်သဘျ့အံၤကဲထီၣ်တၢ် ကတိၤပူၤဖျဲးသုသးလၢသုကပျဲသုနီၢ်ခိအတၢ်အဲၣ်ဒိးတဖၣ် ပၢၤသုတဂ့ၤ. အခိၣ်တလိာ်, ပျဲတၢ်အဲၣ်တၢ်ကွံမၤတၢ်လၢသုကမၤစၢၤလိာ်သုသးတဂၤဒီး တဂၤန့ၣ်တက့ၢ်.

လံာ်သိၣ်လီၤသီလီၤတၢ် 10:12

ခဲကနံၣ်အံၤ, ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဒိကနၣ်တၢ်လၢယွၤ, သုကစၢ်ယွၤဃ့ဝဲလၢသုအိၣ်န့ၣ်တက့ၢ်. အိၣ်ဒီးတၢ်ယူးယီၣ်ယွၤ, ဒီးမၤကယဲၢ်တၢ်လၢအဝဲမၤလိာ်ဝဲတဖၣ် န့ၣ်တက့ၢ်. အဲၣ်အီၤ, မၤအတၢ်မၤလၢသုသးဒီဖျၢၣ်ညါ,

လံာ်သိၣ်လီၤသီလီၤတၢ် 30:6

ယွၤ, သုကစၢ်ယွၤကဟ့ၣ်လီၤသုဝဲဒီးသုစၢၤသုသွဲၣ်တဖၣ်လၢ တၢ်စူၢ်တၢ်အကလုၢ်အသးတဖၣ်, ဒ်သိးသုကအဲၣ်အီၤလၢသုသးဒီဖျၢၣ်ညါဒီးသုကအိၣ်ဆိးထွဲဘၣ်ဒံးလၢ ထံကီၢ်န့ၣ်အပူၤန့ၣ်လီၤ.

လံာ်သိၣ်လီၤသီလီၤတၢ် 6:4

ကီၢ်အံၣ်စရ့လးဧၢ, သ့ၣ်နီၣ်ထီၣ်တၢ်အံၤတက့ၢ်. ယွၤ, ဒီးထဲယွၤတဂၤဧိၤမ့ၢ်ပကစၢ်ယွၤန့ၣ်လီၤ.

လံာ်သိၣ်လီၤသီလီၤတၢ် 6:5

အဲၣ်ယွၤ, နကစၢ်ယွၤလၢနသးဒီဖျၢၣ်ညါဒီးနတၢ်ကူၣ်တၢ်ဆးခဲလၢာ် ဒီးနဂံၢ်နဘါခဲလၢာ်တက့ၢ်.

ဧ့ၤဘြံၤ 8:10

အအံၤမ့ၢ်တၢ်အၢၣ်လီၤအီလီၤလၢ ယကမၤဒီးအံၣ်စရ့လးအပှၤဂီၢ်မုၢ် လၢမုၢ်နံၤတဖၣ်န့ၣ်အလီၢ်ခံ, ကစၢ်စံးဝဲဒၣ်, ယကတ့ၢ်နုာ်ယတၢ်သိၣ်တၢ်သီတဖၣ်လၢ အဝဲသ့ၣ်အတၢ်ဆိကမိၣ်အပူၤ ယကကွဲးလီၤအီၤလၢအဝဲသ့ၣ်အသးအလိၤ, ဒီးယကမ့ၢ်အဝဲသ့ၣ်အကစၢ်ယွၤ, ဒီးအဝဲသ့ၣ်ကမ့ၢ်ယပှၤဂီၢ်မုၢ်လီၤ.

ယၤကိာ် 2:8

သုမ့ၢ်စူၢ်ကစၢ်ယွၤအဘီမုၢ်အတၢ်သိၣ်တၢ်သီလၢ အဘၣ်တၢ်ထံၣ်န့ၢ်အီၤလၢတၢ်ကွဲးအသးအပူၤလၢအစံးဝဲ, “အဲၣ်ပှၤလၢနဃၢၤဒ်နအဲၣ်လီၤနသးဒၣ်နဲအသိး” န့ၣ်ဒီး, သုကမၤဘၣ်တၢ်လၢအဘၣ်တမံၤန့ၣ်လီၤ.

၁ ယိၤဟၣ် 3:18

ယဖိယလံၤသ့ၣ်ဧၢ, ပတၢ်အဲၣ်အသုတမ့ၢ်ထဲထးခိၣ်ဖံးလာ် ဧိၤန့ၣ်တဂ့ၤ. ကဘၣ်မ့ၢ်တၢ်အဲၣ်နီၢ်နီၢ်လၢအဖျါထီၣ်လၢ တၢ်ဖံးတၢ်မၤအပူၤန့ၣ်လီၤ.