လံာ်လူၤကၣ် 10:25 - Sgaw Karen Common Bible

²⁵ ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဂၤဂဲၤဆၢထၢၣ်ဒီး ဂုာ်ကျဲးစၢးဝဲဒ်သိးအကဖီၣ်န့ၢ်ယ့ၣ်ၡူးလၢအတၢ်ကတိၤဒၣ်ဝဲလီၤ. အဝဲဒၣ်သံကွၢ်ယ့ၣ်ၡူး, “သရၣ်ဧၢ, ဒ်သိးယကဒိးန့ၢ်ဘၣ်တၢ်မူအထူအယိာ်န့ၣ်ယကဘၣ်မၤဒ်လဲၣ်.”

လံာ်လူၤကၣ် 10:25 Iomraidhean Croise

လံာ်မၢ်ကူး 10:17

ဖဲယ့ၣ်ၡူးဟးထီၣ်ဒီးလဲၤတၢ်အကတီၢ်န့ၣ်, ပှၤတဂၤဟဲဃ့ၢ်ထီၣ်ဒီးချံးခီၣ်တီၤလီၤလၢအမဲာ်ညါဒီးသံ ကွၢ်အီၤ, “သရၣ်လၢအဂ့ၤတဂၤဧၢ, ဒ်သိးယကန့ၢ်ဘၣ်သါတၢ်မူအထူအယိာ်အဂီၢ်ယကဘၣ် မၤတၢ်မနုၤလဲၣ်.”

လံာ်မၢ်ကူး 10:3

ယ့ၣ်ၡူးစံးဆၢက့ၤအဝဲသ့ၣ်လၢတၢ်သံကွၢ်တထံၣ်, “စီၤမိၤၡ့မၤလိာ်သုဒ်လဲၣ်.”

လံာ်မၢ်ကူး 12:28

အကတီၢ်ဖဲန့ၣ်ပှၤသ့တၢ်ဘူၣ်တၢ်ဘါအတၢ်သိၣ်တၢ်သီ တဂၤအိၣ်ဖဲပှၤသ့ၣ်တဖၣ်အကျါ, ဒီးနၢ်ဟူအဝဲသ့ၣ်ဂ့ၢ်လိာ်ဘှီလိာ်အသးတဂၤဒီးတဂၤန့ၣ်လီၤ. ထံၣ်ဝဲလၢယ့ၣ်ၡူးစံးဆၢက့ၤပှၤစးဒူၤကဲတဖၣ်သ့ဂ့ၤမး သတးဒီးဟဲဝဲဆူအအိၣ်ဒီးသံကွၢ်အီၤ, “တၢ်မၤလိာ်အဒိၣ်ကတၢၢ်မ့ၢ်ဖဲလဲၣ်တထံၣ်လဲၣ်.”

လံာ်လူၤကၣ် 10:24

ယစံးဘၣ်တဲဘၣ်သု, ဝံဒီးစီၤလိၣ်စီၤပၤတဖၣ်သးအိၣ်ထံၣ်ဘၣ် တၢ်လၢသုထံၣ်, ဘၣ်ဆၣ်တထံၣ်ဘၣ်ဝဲဘၣ်. ဒီးသးအိၣ်နၢ်ဟူဘၣ်တၢ်လၢသုနၢ်ဟူ, ဘၣ်ဆၣ်တနၢ်ဟူဘၣ်ဝဲဘၣ်.”

လံာ်လူၤကၣ် 10:26

ယ့ၣ်ၡူးစံးဆၢအီၤ, “တၢ်ကွဲးအသးစီဆှံတဖၣ်စံးဝဲဒ်လဲၣ်. နထုးထီၣ်နဲအခီပညီဒ်လဲၣ်.”

လံာ်လူၤကၣ် 18:18

ပှၤယူဒၤဖိအခိၣ်အနၢ်တဂၤသံကွၢ်ယ့ၣ်ၡူး, “သရၣ်လၢအဂ့ၤတဂၤဧၢ, ဒ်သိးယကဒိးန့ၢ်ဘၣ်တၢ်မူအထူအယိာ်အဂီၢ်န့ၣ်, ယကဘၣ်မၤယဲဒ်လဲၣ်.”

လံာ်လူၤကၣ် 7:30

မ့မ့ၢ်, ပှၤဖၤရံၤၡဲဒီးသရၣ်သိၣ်လိတၢ်သိၣ်တၢ်သီတဖၣ်တကနၣ်ဃုာ် ကစၢ်ယွၤအတၢ်တိာ်ပာ်လၢအဝဲသ့ၣ်အနီၢ်ကစၢ်ဒၣ်ဝဲအဂီၢ်ဘၣ်. ဒီးတတူၢ်လိာ်စီၤယိၤဟၣ်အတၢ်ဘျၢအီၤလၢထံဘၣ်လီၤ.

လံာ်ယိၤဟၣ် 8:6

အဝဲသ့ၣ်စံးတၢ်ဒ်အံၤမ့ၢ်ဒ်သိးကဖီၣ်န့ၢ်ယ့ၣ်ၡူးလၢအတၢ်ကတိၤ ဒၣ်ဝဲ, ဒီးပာ်တၢ်ကမၣ်လၢအလိၤကသ့အဂီၢ်လီၤ. ဘၣ်ဆၣ်ယ့ၣ်ၡူးသကူးလီၤအသးဝံၤဒီးကွဲးလံာ်လၢဟီၣ်ခိၣ်လိၤ လၢအစုမုၢ်စုနၢန့ၣ်လီၤ.

ကလၤတံ 3:18

အဂ့ၢ်ဒ်အံၤကစၢ်ယွၤအတၢ်ဟ့ၣ်မ့ၢ်သန့ၤထီၣ်အသးလၢတၢ်သိၣ် တၢ်သီဒီးတၢ်ဟ့ၣ်အံၤတသန့ၤထီၣ်အသးလၢတၢ်အၢၣ်လီၤအီလီၤ လၢၤဘၣ်. ဘၣ်ဆၣ်ဒီး, မ့ၢ်လၢအတၢ်အၢၣ်လီၤအီလီၤအဃိကစၢ်ယွၤဟ့ၣ်တၢ်ဆိၣ်ဂ့ၤ အံၤဆူစီၤအၤဘြၤဟၣ်လီၤ.