လံာ်လူၤကၣ် 10:20 - Sgaw Karen Common Bible

²⁰ ဘၣ်ဆၣ်ဒီး, တဘၣ်သူၣ်ခုသးခုလၢတၢ်ဝံတၢ်နါတဖၣ်စူၢ်သု ကလုၢ်အဃိတဂ့ၤ. မ့မ့ၢ်, သူၣ်ခုသးခုလၢသုမံၤတဖၣ်ဘၣ်တၢ်ကွဲးလီၤပာ်အီၤလၢမူခိၣ် အဃိန့ၣ်တက့ၢ်.”

လံာ်လူၤကၣ် 10:20 Iomraidhean Croise

စံးထီၣ်ပတြၢၤ 69:28

မ်အမံၤဘၣ်တၢ်တြူာ်ကွံာ်အီၤလၢလံာ်မူအပူၤတက့ၢ်. မ်အသုတအိၣ်ကွဲးလီၤအသးလၢ ပှၤအတီအလိၤတဖၣ်အကျါတဂ့ၤ.

လံာ်တၢ်ဟးထီၣ်ကွံာ် 32:32

ဝံသးစူၤပျၢ်လၢ်အတၢ်ကမၣ်တက့ၢ်. ဘၣ်ဆၣ်ဒီးနမ့ၢ်တပျၢ်ဘၣ်န့ၣ် တြူာ်ကွံာ်ယမံၤလၢလံာ်လၢနကွဲးတ့ၢ်နပှၤဂီၢ်မုၢ်အမံၤတဖၣ်အပူၤန့ၣ်တက့ၢ်.”

လံာ်ယၡါယၤ 4:3

ပှၤကိးဂၤဒဲးလၢအအိၣ်လီၤတဲာ်တ့ၢ် လၢဝ့ၢ်ယရူၤၡလ့ၣ်အပူၤပှၤလၢယွၤ ဃုထၢတ့ၢ်အီၤလၢကမူဒံးတဖၣ်ကဘၣ် တၢ်ကိးအီၤလၢပှၤစီဆှံလီၤ.

လံာ်ယံးရမံယၤ 17:13

ယွၤဧၢ, နမ့ၢ်ကီၢ်အံၣ်စရ့လးအတၢ်မုၢ်လၢ်လီၤ. ကယဲၢ်ပှၤလၢအပာ်လီၤတဲာ်ကွံာ်နၤန့ၣ် ကဘၣ်တၢ်မၤမဲာ်ဆှးအီၤလီၤ. အဝဲသ့ၣ်ကလီၤမၢ်ကွံာ်ဝဲဒ်မံၤတဖၣ်လၢအဘၣ်တၢ်ကွဲးလီၤအီၤလၢဖၣ် ကမူၣ်ဖၣ်ဆါကျါအသိး, မ့ၢ်လၢအဝဲသ့ၣ်ပာ်လီၤတဲာ်ကွံာ်နၤ, ယွၤတဂၤလၢအမ့ၢ်ထံမူအထံထီၣ်ပၢၢ်အဃိန့ၣ်လီၤ.

လံာ်ယဃ့းစက့လး 13:9

ဘူးယကစံၣ်ညီၣ်သုဝဲသ့ၣ်တဖၣ်လၢအအိၣ်ဒီးတၢ်ထံၣ်လၢ ညါခီတဖၣ်လၢအတတီဘၣ်ဒီးဒုးအိၣ်ထီၣ်တၢ်တဲဆိပာ်တဖၣ်လၢ အဆှၢကမၣ်တၢ်န့ၣ်လီၤ. ဖဲယပှၤဂီၢ်မုၢ်ပာ်ဖှိၣ်အသးလၢကစံၣ်ညီၣ်တဲာ်တၢ်ဂ့ၢ်တၢ်ကျိၤ တဖၣ်န့ၣ်သုတအိၣ်ဖဲန့ၣ်ဘၣ်. လၢကီၢ်အံၣ်စရ့လးအထံဖိကီၢ်ဖိအမံၤအတၢ်ကွဲးနီၣ်အပူၤန့ၣ် သုမံၤတအိၣ်ဝဲဘၣ်. သုတက့ၤကဒါက့ၤဘၣ်ဆူသုထံသုကီၢ်နီတစုဘၣ်. အန့ၣ်ဒီးသုကသ့ၣ်ညါလၢယမ့ၢ်ယွၤပၢဘၣ်တၢ်ခဲလၢာ် အကစၢ်န့ၣ်လီၤ.

လံာ်ဒၤနံးယ့လး 12:1

မူခိၣ်ကလူးလၢအသိးဆ့ဖှီဝါကဆှၣ်စံးဝဲ, “အကတီၢ်ဖဲန့ၣ် မူခိၣ်ကလူးဖးဒိၣ်မံၤက့လး, ပှၤလၢအပၢၤဃးနပှၤဂီၢ်မုၢ်က အိၣ်ဖျါထီၣ်ဝဲလီၤ. ဒီးဖဲန့ၣ်တၢ်ကီတၢ်ခဲတဖၣ် အကတီၢ်ကတုၤဝဲ, တၢ်ကီတၢ်ခဲအနးကတၢၢ် လၢအတမၤတ့ၢ်အသးဒံးဘၣ်, စးထီၣ်လၢပှၤတကလုာ်ကဲ ထီၣ်ဝဲတုၤမုၢ်တနံၤန့ၣ်လီၤ. ဘၣ်ဆၣ်ဒီးအကတီၢ်ဖဲန့ၣ်န့ၣ်, နပှၤဂီၢ်မုၢ်ကဘၣ်တၢ်မၤပူၤဖျဲးအီၤ, ကယဲၢ်ပှၤလၢအမံၤအိၣ်ကွဲးအသး လၢကစၢ်ယွၤအလံာ်ပူၤန့ၣ်ကတုၤလၢတၢ်အုၣ်က့ၤခီၣ်က့ၤန့ၣ်လီၤ.

လံာ်မးသဲ 10:1

ယ့ၣ်ၡူးကိးဖှိၣ်အပျဲၢ်အဘီၣ်တဆံခံဂၤဆူအအိၣ် ဒီးဟ့ၣ်လီၤအဝဲသ့ၣ်တၢ်စိတၢ်ကမီၤလၢကဟီထီၣ်ကွံာ်တၢ်နါတဖၣ် ဒီးလၢကမၤဘျါက့ၤတၢ်ဆူးတၢ်ဆါဒီးတၢ်က့တၢ်ကွဲၣ်ကိးမံၤဒဲး အဂီၢ်လီၤ.

လံာ်မးသဲ 26:24

ပှၤကညီဖိခွါအံၤကဘၣ်သံဝဲ ဒ်တၢ်ကွဲးအသးစီဆှံစံးတ့ၢ်ဝဲ အသိးလီၤ. ဘၣ်ဆၣ်ဒီး, ပှၤကညီလၢအဆါလီၤကွံာ်ပှၤကညီဖိခွါအံၤကဘၣ်အဖှီၣ်ဆံးဒိၣ် လဲၣ်. အဝဲမ့ၢ်တအိၣ်ဖျဲၣ်ထီၣ်ဘၣ်န့ၣ်, ကဂ့ၤဒိၣ်ဒၣ်တၢ်တက့ၢ်လၢအဂီၢ်လီၤ.”

လံာ်မးသဲ 27:5

စီၤယူဒၤကွံာ်လီၤအစ့အဘ့ၣ်တဖၣ်လၢတၢ်လုၢ်ဟံၣ်အပူၤ, ဒီးဟးထီၣ်ကွံာ်ဖဲန့ၣ်လီၤ. တုၤနုၤတစုအဝဲဟးထီၣ်ကွံာ်ဝဲဆူတၢ်ချၢ, ဒီးလဲၤစၢသံလီၤအသးလီၤ.

ဖံလံးပံၤ 4:3

ဒီးနဲဒၣ်စ့ၢ်ကီး, ပှၤမၤသကိးတၢ်ဒီးယၤလၢအသးတီ တဂၤဧၢ, ယအဲၣ်ဒိးလၢနကမၤစၢၤပိာ်မုၣ်တဖၣ်အံၤန့ၣ်လီၤ. အဂ့ၢ်ဒ်အံၤ, အဝဲသ့ၣ်မၤသကိးတၢ်ဒီးယၤဆူၣ်ဆူၣ်လၢတၢ်ရၤလီၤတၢ်သးခုကစီၣ် အပူၤ, ဃုာ်ဒီးစီၤကျ့မ့ၤဒီးယပှၤမၤသကိးတၢ်အဂၤတဖၣ်, လၢအမံၤအိၣ်ကွဲးလီၤအသးလၢကစၢ်ယွၤအလံာ်မူအပူၤန့ၣ်လီၤ.

ဧ့ၤဘြံၤ 12:23

ဆူပှၤဂီၢ်မုၢ်လၢအပှဲၤဒီးတၢ်သးခုဒီးတၢ်အိၣ်ဖှိၣ်ဘၣ်ဃးဒီး ဝဲၢ်ကိလၢအမံၤအိၣ်ကွဲးအသးလၢမူခိၣ်တဖၣ်အအိၣ်, ဒီးဆူကစၢ်ယွၤလၢအစံၣ်ညီၣ်ပှၤခဲလၢာ်အအိၣ်, ဒီးဆူပှၤအတီအလိၤအသးလၢအဘၣ်တၢ်မၤလၢထီၣ်ပှဲၤထီၣ်အီၤ တဖၣ်အအိၣ်,

လံာ်လီၣ်ဖျါ 13:8

ပှၤကိးဂၤဒဲးလၢအအိၣ်ဝဲဆိးဝဲလၢဟီၣ်ခိၣ်ချၢကဘူၣ် ထီၣ်ဘါထီၣ်အီၤ, ဒီးပှၤလၢအတဘါထီၣ်အီၤန့ၣ်, မ့ၢ်ထဲပှၤလၢအမံၤအိၣ်ကွဲးအသးလၢလံာ်မူအပူၤ, တချုးတၢ်တ့လီၤပာ်လီၤဟီၣ်ခိၣ်ဒံးဘၣ်, လံာ်မူလၢအမ့ၢ်သိဖိလၢအဘၣ်တၢ်မၤသံအီၤတဒုန့ၣ် အတၢ်လီၤ.

လံာ်လီၣ်ဖျါ 17:8

တၢ်ဒူတၢ်ဃိၤတဒုန့ၣ်, အိၣ်မူတ့ၢ်ဝဲတဘျီ, ဘၣ်ဆၣ်ဒီး တမူဝဲလၢၤဘၣ်. ဘူးထီၣ်လံလၢအဝဲဒၣ်ကဟဲထီၣ်လၢ တၢ်ပူၤယိာ်, ဒီးကဟးထီၣ်ဝဲဒ်သိးအကဘၣ်တၢ်မၤဟးဂီၤကွံာ်အီၤ အဂီၢ်လီၤ. ပှၤအိၣ်လၢဟီၣ်ခိၣ်ချၢ, လၢအမံၤတအိၣ်ကွဲးအသးလၢလံာ်မူအပူၤတချုးတၢ်တ့လီၤပာ်လီၤ ဟီၣ်ခိၣ်ဒံးဘၣ်တဖၣ်န့ၣ်, ကကမၢကမၣ်မးဝဲကိးဂၤဒဲး, ဖဲအဝဲသ့ၣ်ကွၢ်တၢ်ဒူတၢ်ဃိၤတဒုန့ၣ်လီၤ. တၢ်ဒူတၢ်ဃိၤအံၤ, တဘျီန့ၣ်အိၣ်မူဝဲ, မ့မ့ၢ်ခဲကနံၣ်အံၤတအိၣ်မူဝဲလၢၤဘၣ်. ဘၣ်ဆၣ်ဒီး, အဝဲဒၣ်ကအိၣ်ဖျါထီၣ်ကဒါက့ၤလီၤ.

လံာ်လီၣ်ဖျါ 20:12

ဒီးယထံၣ်ဘၣ်ပှၤသံတဖၣ်, အဒိၣ်ဒီးအဆံးစ့ၢ်ကီး, အိၣ်ဆၢထၢၣ်လၢလီၢ်ပစိာ်အမဲာ်ညါန့ၣ်လီၤ. လံာ်တဖၣ် ဘၣ်တၢ်အိးထီၣ်အီၤ, ဒီးအန့ၣ်ဝံၤအလီၢ်ခံလံာ်အဂၤ တဘ့ၣ်ဘၣ်တၢ်အိးထီၣ်အီၤ, လၢအမ့ၢ်လံာ်မူတဘ့ၣ်န့ၣ်လီၤ. ပှၤသံတဖၣ်ဘၣ်တၢ်စံၣ်ညီၣ်အီၤဒ်တၢ်လၢအဝဲသ့ၣ် မၤတ့ၢ်ဝဲ, ဒ်အဘၣ်တၢ်ကွဲးနီၣ်တ့ၢ်အီၤလၢလံာ်တဖၣ် အပူၤအသိးန့ၣ်လီၤ.

လံာ်လီၣ်ဖျါ 20:15

ပှၤတဂၤလၢ်လၢ်လၢအမံၤတအိၣ်ကွဲးအသးလၢလံာ်မူ အပူၤန့ၣ်, ဘၣ်တၢ်တ့ၢ်လီၤကွံာ်အီၤဆူနိၣ်မ့ၣ်အူအပူၤလီၤ.

လံာ်လီၣ်ဖျါ 21:27

ဘၣ်ဆၣ်ဒီးတၢ်လၢအတကဆှီန့ၣ်တနုာ်လီၤဘၣ်ဆူဝ့ၢ်ပူၤနီ တမံၤဘၣ်. ဒ်န့ၣ်အသိး, ပှၤတဂၤလၢ်လၢ်လၢအမၤတၢ်လၢ အလီၤမဲာ်ဆှး, မ့တမ့ၢ်လီတၢ်ဝ့ၤတၢ်န့ၣ်, တနုာ်လီၤဘၣ်ဝဲဘၣ်. ထဲဒၣ်ပှၤတဖၣ်လၢအမံၤအိၣ်ကွဲးအသးလၢသိဖိအလံာ်မူ အပူၤန့ၣ်, ကနုာ်လီၤဘၣ်ဆူဝ့ၢ်အပူၤလီၤ.

လံာ်လီၣ်ဖျါ 3:5

ပှၤလၢအမၤနၢၤတၢ်တဖၣ်န့ၣ်ကဘၣ်တၢ်ဒုးကူဒုးသိးအီၤဒ်အံၤ အသိးလၢတၢ်အဝါ, ဒီးယတထုးကွံာ်အဝဲသ့ၣ်အမံၤလၢလံာ်မူ အပူၤဘၣ်. လၢယပၢ်ဒီးအမူခိၣ်ကလူးတဖၣ်အမဲာ်ညါန့ၣ်, ယကဘိးဘၣ်သ့ၣ်ညါယဲဖျါဖျါလၢအဝဲသ့ၣ်မ့ၢ်ယတၢ်န့ၣ်လီၤ.