လံာ်လူၤကၣ် 10:19 - Sgaw Karen Common Bible

¹⁹ ကနၣ်တက့ၢ်. ယဟ့ၣ်စိဟ့ၣ်ကမီၤလံသုဒ်သိးသုယီၢ်သုခါဂုၢ်ဧိၤဒးဧိၤတဖၣ်, ပတ့ၤချဲးတဖၣ်ဒီးဒုၣ်ဒါအစိကမီၤခဲလၢာ်ကသ့ဝဲအဂီၢ် ဒီးတၢ်တမၤဆူးမၤဆါသုနီတမံၤဘၣ်လီၤ.

လံာ်လူၤကၣ် 10:19 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 10:11

တဲဘၣ်အဝဲသ့ၣ်တက့ၢ်. ယပၢ်ပာ်လီၤတၢ်ဝံတၢ်ယိးအဃၢတဖၣ်လၢသု ဖီခိၣ်လီၤ. ယကမၤဃၢဒိၣ်ထီၣ်ဒၣ်လဲာ်အီၤန့ၣ်လီၤ. အဝဲဖျ့သုလၢနီၣ်ဖျ့တဖၣ်, ယဲ, ယကတီၢ်သုလၢနီၣ်တီၢ်တဖၣ်လၢ ပှၤတီၢ်ဂီၤဖံးတဖၣ်န့ၣ်လီၤ.”

စံးထီၣ်ပတြၢၤ 91:13

နကယီၢ်တံၢ်ခ့ယုၢ်တဖၣ်ဒီးဂုၢ်သီတဖၣ်, ခ့ယုၢ်ဖိဒီးဂုၢ်လၢအစုၣ်အၢန့ၣ်နကယီၢ်တံၢ်အီၤလၢ နခီၣ်အဖီလာ်လီၤ.

လံာ်ယၡါယၤ 11:8

ဖိသၣ်ဖိတဂၤ, မ့ၢ်လိာ်ကွဲဘူးဒီးဂုၢ်လၢအစုၣ်အိၣ်တဘိဒၣ်လဲာ်, တဘၣ်ဒိဘၣ်ထံးဝဲဘၣ်.

လံာ်ယဃ့းစက့လး 2:6

ဘၣ်ဆၣ်နဲဒၣ်, ပှၤကညီလၢအသံသ့အံၤ, နတဘၣ်ပျံၤအဝဲသ့ၣ်မ့ၢ် ဂ့ၤ, တၢ်လၢအဝဲသ့ၣ်စံးဝဲတမံၤမံၤမ့ၢ်ဂ့ၤန့ၣ်ဘၣ်. အဝဲသ့ၣ်ကခီၣ်ဆၢနၤဒီးကပာ်နၤဒ်ပှၤလၢတဂိာ်တသီၣ်တၢ်ဘၣ် န့ၣ်လီၤ. တၢ်န့ၣ်ကမၤအသးဒ်တၢ်အိၣ်ဆိးလၢပတ့ၤချဲးတဖၣ် အကျါအသိးန့ၣ်လီၤ. အန့ၣ်ဒၣ်လဲာ်ပျံၤပှၤပူထီၣ်တၢ်ဖိ တဖၣ်န့ၣ်မ့ၢ်ဂ့ၤ, တၢ်တမံၤမံၤလၢအဝဲသ့ၣ်စံးဝဲမ့ၢ်ဂ့ၤ, န့ၣ်တဂ့ၤ.

လံာ်မၢ်ကူး 16:18

အဝဲသ့ၣ်မ့ၢ်ဖီၣ်ထီၣ်ဂုၢ်, ဒီးမ့ၢ်အီဘၣ်တၢ်စုၣ်တၢ်ပျၢ်အထံနာ် သက့, တဘၣ်တၢ်နီတမံၤဘၣ်. အဝဲသ့ၣ်ကပာ်အစုလၢပှၤဆူးပှၤဆါတဖၣ်အလိၤ, ဒီးပှၤဆူးပှၤဆါတဖၣ်ကဘျါက့ၤဝဲလီၤ.

လံာ်လူၤကၣ် 11:12

မ့တမ့ၢ်ဘၣ်ဒီးမ့ၢ်ဃ့တၢ်အဒံၣ်တဖျၢၣ်န့ၣ်, ကဟ့ၣ်အီၤလၢပတ့ၤချဲးတဘိဧါ.

မၤတၢ် 28:5

ဘၣ်ဆၣ်ဒီးစီၤပီလူးတဆ့လီၤကွံာ်ဂုၢ်သ့ၣ်ဆူမ့ၣ်အူအပူၤ, ဒီးအနီၢ်ကစၢ်ဒၣ်ဝဲတဘၣ်တၢ်နီတမံၤဘၣ်.

ရိမ့ၤ 16:20

ဒီးကစၢ်ယွၤလၢအမ့ၢ်ပတၢ်ဃူတၢ်ဖိးအဂံၢ်ထံးတဂၤအံၤ, တယံာ်ဘၣ်ဒီးကမၤသဘှံးကွံာ်မုၣ်ကီၤလံၢ်လၢသုခီၣ်အဖီလာ်န့ၣ် လီၤ. မ်ပကစၢ်ယ့ၣ်ၡူးခရံာ်အဘျုးအဖှိၣ်အိၣ်ဒီးသုတက့ၢ်.

လံာ်လီၣ်ဖျါ 11:5

ပှၤတဂၤဂၤမ့ၢ်ဂုာ်ကျဲးစၢးမၤဆါအဝဲသ့ၣ်န့ၣ်, မ့ၣ်အူဟဲဖျိးထီၣ်လၢအဝဲသ့ၣ်အကိာ်ပူၤ, ဒီးအီၣ်ကွံာ် အဒုၣ်အဒါတဖၣ်, ဒီးလၢကျဲဒ်အံၤအပူၤ, ပှၤတဂၤလၢ်လၢ်လၢအဂုာ်ကျဲးစၢးမၤဆါအဝဲသ့ၣ်န့ၣ်, ကဘၣ်တၢ်မၤသံကွံာ်အီၤလီၤ.